Congress leader Sajjan Kumar Passes Away: काँग्रेस नेते सज्जन कुमार यांचे निधन; सफदरजंग रुग्णालयात घेतला अखेरचा श्वास

सप्टेंबर २०२३ मध्ये, राऊस ॲव्हेन्यू न्यायालयाने दिल्लीतील सुलतानपुरी येथे तीन शिखांच्या हत्येशी संबंधित एका प्रकरणात त्याची निर्दोष मुक्तता केली. दंगलीतील सीबीआयची प्रमुख साक्षीदार चाम कौर यांनी आरोप केला होता की, सज्जन जमावाला भडकवत होते

• तिहार तुरुंगात प्रकृती बिघडल्यानंतर सफदरजंग रुग्णालयात नेण्यात आले, तेथे मृत घोषित.
• निधनाचे वृत्त समजताच माजी खासदार सज्जन कुमार यांचे पुत्र जग प्रवेश कुमार रुग्णालयात पोहोचले.
• पालम कॉलनीत ५ शिखांची हत्या आणि गुरुद्वारा जाळल्याप्रकरणी जन्मठेपेची शिक्षा.

Congress leader Sajjan Kumar Dies: माजी खासदार आणि भारतीय राष्ट्रीय काँग्रेस पक्षाचे नेते सज्जन कुमार यांचे निधन झाले आहे. त्यांना दिल्लीतील सफदरजंग रुग्णालयात मृत अवस्थेत आणण्यात आले होते. त्यांच्या निधनाची बातमी मिळताच, दिवंगत काँग्रेस नेते आणि माजी खासदार यांचे पुत्र जग प्रवेश कुमार सफदरजंग रुग्णालयात पोहोचले.

सज्जन कुमार गेल्या सात वर्षांपासून दिल्लीच्या तिहार तुरुंगात शिक्षा भोगत होते. गुरुवार, २० ऑगस्ट रोजी वयाच्या ८१ व्या वर्षी त्यांचे निधन झाले. जेव्हा त्यांना रुग्णालयात आणण्यात आले, तेव्हा असे आढळून आले की त्यांचे निधन खूप पूर्वीच झाले होते. एप्रिल २०२६ मध्ये, त्यांनी आपल्या आजारी पत्नीला भेटण्यासाठी सर्वोच्च न्यायालयात जामिनासाठी अर्ज केला होता, परंतु सर्वोच्च न्यायालयाने त्यांना जामीन नाकारला होता.

BJP-Congress Politics: छात्रों की गुंज! फडणवीसांचा वार सतेज पाटलांचा पलटवार; पुण्यात राजकारण तापणार

१९८४ च्या दंगली प्रकरणी जन्मठेपेची शिक्षा

१९८४ च्या शीखविरोधी दंगलींशी संबंधित दोन प्रकरणांमध्ये दोषी ठरल्यानंतर सज्जन कुमार तिहार तुरुंगात जन्मठेपेची शिक्षा भोगत होता. दिल्ली कँटोन्मेंटच्या पालम कॉलनी परिसरात पाच शिखांच्या हत्येनंतर एका गुरुद्वाराला आग लावण्यात आली होती. या प्रकरणात सज्जन कुमार दोषी आढळला होता. दिल्ली उच्च न्यायालयाने १७ डिसेंबर २०१८ रोजी त्याला जन्मठेपेची शिक्षा सुनावली होती.

सप्टेंबर २०२३ मध्ये, राऊस ॲव्हेन्यू न्यायालयाने दिल्लीतील सुलतानपुरी येथे तीन शिखांच्या हत्येशी संबंधित एका प्रकरणात त्याची निर्दोष मुक्तता केली. दंगलीतील सीबीआयची प्रमुख साक्षीदार चाम कौर यांनी आरोप केला होता की, सज्जन जमावाला भडकवत होते.

१ नोव्हेंबर १९८४ रोजी सरस्वती विहार येथे सरदार जसवंत सिंग आणि त्यांचा मुलगा तरुंदीप सिंग यांची हत्या करण्यात आली. दंगलखोरांनी त्यांच्यावर लोखंडी सळ्या आणि काठ्यांनी हल्ला केला आणि नंतर त्या दोन शिखांना जिवंत जाळले. १२ फेब्रुवारी २०२५ रोजी त्यांना दोषी ठरवण्यात आले आणि २५ फेब्रुवारी रोजी जन्मठेपेची शिक्षा सुनावण्यात आली.

Satara News: वेताळवाडी ग्रामपंचायतीची ग्रामसभा संपन्न; डिजिटल शाळा, सीसीटीव्ही आणि घरकुल योजनेच्या प्रस्तावांना प्राधान्य

सज्जन कुमार यांचे राजकीय जीवन

सज्जन कुमार यांचा जन्म २३ सप्टेंबर १९४५ रोजी झाला. त्यांच्या वडिलांचे नाव रघुनाथ सिंग होते. त्यांचे शिक्षण फक्त मॅट्रिकपर्यंतच झाले. १९७७ मध्ये, सज्जन कुमार पहिल्यांदा दिल्ली महानगरपालिकेत नगरसेवक झाले. नंतर त्यांची दिल्ली प्रदेश काँग्रेस समितीच्या सरचिटणीसपदी नियुक्ती झाली.

१९८० मध्ये, ते काँग्रेसच्या तिकिटावर बाह्य दिल्ली मतदारसंघातून ७ व्या लोकसभेवर निवडून आले. १९९१ मध्ये ते पुन्हा लोकसभा निवडणुकीत विजयी झाले. ते संजय गांधी यांच्या जवळचे मानले जात होते. २००४ मध्ये, त्यांनी पुन्हा एकदा बाह्य दिल्लीची जागा ८५ लाखांहून अधिक मतांच्या विक्रमी फरकाने जिंकली. राजकारणात येण्यापूर्वी ते एक बेकरी चालवत होते, असेही बोलले जाते.