Rupali Chakankar Resign Breaking: अखेर रुपाली चाकणकर यांनी राष्ट्रवादीच्या प्रदेशाध्यक्ष पदाचा राजीनामा दिल्याची माहिती समोर आली आहे. गेल्या काही दिवसांपासून अशोक खरात प्रकरणामुळे चाकणकर वादाच्या भोवऱ्यात सापडल्या होत्या. खरात यांना ‘गुरू’ मानणाऱ्या चाकणकर यांच्यावर या प्रकरणामुळे पक्षांतर्गत आणि राजकीय स्तरातून मोठा दबाव निर्माण झाला होता.
राज्य महिला आयोगाच्या अध्यक्षपदाचा कार्यकाळ संपल्यानंतर, आता त्यांनी पक्षीय संघटनेतील महत्त्वाच्या पदाचाही त्याग केला आहे. खरात यांच्याशी असलेल्या निकटच्या संबंधांमुळे झालेल्या आरोपांनंतर, पक्षाची प्रतिमा जपण्यासाठी त्यांना हा निर्णय घ्यावा लागल्याची चर्चा राजकीय वर्तुळात रंगली आहे . या राजीनाम्यामुळे राष्ट्रवादी काँग्रेसच्या महिला आघाडीत आता मोठ्या बदलांचे संकेत मिळत असून, आगामी काळात हे पद कोणाकडे सोपवले जाते, याकडे सर्वांचे लक्ष लागले आहे.
Maharashtra Politics: रूपाली चाकणकरांचा पाय खोलात? Ashok Kharat प्रकरणात थेट…
राजीनामा दिल्यानंतर रुपाली चाकणकर यांनी त्यांच्या ट्विटर एक्सवर एक पोस्ट शेअर करत पुन्हा एकदा आपली भूमिका स्पष्ट केली आहे. “खरात प्रकरणाबाबत पहिल्या दिवशीच मी माझी भूमिका स्पष्ट केली आहे.त्याच्या आर्थिक व्यवहारात,त्याच्या गैरकृत्यात दुरान्वये संबंध नाही,आजही तीच स्पष्ट व ठाम भूमिका आहे.तपासादरम्यान या सर्व बाबी निष्पन्न होतीलच. खोटे,असत्य व कुठलाही पुरावा नसताना जे आरोप माध्यमांमधून होत आहेत,ते वेदनादायक आहे.सत्य प्रखरतेने सिद्ध होईलच. हा तपास पारदर्शकपणे व निष्पक्षपणे व्हावा,ही माझी मागणी मी यापूर्वीच मा.मुख्यमंत्री, मा.उपमुख्यमंत्री,मा.पोलिस महासंचालक यांच्याकडे केली आहे. आज सकाळी फोनद्वारे आदरणीय सुनेत्रावहिनी पवार यांच्याशी झालेल्या चर्चेनुसार मी माझ्या राष्ट्रवादी महिला काँग्रेस प्रदेशाध्यक्षपदाचा राजीनामा देत आहे. ” असं चाकणकर यांनी म्हटल आहे.
Rupali Chakankar : महिला आयोग अध्यक्षानंतर आता प्रदेशाध्यक्ष पद …
.png "Videos"){kind=small}
