Raj Thackeray : 2029 पर्यंत त्यांना मुख्यमंत्री ठेवा म्हणजे झालं, राज ठाकरेंचा खोचक टोला
महाराष्ट्राच्या राजकीय पटलावर गुरुवारी एक अत्यंत दुर्मिळ क्षण पहायला मिळाले. ज्येष्ठ व्यंगचित्रकार प्रशांत कुलकर्णी संपादित ‘महाराष्ट्राच्या हास्यरेषा’ या मराठी व्यंगचित्रकलेचा 100 वर्षांचा प्रवास उलगडणाऱ्या पुस्तकाच्या प्रकाशन सोहळ्याच्या निमित्ताने मुख्यमंत्री देवेंद्र फडणवीस, उद्धव ठाकरे आणि मनसे अध्यक्ष राज ठाकरे (Raj Thackeray) हे तिन्ही दिग्गज नेते एकाच व्यासपीठावर एकत्र आले होते.
ग्रंथाली प्रकाशनाच्या वतीने आयोजित हा प्रकाशन सोहळा दादर येथील स्वातंत्र्यवीर सावरकर स्मारक सभागृहात पार पडला. यावेळी राज ठाकरे यांनी भाषणाच्या सुरुवातीलाच सांस्कृतिक मंत्री आशिष शेलार यांनी केलेल्या वक्तव्यावर खोचक टोला लगावला.
राज ठाकरेंनी फोन केला की, मुख्यमंत्री येतात असं सांस्कृतिक मंत्री आशिष शेलार यांनी वक्तव्य केले होते. त्यावर आपल्या भाषणावेळी राज ठाकरे यांनी दिलखुलास शैलीत मिश्किल टिप्पणी केली. शेलार यांना उत्तर देताना राज ठाकरेंनी मुख्यमंत्री देवेंद्र फडणवीस यांना कोपरखळी मारली. ते म्हणाले की, यापुढे पण मी मुख्यमंत्र्यांना बोलवत जाईन आणि ते येत जातील. 2029 पर्यंत त्यांना मुख्यमंत्री ठेवा म्हणजे झालं. राज ठाकरेंच्या या कोपरखळीवर संपूर्ण सभागृहात एकच हशा पिकला.
या तिन्ही नेत्यांच्या बंद दाराआड झालेल्या चर्चेला विशेष राजकीय महत्त्व प्राप्त झाले आहे. रायगड जिल्ह्यातील कर्जत येथील टोरेंट पॉवर प्रकल्पाच्या मुद्द्यावरून मनसे अध्यक्ष राज ठाकरे यांनी नुकतीच राज्य सरकारवर जोरदार टीका केली होती. त्याचसोबत ठाण्यातील प्रदीप पूर्णेकर प्रकरणात उद्धव ठाकरे यांची शिवसेना अत्यंत आक्रमक झाली आहे. आदित्य ठाकरेंनी या प्रकरणी उपमुख्यमंत्री एकनाथ शिंदे यांच्यावर आरोप केले आहेत.
या सर्व महत्त्वाच्या राजकीय घडामोडी ताज्या असतानाच तिन्ही दिग्गज नेते एकत्र आल्याने आणि त्यांच्यात गुप्त चर्चा झाल्याने विविध तर्क-वितर्क लावले जात आहेत.
ज्येष्ठ व्यंगचित्रकार प्रशांत कुलकर्णी यांच्या पुस्तकात शंभर वर्षांत मराठी व्यंगचित्रकारांनी महाराष्ट्राला हसवले, डोळ्यात अंजन घातले आणि आरसा दाखवला; या संपूर्ण समृद्ध इतिहासाचा लेखाजोखा एकाच ठिकाणी बंदिस्त करण्यात आला आहे. शंभर वर्षांत मराठी व्यंगचित्रकारांनी महाराष्ट्राला हसवले, डोळ्यात अंजन घातले आणि आरसा दाखवला, या संपूर्ण समृद्ध इतिहासाचा लेखाजोखा या ग्रंथात एकाच ठिकाणी बंदिस्त करण्यात आला आहे.
Ans: राज ठाकरे यांनी, “२०२९ पर्यंत त्यांना मुख्यमंत्री ठेवा म्हणजे झालं,” अशी मिश्किल टिप्पणी केली.
Ans: ज्येष्ठ व्यंगचित्रकार प्रशांत कुलकर्णी संपादित ‘महाराष्ट्राच्या हास्यरेषा’ या पुस्तकाच्या प्रकाशन सोहळ्यात त्यांनी ही टिप्पणी केली.
Ans: मुख्यमंत्री देवेंद्र फडणवीस, उद्धव ठाकरे आणि मनसे अध्यक्ष राज ठाकरे हे एकाच व्यासपीठावर उपस्थित होते.
.png "Videos"){kind=small}
