Maharashtra Politics: रूपाली चाकणकरांचा पाय खोलात? Ashok Kharat प्रकरणात थेट…

अशोक खरात प्रकरणात आज मुख्यमंत्री फडणवीस यांनी सभागृहात निवेदन दिले. यामध्ये अशोक खरातच्या शिवनिका संस्थेच्या सदस्यांची देखील चौकशी केली जाणार असल्याचे समोर येत आहे.

अशोक खरात प्रकरणात चाकणकर यांची चौकशीची शक्यता 
अशोक खरातला 29 मार्चपर्यंत पोलिस कोठडी 
मुख्यमंत्री फडणवीस यांनी सभागृहात दिले निवेदन

Ashok Kharat Case: नाशिक येथील लैंगिक अत्याचार प्रकरणात अशोक खरातच्या अडचणी वाढल्या आहेत. त्याच्या पोलिस कोठडीची मुदत संपल्याने त्याला आज कोर्टात हजर करण्यात आले. यावेळेस कोर्टाने त्याला 5 दिवसांची कोठडी सुनावली आहे. दरम्यान या प्रकरणात राष्ट्रवादी कॉँग्रेस पक्षाच्या नेत्या रुपाली चाकणकर यांना राज्य महिला आयोगाच्या अध्यक्षपदाचा राजीनामा द्यावा लागला होता. आता या प्रकरणात त्यांची चौकशी होण्याची शक्यता आहे.

अशोक खरात प्रकरणात आज मुख्यमंत्री फडणवीस यांनी सभागृहात निवेदन दिले. यामध्ये अशोक खरातच्या शिवनिका संस्थेच्या सदस्यांची देखील चौकशी केली जाणार असल्याचे समोर येत आहे. या सदस्यांची देखील चौकशी होणार असल्याचे मुख्यमंत्री फडणवीस यांनी सभागृहात सांगितले असल्याचे समोर येत आहे.

जर अशोक खरात यांच्यात शिवनिका संस्थेच्या सदस्यांची चौकशी केली गेली तर, रुपाली चाकणकर यांची देखील चौकशी होण्याची शक्यता आहे. त्यामुळे चौकशी झाल्यास रुपाली चाकणकर यांच्या अडचणीत वाढ होण्याची शक्यता आहे. रुपाली चाकणकर या शिवनिका संस्थेच्या सदस्या असल्याचे समोर येत आहे. त्यामुळे त्यांची देखील चौकशी होणार अशी शक्यता निर्माण झाली आहे.

“पतीच्या मरणाची भीती घालून महिलेवर वारंवार…”: Ashok Kharat प्रकरणात CM फडणवीसांचे निवेदन

CM फडणवीसांचे निवेदन

सभागृहात मुख्यमंत्री देवेंद्र फडणवीस म्हणाले, “नीरज जाधवाच्या सहभागाबद्दल पुरावा आढळून आला नाही. 2024 मध्ये शिर्डीमधील एका महिलेने तरकार दाखल केली. काही व्हिडिओ तपास अधिकाऱ्यांना दाखवले असता त्यामध्ये 8 महिलांचे 35 व्हिडिओ असल्याचे समोर आले. यामध्ये अशोक खरातने जादूटोणा, भोंदूगिरी, तंत्रमंत्र वापरुन अनेक महिलांशी बलात्कार, अश्लील चाळे केल्याचे समोर आले. हे समोर आणणाऱ्या साक्षीदारास अशोक खरातकडून जीविताची भीती होती.”

पुढे बोलताना मुख्यमंत्री देवेंद्र फडणवीस म्हणाले, “17 मार्चला एका महिलेने खरातविरुद्ध तक्रार दिली. तंत्रमंत्र करत दैवी शक्ति असल्याचे खरातने सांगितले. आरोपी देश सोडून पळून जाण्याची शक्यता होती. पतीच्या मरणाची भीती घालून महिलेवर वारंवार बलात्कार केला गेला. नरबळी, जादूटोणा प्रतिबंध कायद्यानुसार अशोक खरातवर गुन्हे दाखल आहेत. खरातच्या घरातून लॅपटॉप, रोकड जप्त करण्यात आली.”

भोंदू बाबा Ashok Kharat च्या अडचणी वाढल्या; कोर्टाने दिला ‘हा’ मोठा निर्णय

Ashok Kharat च्या अडचणी वाढल्या

भोंदू बाबा अशोक खरातला आज कोर्टात हजर करण्यात आले होते. दरम्यान कोर्टाने त्याला 29 मार्चपर्यंत पोलिस कोठडी सुनावली आहे. त्यामुळे अशोक खरातच्या अडचणीत वाढ झाली आहे. नाशिकमध्ये उजेडात आलेल्या लैंगिक अत्याचार प्रकरणात अशोक खरातच्या अडचणी वाढल्या आहेत.