शुक्रवार, 30 ऑक्टोबर 2026
उद्धव ठाकरे आणि फडणवीसांच्या भेटीवर संजय राऊतांचं मोठं विधान
मुंबई : मुख्यमंत्री देवेंद्र फडणवीस, शिवसेना ठाकरे गटाचे पक्षप्रमुख उद्धव ठाकरे आणि मनसे अध्यक्ष राज ठाकरे हे एकाच मंचावर आल्याने महाराष्ट्राच्या राजकारणात चर्चांना उधाण आलं आहे. ‘महाराष्ट्राच्या हास्यरेषा’ या प्रशांत कुलकर्णी संपादित पुस्तकाच्या प्रकाशन सोहळ्यात तिन्ही नेते एकत्र आले होते. आता या भेटीवर खासदार संजय राऊत यांनी केलेल्या वक्तव्याने राजकीय चर्चांना आणखी रंग चढला आहे. (Sanjay Raut)
या भेटीबाबत बोलताना संजय राऊत म्हणाले, “काल उद्धव ठाकरे आणि मुख्यमंत्री देवेंद्र फडणवीस एकत्र होते ना, हा ओलावा असतो. भविष्यात काय होईल सांगता येत नाही.”
त्यांनी पुढे लोकशाहीतील बदलत्या राजकीय परिस्थितीचाही उल्लेख केला. “लोकांचे मन चंचल आहे. लोकशाही म्हणजे बदल आणि परिवर्तन आहे. सत्तेवर कायम कुणी राहू शकत नाही,” असं राऊत म्हणाले. या विधानामुळे भविष्यात महाराष्ट्राच्या राजकारणात काही वेगळी समीकरणं तयार होणार का, अशी चर्चा सुरू झाली आहे.
भाजप नेते आणि मंत्री आशिष शेलार यांच्याबाबतही संजय राऊत यांनी आपली भूमिका मांडली. “मी आणि शेलार दोघे बाजूला बसलेलो आहोत आणि प्रेमाने बोलत आहोत. भाजपमध्ये ज्यांच्या मांडला मांडी लावून बसावे असे आशिष शेलार आहेत,” असं ते म्हणाले. तसेच, पक्ष बदलणाऱ्या नेत्यांबाबत आणि राजकारणातील सूडाच्या भावनेबाबत त्यांनी नाराजी व्यक्त केली.
“कुणावरही सुडाने कारवाई होऊ नये असे सांगणारे बाळासाहेब ठाकरे आणि अटलबिहारी वाजपेयी होते,” असं राऊत म्हणाले.
वसई-विरारमधील राजकीय घडामोडींचा उल्लेख करत त्यांनी सांगितलं की, “मी स्वतः अनेक वर्ष राजकारणात आहे. वसई- विरारचा कालखंड मी जवळून पाहिला आहे. मला जेव्हा सत्य समजले तेव्हा पासून मी आप्पाच्या पाठीशी उभा राहिलो.”
या कार्यक्रमातील संवाद आणि त्यानंतरच्या संजय राऊत यांच्या प्रतिक्रियेमुळे महाराष्ट्रातील राजकीय चर्चांना नवा विषय मिळाला आहे.
Ans: "काल उद्धव ठाकरे आणि मुख्यमंत्री देवेंद्र फडणवीस एकत्र होते ना, हा ओलावा असतो. भविष्यात काय होईल सांगता येत नाही," असं सूचक विधान संजय राऊत यांनी केलं.
Ans: "भाजपमध्ये ज्यांच्या मांडला मांडी लावून बसावे असे आशिष शेलार आहेत," असं म्हणत राऊत यांनी शेलार यांच्याबाबत सकारात्मक प्रतिक्रिया दिली.
Ans: मुख्यमंत्री देवेंद्र फडणवीस, शिवसेना ठाकरे गटाचे पक्षप्रमुख उद्धव ठाकरे, मनसे अध्यक्ष राज ठाकरे आणि सांस्कृतिक कार्यमंत्री आशिष शेलार या कार्यक्रमाला उपस्थित होते.
