Maharashtra By-election 2026 : बारामती अन् राहुरीची पोटनिवडणूक जाहीर; ‘या’ तारखेला होणार मतदान अन् निकाल

केंद्रीय निवडणूक आयोगाचे मुख्य निवडणूक अधिकारी ज्ञानेश कुमार यांनी महाराष्ट्रामध्ये देखील पोटनिवडणूक जाहीर केली. बारामती आणि राहुरी मतदारसंघासाठी पोटनिवडणूक जाहीर झाली आहे.

• महाराष्ट्रामध्ये पोटनिवडणूक जाहीर
• बारामती आणि राहुरी मतदारसंघासाठी पोटनिवडणूक जाहीर
• 23 एप्रिल रोजी मतदान तर 4 मे रोजी निकाल

 

Maharashtra By-election 2026 : पुणे : केंद्रीय निवडणूक आयोगाची पत्रकार परिषद पार पडली आहे. यामध्ये देशातील पाच राज्यांच्या निवडणूका जाहीर करण्यात आल्या आहेत. यामध्ये पश्चिम बंगाल, आसाम, केरळ, तमिळनाडू आणि पद्दुचेरी या राज्यांच्या समावेश आहे. त्याचबरोबर महाराष्ट्रामध्ये देखील पोटनिवडणूक जाहीर करण्यात आली आहे. केंद्रीय निवडणूक आयोगाचे (election commission of india) मुख्य निवडणूक अधिकारी ज्ञानेश कुमार यांनी याबाबत अधिकची माहिती दिली आहे. (Maharashtra Politics)

 

महाराष्ट्रातील दोन विधानसभा मतदारसंघासाठी पोटनिवडणूक जाहीर करण्यात आली आहे. यामध्ये अजित पवार यांच्या निधनानंतर बारामती विधानसभा आणि राहुरी विधानसभा मतदारसंघासाठी पोटनिवडणूक जाहीर होणार आहे. दिवंगत उपमुख्यमंत्री अजित पवार यांच्या अपघाती निधनानंतर बारामतीची जागा रिक्त झाली आहे. तर अहिल्यानगर जिल्ह्यातील राहुरी विधानसभा जागेसाठी पोटनिवडणूक होणार आहे. यामध्ये भाजप आमदार शिवाजी कर्डिले यांच्या निधनामुळे ही जागा रिक्त झाली आहे. या दोन्ही जागांवर पोटनिवडणूक जाहीर झाली आहे.

See more

#WATCH | Delhi: Chief Election Commissioner Gyanesh Kumar says, “Bye-Elections will be held on 8 Assembly Constituencies in Goa, Gujarat, Karnataka, Maharashtra, Nagaland and Tripura. The schedule would be that the assembly constituencies for Goa, Karnataka, Nagaland and Tripura… pic.twitter.com/EZ34G1ftfV — ANI (@ANI) March 15, 2026

मुख्य निवडणूक अधिकारी ज्ञानेश कुमार यांनी दिलेल्या माहितीनुसार, येत्या 23 एप्रिल 2026 रोजी पोट निवडणूकीसाठी मतदान प्रक्रिया पार पडेल तर येत्या 4 मे रोजी पोटनिवडणूकीचा निकाल हाती येणार आहे. त्यामुळे संपूर्ण राज्याचे लक्ष या पोटनिवडणुकीकडे लागले आहे. ही पोट निवडणूक बिनविरोध करण्याचे महायुतीचे प्रयत्न आहेत. महाराष्ट्राच्या राजकीय संस्कृतीप्रमाणे कोणताही नेता वारल्यानंतर त्याच्या जागी होणाऱ्या पोटनिवडणूकीमध्ये विरोधी पक्षाकडून उमेदवार दिला जात नाही.

हे देखील वाचा : Baramati By Election 2026 : बारामतीमध्ये पुन्हा पवार विरुद्ध पवार? पोटनिवडणूक बिनविरोध होणार की लढणार?

महाराष्ट्राची हीच राजकीय संस्कृती पुढे चालवली जाण्याची शक्यता आहे. अजित पवारांनंतर होणाऱ्या पोटनिवडणुकीमध्ये शरद पवार गट कोणताही उमेदवार देणार नाही अशी अपेक्षा आहे. मीडिया रिपोर्टनुसार, शरद पवार गट हा बारामती विधानसभा मतदारसंघासाठी उमेदवार देणार नसल्याचे देखील समोर आले आहे.

देशातील पाच राज्याचे ‘सरकार’ बदलणार?

निवडणूक आयोगाने दिलेल्या माहितीनुसार, या पाचही राज्यांची मतमोजणी 4 मे 2026 रोजी होणार आहे.

प्रमुख राज्यांचे वेळापत्रक खालीलप्रमाणे आहे:

• पश्चिम बंगाल: यावेळेस बंगालमध्ये हिंसाचार रोखण्यासाठी कडेकोट बंदोबस्त असेल. येथे दोन टप्प्यांत मतदान होईल. पहिला टप्पा 23 एप्रिल आणि दुसरा टप्पा 29 एप्रिल रोजी पार पडेल. मतमोजणी 4 मे 2026 रोजी होणार आहे.
• तामिळनाडू: राज्यात एकाच टप्प्यात 23 एप्रिल रोजी मतदान होईल. मतमोजणी 4 मे 2026 रोजी होणार आहे.
• आसाम: आसाममध्ये 9 एप्रिल रोजी एकाच टप्प्यात मतदान प्रक्रिया पार पडेल. मतमोजणी 4 मे 2026 रोजी होणार आहे.
• केरळ: केरळमध्येही 9 एप्रिल रोजी नागरिक आपला मतदानाचा हक्क बजावतील. मतमोजणी 4 मे 2026 रोजी होणार आहे.
• पद्दुचेरी: केंद्रशासित प्रदेश पुद्दुचेरीमध्ये 9 एप्रिल रोजी एकाच दिवशी मतदान होईल. मतमोजणी 4 मे 2026 रोजी होणार आहे.

 

हे देखील वाचा :  देशातील पाच राज्यांचे ‘सरकार’ बदलणार? निवडणूक आयोगाकडून तारखा जाहीर; कधी अन् किती टप्प्यांत होणार मतदान?