Chandrakant patil
Chandrakant Patil : राज्यात विधानपरिषद निवडणुकीचे बिगुल सध्या वाजत आहे. शिक्षक आणि पदवीधर मतदारसंघाच्या या निवडणुकीत पाचहि जागांवर चुरशीची लढत होणार आहे. एकीकडे विरोधकांकडून EVM मशीनला विरोध होत असून सत्ताधारीही त्यांना प्रत्युत्तर देण्यास कमी पडत नसल्याचे दिसत आहे. अश्यातच भाजप नेते चंद्रकांत पाटील यांनी मोठे विधान करत ‘निवडणुका EVM वर घ्या किंवा बॅलेट पेपरवर, जिंकणार तर आम्हीच..’ असा विश्वास व्यक्त केला आहे.
पुणे शिक्षक आणि पदवीधर मतदारसंघाच्या निवडणुकीच्या प्रचारासाठी सोलापूर दौऱ्यावर असताना चंद्रकांत पाटील यांनी माध्यमांशी संवाद साधला. विरोधकांकडून ईव्हीएमच्या वापरावर सातत्याने प्रश्न उपस्थित केले जात असल्याच्या पार्श्वभूमीवर त्यांनी आपली भूमिका स्पष्ट केली.
‘निवडणुका ईव्हीएम मशीनवर घ्या किंवा कागदावर घ्या, जिंकणार तर आम्हीच आहोत,’ असा विश्वास पाटील यांनी व्यक्त केला. विरोधकांची अवस्था ‘नाचता येईना अंगण वाकडे’ अशी झाल्याची टीकाही त्यांनी केली.
दिल्ली विद्यापीठातील निवडणुकीत अखिल भारतीय विद्यार्थी परिषदेने चारपैकी तीन जागा जिंकल्याचा आणि ओडिशातील सहा विद्यापीठांच्या निवडणुकांत विजय मिळवल्याचा दाखला त्यांनी दिला. आगामी निकालातही आपली ताकद दाखवून देऊ, असं ते म्हणाले.
पुणे शिक्षक मतदारसंघातील राजकीय समीकरणांवर बोलताना चंद्रकांत पाटील यांनी शिवसेनेच्या भूमिकेवरही भाष्य केलं. महायुतीतील मित्रपक्ष असलेल्या शिवसेनेने अपक्ष उमेदवार सचिन सानप यांना पाठिंबा दिल्याबद्दल विचारलं असता, हा पाठिंबा ‘बॅड न्यूज’ असल्याचं त्यांनी म्हटलं.
मात्र, अजून दोन दिवस बाकी असून या काळात काहीतरी सकारात्मक घडेल, अशी अपेक्षाही त्यांनी व्यक्त केली. सध्याची परिस्थिती ‘नाईलाज को क्या इलाज’ अशी असल्याचं सांगत त्यांनी या विषयावर अधिक भाष्य करणं टाळलं. महायुतीतील मित्रपक्षांवर टीका करू नये, असं आवाहनही त्यांनी केलं.
निवडणूक प्रक्रियेतील पारदर्शकता, ईव्हीएमचा वापर आणि मतदारयादीच्या विशेष सखोल पुनरीक्षणावरून विरोधकांकडून निवडणूक आयोगावर टीका केली जात आहे. मुख्य निवडणूक आयुक्त ज्ञानेश कुमार यांच्या राजीनाम्याची मागणीही विरोधकांकडून होत आहे.
या पार्श्वभूमीवर चंद्रकांत पाटील यांच्या विधानामुळे निवडणुकीच्या प्रचारातील राजकीय आरोप-प्रत्यारोपांना आणखी धार आली आहे. आता पुणे शिक्षक आणि पदवीधर मतदारसंघात मतदारांचा कौल कुणाच्या बाजूने लागतो, याकडे सर्वांचं लक्ष लागलं आहे.
राज्य मंत्रिमंडळात लवकरच फेरबदल होणार? अनेक मंत्र्यांना डच्चू मिळण्याची शक्यता; तर तरुण आमदारांना…
Ans: निवडणूक ईव्हीएम मशीनवर घ्या किंवा कागदावर, विजय आमचाच होईल, असा विश्वास चंद्रकांत पाटील यांनी व्यक्त केला.
Ans: शिवसेनेचा सचिन सानप यांना पाठिंबा ही बॅड न्यूज असल्याचं त्यांनी म्हटलं. मात्र, पुढील दोन दिवसांत काहीतरी सकारात्मक घडेल, अशी अपेक्षाही व्यक्त केली.
Ans: ईव्हीएम विरुद्ध बॅलेट पेपरचा वाद, महायुतीतील पक्षांची भूमिका आणि अपक्ष उमेदवार सचिन सानप यांना शिवसेनेचा पाठिंबा हे मुद्दे चर्चेत आहेत.
.png "Videos"){kind=small}
