रविवार, 25 ऑक्टोबर 2026
राहुल यांच्या रॅलीने भाजपला टेन्शन (संग्रहित फोटो)
देशातील शीख समुदाय आणि सामान्य जनता हे स्वीकारणार नाही, असे भाजपने म्हटले. माजी केंद्रीयमंत्री रविशंकर प्रसाद यांनी राहुल गांधींवर निशाणा साधला. सत्तेबाहेर असल्यामुळे राहुल अस्वस्थ झाले असून, अराजक करण्याचा प्रयत्न करत आहेत, असा आरोप प्रसाद यांनी केला. भाजपच्या आक्रमक भूमिकेवर काँग्रेस नेते पवन खेरा यांनी प्रतिक्रिया दिली आहे. भाजप टेन्शनमध्ये आहे. जनतेला आता पोकळ आश्वासने नव्हे, तर पारदर्शक कारभार हवा, हे भाजपला समजले आहे. असा कारभार काँग्रेस आणि इंडिया आघाडीच देऊ शकते. त्यामुळे भाजपची चिंता वाढत असून, आता त्यांच्या स्वप्नातही काँग्रेस आणि राहुल येत आहेत, असा टोला खेरा यांनी लगावला.
रॅली पुढे ढकलण्याची व्यापाऱ्यांची मागणी
दिल्लीतील व्यापारी संघटना सीटीआयने काँग्रेस व राहुल यांना रामलीला मैदानावरील रॅली ८ नोव्हेंबरनंतर आयोजित करण्याचा विचार करण्याचे आवाहन केले आहे. तोपर्यंत दिवाळी संपलेली असेल आणि व्यापाराचे नुकसान टाळता येईल, असे संघटनेने म्हटले. रामलीला मैदानाच्या आसपास अनेक घाऊक बाजार आहेत. या बाजारांमध्ये मोठ्या प्रमाणावर खरेदी-विक्री करण्यासाठी व्यापारी येत असतात. मात्र, रॅलीमुळे होणाऱ्या गैरसोयींच्या भीतीने व्यापारी बाजारात येण्याचे टाळू शकतात. त्यामुळे हजारो कोटीचे नुकसान होण्याची शक्यता असल्याचे सीटीआयने म्हटले आहे.
30 ऑक्टोबरला मॉक संसद
निवडणूक आयोग व मुख्य निवडणूक आयुक्त ज्ञानेश कुमार यांच्या विरोधात लढणाऱ्या इंडिया ब्लॉकने आता महाभियोगाचे कार्ड खेळले आहे. विरोधी पक्षांची ही आघाडी ३० ऑक्टोबर रोजी दिल्लीतील अशोक हॉटेलमध्ये एका प्रातिनिधिक संसदेचे आयोजन करत आहे, ज्याद्वारे ज्ञानेश कुमार यांच्याविरोधात महाभियोग प्रस्ताव मंजूर करण्याच्या प्रक्रियेचा प्रतिकात्मक सराव केला जात आहे. या प्रातिनिधिक संसदेचा मुख्य उद्देश निवडणूक आयोगाच्या कामकाजाचा आणि मतदार यादीतील कथित अनियमिततेचा निषेध करणे हा आहे.
FAQ
राहुल गांधी कधी काढणार रॅली?
– लोकसभेचे विरोधी पक्षनेते आणि काँग्रेस नेते राहुल गांधी हे १ नोव्हेंबरला रॅली काढणार आहेत.
व्यापाऱ्यांनी काय केली मागणी?
– दिवाळीच्या काळात रॅली आणि रस्ते अडवल्यामुळे वाहतूक कोंडी होऊन सुमारे १०००० कोटी रुपयांच्या व्यवसायात अडथळा निर्माण होईल, या भीतीपोटी ही मागणी करण्यात आली आहे.
आंदोलने, मोर्चांमुळे व्यापाऱ्यांचे किती नुकसान?
– गेल्या काही महिन्यांत सततच्या आंदोलनांमुळे आणि रस्ते बंद असल्यामुळे व्यापाऱ्यांचे अंदाजे ४००० कोटी रुपयांचे व्यावसायिक नुकसान झाले आहे.
