डिलिमिटेशन बिलासाठी खासदारांचा भाव १५० कोटी? संजय राऊतांचा खळबळजनक दावा
आज सकाळी माध्यमांशी बोलताना संजय राऊत म्हणाले की, “तुमचे सरकार ५०-१०० कोटी रुपये देऊन आमदार विकत घेत आहेत. आताही अमित शाहा हे डिलिमिटेशन बिलासाठी खासदार विकत घेत आहेत. त्यासाठी त्यांनी १५० कोटींचा भाव लावला आहे. पार्लमेंटचे अधिवेशन का होत नाही, कारण त्यांना खासदार जमा करायचे आहेत. त्यासाठी त्यांनी १५० कोटींचा भाव लावला आहे. जर महाराष्ट्रातील खासदारांनी त्या बिलाला पाठिंबा दिला तर मी सांगितलेला आकडा लक्षात ठेवा. संजय राऊत जी बातमी असते ती इंटिलेजन्सच्या पुढची असते. १०० कोटीवरुन १५० कोटींवर आलेला हा आकडा अलीकडच्या दोन दिवसातला आहे. अमित शाहा मुंबईत दोन महिन्यात कितीवेळा आले. का आले, मुंबईत बसून त्यांना कोणते व्यवहार करायचे आहेत. १५० कोटींना खासदार विकत घेऊन त्यांना डिलिमिटेशन बिलासाठी खासदारांचे संख्याबळ जमा करायचे आहे. ते इनकम टॅक्सला कळवणार का, असा सवालही त्यांनी उपस्थित केला आहे.
हा पैसा मुंबईतून जाणार आहे. त्यांची जबाबदारीही महाराष्ट्रतल्या काही प्रमुख राजकीय पुढाऱ्यांकडे दिली आहे. १५० कोटी रुपये ही रक्कम काय चिंता करण्यासारखी नाही. जर पाच वर्षांपूर्वी एक आमदार ५० कोटींना विकला जाऊ शकतो. खासदार ७५ कोटींना विकला जाऊ शकतो तर आता महागाई वाढली आहे तर १५० कोटींचा आकडा हा सन्माननीय आकडा आहे. असा खोचक टोलाही संजय राऊत यांनी लगावला आहे. आमचे सहा खासदार गेले, ते ८०-८० कोटींना गेले, त्यांना १५ कोटी आधीच गेले होते. हा एकनाथ शिंदे यांचं डिल होतं. जसं नॅशनल स्टॉक एक्सचेंजचा भाव असतो, तसा हा पॉलिटिकल नॅशनल स्टॉक एक्सचेंजचा भाव आहे, अशी टिकाही त्यांनी यावेळी केली.
निवडणूक यंत्रणेवर जनतेचा दबाव असल्यामुळे राजस्थामधील निवडणुकीत त्यांना फार गडबडघोटाळे करता आले नाहीत. त्यामुळे भाजप विरुद्धचा प्रवाह दिसून आला, हा दबाव कायम राहिला तर २०२९ मध्ये भाजप किंवा मोदी शहांची सत्ता कदापि येणार नाही. मोदींचा राजयोग संपला आहे. असंही संजय राऊत यांनी म्हटलं आहे.
India A vs Pakistan A: पुन्हा हायव्होल्टेड ड्रामा Sunday! ‘आमच्यासाठी हा फक्त सामना…’, कर्णधार तिल
देश आर्थिक अराजकतेच्या उंबरठ्यावर असून त्याचा कधीही स्फोट होऊ शकतो, हे स्वत: पंतप्रधान नरेंद्र मोदींनी मान्य केलं आहे. उद्योगपतींना एवढी सुट दिल्यानंतर देशात रोजगार नाहीयेत. म्हणजे देशात कधीही बेरोजगरीचा स्फोट होऊ शकतो हे त्यांनी मान्य केलं आहे. पाण्यावर आंदोलन करण्याचे सोडून भारत पाकिस्तानवर आंदोलन करत आहात, असंही संजय यांनी म्हटलं आहे.






