मोठी बातमी ! मुख्यमंत्री देवेंद्र फडणवीस आणि शरद पवार यांच्यात आज भेट होणार; राजकीय चर्चांना उधाण (फोटो - सोशल मीडिया)
मुंबई : राज्याचे मुख्यमंत्री देवेंद्र फडणवीस यांचा आज वाढदिवस आहे. देवेंद्र फडणवीस यांनी आज 55 वा वाढदिवस असून त्यांना राज्यासह देशभरातून शुभेच्छा दिल्या जात आहेत. देवेंद्र फडणवीस यांच्या वाढदिवसानिमित्त भाजपाचे नेते तथा मंत्री गिरीश महाजन यांच्या संकल्पनेतून ‘महाराष्ट्र नायक’ पुस्तकाचे प्रकाशन करण्यात आले आहे. यामध्ये राज्यातील विविध नेत्यांनी मुख्यमंत्री देवेंद्र फडणवीस यांच्याबाबत भावना व्यक्त केल्या आहेत. यामध्ये जेष्ठ नेते शरद पवार यांनी देखील देवेंद्र फडणवीस यांच्या कामाचे कौतुक केले आहे.
‘महाराष्ट्र नायक’ या पुस्तकामध्ये शरद पवार यांनी देवेंद्र फडणवीस यांचे कौतुक करणारा लेख लिहिला आहे. यामध्ये शरद पवार यांनी फडणवीसांच्या कार्याचे कौतुक केले आहे. शरद पवार यांनी लिहिले आहे की, देवेंद्र फडणवीस यांच्या कामाचा झपाटा आणि उरक मी पाहिला आहे. त्यांचे काम पाहिले की मी पहिल्यांदा मुख्यमंत्री झालो तो कार्यकाळ आठवतो. देवेंद्र फडीसांचीदेखील ही गती ते माझ्या वयाचे होईपर्यंत राहो आणि कालचक्रमानाने ती वृद्धींगत होत राहो, अशा शब्दांत शरद पवार यांनी फडणवीसांचे कौतुक केले आहे.
राजकीय बातम्या वाचण्यासाठी क्लिक करा
पुढे लिहिले आहे की, देवेंद्र फडणीस हे कायद्याचे पदवीधर असल्याचे पट्टीचे हजरजबाबी, संवादकुशल आहेत. वागण्यात आणि बोलण्यात कमालीचे तारतम्य ही त्यांची जमेची बाजू आहे. या गुणांच्या आणि उपजत बुद्धीचातुर्याच्या बळावर त्यांनी सत्तेत नसतानादेखील आपल्या कार्यक्षमतेचा ठसा उमटवला. भाजपाचे प्रदेशाध्यक्ष म्हणून त्यांनी बजावलेली कामगिरी खरोखरच वाखाणण्याजोगी होती, अशी स्तुतीसुमने शरद पवारांनी वाहिली आहे.
महाराष्ट्रसंबंधित बातम्या वाचण्यासाठी क्लिक करा
उद्धव ठाकरेंही केले देवेंद्र फडणवीसांचे कौतुक
‘महाराष्ट्र नायक’ या पुस्तकामध्ये माजी मुख्यमंत्री उद्धव ठाकरे यांनी देखील लेख लिहिला आहे. आश्चर्याची बाब म्हणजे उद्धव ठाकरेंनी देखील देवेंद्र फडणवीसांचे जोदार कौतुक केले आहे. उद्धव ठाकरेंनी लिहिले आहे की, गंगाधर फडणवीस यांनी महाराष्ट्राच्या राजकारणात एक आदर्श राजकारणी म्ह्णून आपली प्रतिमा निर्माण केली होती. त्यांचा वारसा देवेंद्र गंगाधरराव फडणवीस हे अत्यंत मेहनतीने आणि समर्थपणे चालवण्याचे कार्य करत आहेत. देवेंद्र फडणवीस आज राज्याचे तिसऱ्यांदा मुख्यमंत्री झाले आहेत. २०१४ ते २०१९ या त्यांच्या पहिल्या कार्यकाळात आम्ही त्यांच्यासोबत होतो. त्यांची विषय समजून घेण्याची जिद्द, प्रश्न सोडवण्याची तळमळ, राज्याला न्याय देण्याचा प्रयत्न जवळून पाहता आला. नंतरच्या कालावधीत विरोधी पक्षनेता म्हणून काम करण्याची त्यांची धडपड पाहता आली. देवेंद्रजी एक हुशार आणि प्रामाणिक राजकारणी आहेत. त्यांना आपल्या राजकीय कारकिर्दीत अनेक अडचणींचा सामना करावा लागला. देवेंद्र फडणवीस यांना भविष्यात केंद्रात मोठी संधी मिळण्याची शक्यता आहे. कारण त्यांचा अभ्यासू स्वभाव आणि प्रशासकीय कौशल्य त्यांच्या पक्षाला उपयुक्त ठरेल. भाजपमध्ये देवेंद्र फडणवीस यांची प्रतिमा गतिमान, अभ्यासू आणि पक्षनिष्ठ नेते अशी आहे. राष्ट्रीय स्वयंसेवक संघाशी असलेली जवळीक आणि केंद्रीय नेतृत्वाचा पाठिंबा यामुळे त्यांचे स्थान दृढ आहे. भविष्यात त्यांना देशाच्या राजकारणात आणि त्यांच्या मनातील योजनांमध्ये यश मिळो, ही मनःपूर्वक शुभेच्छा!, असे उद्धव ठाकरे यांनी लिहिले आहे.
