शुक्रवार, 30 ऑक्टोबर 2026
पुणे जिल्ह्यातील शेतकऱ्यांना १,९३७ कोटींचा लाभ (Photo - X)
Pune News : शेतीचा खर्च भागवण्यासाठी केंद्र सरकारकडून राबवण्यात येणाऱ्या प्रधानमंत्री किसान सन्मान निधी योजनेचा पुणे जिल्ह्यातील लाखो शेतकऱ्यांना फायदा झाला आहे. या योजनेअंतर्गत जिल्ह्यात आतापर्यंत तब्बल १ हजार ९३७ कोटी रुपयांचा निधी वितरित करण्यात आला आहे. जिल्ह्यातील १३ तालुक्यांमधील सुमारे ४.३४ लाख शेतकरी सध्या या योजनेसाठी पात्र आहेत.
गुजरातमधील बनासकांठा येथे आयोजित कार्यक्रमात पंतप्रधान नरेंद्र मोदी यांच्या हस्ते पीएम किसानच्या २४ व्या हप्त्याचे वितरण करण्यात आले. या कार्यक्रमाला उपमुख्यमंत्री तथा पुण्याच्या पालकमंत्री सुनेत्रा पवार यांनी जिल्हाधिकारी कार्यालयातून ऑनलाइन उपस्थिती लावली.
पीएम किसान योजनेसाठी पुणे जिल्ह्यातील १३ तालुक्यांमधून एकूण ५ लाख ७६ हजार २७९ शेतकऱ्यांची नोंदणी झाली आहे. त्यापैकी सध्या सुमारे ४.३४ लाख लाभार्थी पात्र आहेत.
या योजनेत पात्र शेतकरी कुटुंबाला दरवर्षी ६ हजार रुपये दिले जातात. प्रत्येकी २ हजार रुपयांचे तीन हप्ते थेट बँक खात्यात जमा होतात. २०१९ पासून आतापर्यंत २४ हप्त्यांच्या माध्यमातून शेतकऱ्यांना आर्थिक मदत दिली जात आहे.
योजनेचा लाभ नियमित मिळावा यासाठी शेतकऱ्यांनी काही गोष्टी पूर्ण करणं आवश्यक आहे. यामध्ये ई-केवायसी, आधारशी जोडलेलं बँक खाते, जमिनीच्या नोंदी अद्ययावत ठेवणे आणि आवश्यक शेतकरी ओळख क्रमांकाची पूर्तता यांचा समावेश आहे.
पात्र शेतकऱ्यांच्या खात्यात डीबीटी पद्धतीने पैसे जमा केले जातात. त्यामुळे कागदपत्रांमधील त्रुटी किंवा अपूर्ण ई-केवायसीमुळे लाभ मिळण्यात अडचणी येऊ शकतात.
आंबेगाव तालुक्यात ३७ हजार २३१ लाभार्थी असून १५१ कोटी रुपये, बारामती ५० हजार ७३१ लाभार्थी व २३० कोटी रुपये, भोर २५ हजार १३७ लाभार्थी व १०४ कोटी रुपये, दौंड ४२ हजार ४२० लाभार्थी व १९५ कोटी रुपये, हवेली १० हजार ९५३ लाभार्थी व ५६ कोटी रुपये, इंदापूर ४८ हजार ७४० लाभार्थी व २१९ कोटी रुपये, जुन्नर ५२ हजार २८१ लाभार्थी व २३१ कोटी रुपये, खेड ४३ हजार ६३३ लाभार्थी व २०० कोटी रुपये, मावळ १७ हजार ४९६ लाभार्थी व ७७ कोटी रुपये, मुळशी १३ हजार ५५ लाभार्थी व ७१ कोटी रुपये, पुरंदर ३२ हजार १०८ लाभार्थी व १३३ कोटी रुपये, शिरूर ५१ हजार ५०८ लाभार्थी व २२९ कोटी रुपये, तर वेल्हा तालुक्यात ९ हजार ३४ लाभार्थी असून ४० कोटी रुपये वितरित करण्यात आले आहेत.
या योजनेच्या अंमलबजावणीसाठी महसूल, कृषी आणि ग्रामविकास विभाग समन्वयाने काम करत आहेत. त्यामुळे पात्र शेतकऱ्यांनी आपली कागदपत्रे आणि बँक खात्याची माहिती अद्ययावत ठेवण्याचे आवाहन करण्यात येत आहे.
Ans: पुणे जिल्ह्यातील पात्र शेतकरी कुटुंबांना आतापर्यंत १ हजार ९३७ कोटी रुपयांचा निधी वितरित करण्यात आला आहे.
Ans: पात्र शेतकरी कुटुंबाला वर्षाला ६ हजार रुपये मिळतात. प्रत्येकी २ हजार रुपयांचे तीन हप्ते थेट बँक खात्यात जमा केले जातात.
Ans: ई-केवायसी पूर्ण करणे, आधारशी संलग्न बँक खाते असणे, जमिनीच्या नोंदी अद्ययावत ठेवणे आणि आवश्यक शेतकरी ओळख क्रमांकाची पूर्तता करणे आवश्यक आहे.
