Chandrakant Patil on Gopichand Padalkar
सांगली : सांगली जिल्हा मध्यवर्ती सहकारी बँकेच्या निवडणुकीत भाजप आमदार गोपीचंद पडळकर (Gopichand Padalkar) यांना मोठा दिलासा मिळाला आहे. मुंबई उच्च न्यायालयाच्या कोल्हापूर खंडपीठाने उमेदवारी अर्ज अवैध ठरवल्यानंतर पडळकरांनी सर्वोच्च न्यायालयात धाव घेतली होती. आता सर्वोच्च न्यायालयाकडून दिलासा मिळाल्याने त्यांचा निवडणुकीतील मार्ग मोकळा झाल्याचं वृत्त आहे. यानंतर राज्याचे उच्च व तंत्रशिक्षण मंत्री चंद्रकांत पाटील यांनी चॉकलेट देऊन पडळकरांचं अभिनंदन केलं.
पडळकरांच्या उमेदवारीला हिरवा कंदील मिळाल्यानंतर सांगलीत राजकीय चर्चांना उधाण आलं आहे. याच पार्श्वभूमीवर चंद्रकांत पाटील यांनी त्यांचा सत्कार केला. यावेळी त्यांनी मिश्कील टिप्पणी करत पडळकरांना कामावर अधिक लक्ष देण्याचा सल्ला दिला.
ते म्हणाले, “पडळकर यांना अमेरिकेचे राष्ट्राध्यक्ष डोनाल्ड ट्रम्पसुद्धा घाबरतात. ते बँकेत आल्यावर काय होणार याची सगळी व्यूहरचना झाली आहे. कसलेला पैलवान जसा आठ ते दहा जणांना लोळवतो तसे ते आहेत. परंतु, पडळकर यां तू बोल कमी आणि काम जास्त कर असं मुख्यमंत्र्यांनी सांगितलं आहे. मात्र, पडळकरांनी उत्साह ठेवावा; उन्माद नको,” असा सल्लाही त्यांनी दिला.
Ambadas Danve : ‘भाजपने दिलं तेच घ्यावं लागतं’; अंबादास दानवेंचा शिंदेसेना-राष्ट्रवादीला जोरदार टोला
सांगली जिल्हा बँकेच्या जत सोसायटी गटातून पडळकरांनी उमेदवारी अर्ज दाखल केला होता. मात्र, त्यांच्या अर्जाच्या वैधतेवर आक्षेप घेण्यात आल्यानंतर तो बाद करण्यात आला. मुंबई उच्च न्यायालयाच्या कोल्हापूर खंडपीठानेही हा निर्णय कायम ठेवला होता.
त्यानंतर पडळकरांनी सर्वोच्च न्यायालयात दाद मागण्याची भूमिका घेतली. आता सर्वोच्च न्यायालयाकडून दिलासा मिळाल्याने जिल्हा बँकेच्या निवडणुकीतील चुरस वाढण्याची शक्यता आहे.
पडळकरांच्या कुणीकोणूर सर्वसेवा सहकारी सोसायटीतील सभासदत्वावर आणि निंबवडे ग्रामीण बिगरशेती पतसंस्थेतील संचालकपदाच्या अनुभवावर याचिकाकर्त्यांनी प्रश्न उपस्थित केले होते. जिल्हा बँकेच्या उपविधीनुसार ठरावीक कालावधीचं सभासदत्व आणि व्यवस्थापन समितीवरील अनुभव आवश्यक असल्याचा मुद्दा मांडण्यात आला होता.
२० फेब्रुवारी २०२६ रोजी जमीन खरेदी केल्यानंतर त्याआधी सभासदत्व कसं मिळालं, तसेच पतसंस्थेतील सभासदत्व आणि संचालकपद निवडणुकीसाठी ग्राह्य धरता येईल का, असे प्रश्न याचिकेत उपस्थित करण्यात आले होते. या घडामोडींमुळे सांगली जिल्हा बँकेची निवडणूक आता अधिक रंगतदार होण्याची चिन्हं आहेत.
Ans: सांगली जिल्हा मध्यवर्ती सहकारी बँकेच्या निवडणुकीतील त्यांच्या उमेदवारी अर्जाबाबत सर्वोच्च न्यायालयाकडून दिलासा मिळाला आहे.
Ans: त्यांनी चॉकलेट देऊन पडळकरांचं अभिनंदन केलं आणि 'बोल कमी, काम जास्त' असा मिश्कील सल्ला दिला. 'उन्माद नको, उत्साह हवा' असंही ते म्हणाले.
Ans: कुणीकोणूर सर्वसेवा सहकारी सोसायटीतील त्यांचं सभासदत्व आणि निंबवडे ग्रामीण बिगरशेती पतसंस्थेतील संचालकपदाचा अनुभव यावर याचिकाकर्त्यांनी आक्षेप घेतला होता. जिल्हा बँकेच्या निवडणुकीसाठी आवश्यक पात्रतेच्या निकषांवरून हा वाद निर्माण झाला.
.png "Videos"){kind=small}
