Sanjay Raut PC: कणकवलीतील खुनांचे काय झाले? संजय राऊतांनी वाचला जुन्या हत्यांचा पाढा; राणेंवर गंभीर आरोप

Sanjay Raut Press Conference: मंत्री नितेश राणे यांनी दिशा सालियन प्रकरणात आदित्य ठाकरे यांच्या अटकेची मागणी केली होती. नितेश राणेंच्या या आरोपांना प्रत्युत्तर देताना राऊतांनी कणकवलीतील जुन्या हत्या प्रकरणांचा उल्लेख करत राणे कुटुंबावर अत्यंत गंभीर आणि थेट निशाणा साधला.

• आदित्य ठाकरेंवरील आरोपांवरून खासदार संजय राऊतांचा आक्रमक पवित्रा आणि थेट इशारा
• संयमाचा बांध फुटला तर मोठे खुलासे करण्याचा संजय राऊत यांचा इशारा
• कणकवलीतील जुन्या हत्येच्या घटनांचा उल्लेख करत राणे कुटुंबावर गंभीर आरोप

Sanjay Raut Press Conference: “आदित्य ठाकरे यांच्याबाबत मीडियात ज्या गोष्टी सुरू आहेत त्या लोकांच्या प्रसिद्धीचा विषय बनला आहे. चिखलफेक करून प्रसिद्धी मिळवण्याचा प्रयत्न केला जात आहे. त्यांना अब्रू आहे, मग आम्हाला नाही का? कुणाच्या तरी हातचं बाहुलं बनून आदित्य ठाकरेंवर चिखलफेक केली जात आहे. संयमाचा बांध फुटला तर मी बोलेन.” असा इशारा ठाकरे गटाचे खासदार संजय राऊत यांनी दिला आहे. Sanjay Raut Hits Back At Nitesh Rane Over Aaditya Thackeray Allegations

यांच्या हाताला रक्त लागलं आहे, जिभेला रक्त लागलं आहे- संजय राऊत

दिशा सालियन प्रकरणात मंत्री नितेश राणे यांनी आदित्य ठाकरेंवर गंभीर आरोप करत त्यांच्या अटकेची मागणी केली होती. नितेश राणेंच्या या गंभीर आरोप करण्यात आले आहेत. या प्रकरणावरून संजय राऊत यांनी जोरदार निशाणा साधला आहे. कणकवलीत गेल्या २० वर्षात झालेल्या खुनांचाही उल्लेख करत संजय राऊत म्हणाले की, कणकवलीत गेल्या २० वर्षात जेवढे खून झाले आहेत त्यात गोवेकर, अंकुश राणे, सत्यविजय भिसे, नाईक असे कित्येकांचे खून झाले. यांच्या हाताला रक्त लागलं आहे, जिभेला रक्त लागलं आहे, म्हणून तुम्हाला सत्तेची गरज आहे. खून पचवण्यासाठी आणि खून दाबण्यासाठी, असा टोला राऊत यांनी लगावला.

Aditya Thackeray Arrest News: आदित्य ठाकरेंना अटक होणार? दिशा सालियन प्रकरणात अडचणी

नाईकांचा खून कोणी केला? सत्यविजय भिसेला कोणी मारलं

आता नाईकांचा खून कोणी केला? सत्यविजय भिसेला कोणी मारलं? अंकुश राणेचा खरा मारेकरी कोण ? गोवेकरला किडनॅप करून कोणी मारलं? असे सवालही संजय राऊत यांनी उपस्थित केले. या सगळ्या प्रकरणांचा निष्पक्षपातीपणे तपास झाला असता, तर आज हे लोक उरलेच नसते. त्यांनी ही प्रकरणे दडपली, आता सीबीआय, महाराष्ट्राचे पोलीस, तपास यंत्रणा तुम्ही विकत घेतल्या. पण जरर हायकोर्ट या क्षणी कोणी आरोपी नाही आणि कोणाला टार्गेट करता येणार नाही, असं म्हणत असतानाही या उपटसुंभांनी हा खेळ सुरू केला, असा आरोपही संजय राऊत यांनी यावेळी केला.

कुणाच्यातरी हातचं बाहुलं बनून ठाकरेंवर चिखलफेक

तुम्ही ज्या पद्धतीने कुणाच्यातरी हातचं बाहुलं बनून ठाकरेंवर चिखलफेक करताय तो आमच्या प्रतिष्ठेचा, अब्रुचा प्रश्न नाही का, असा सवालही संजय राऊत यांनी केला. हा काही बेवड्यांचा आणि उरबडव्यांचा प्रश्न आहे, ते एकत्र आले आणि आता त्यांना कोणतीही कंट्रोल करत आहे. त्या मुलीचा दुर्दैवी अंत झाला. ज्या व्यक्तीने त्या मृत तरूणीला कधी पाहिलेही नाही, कधी भेट झाली नाही, कोणता संबंध नाही, तिच्या मृत्यूवरून आदित्य ठाकरेंवर चिखलफेक केली जात आहे. या प्रकरणात कोणालाही लक्ष्य करता येणार नाही, हे स्पष्ट केले असतानाही ही उपटसुंभ मंडळी अर्थपुरवठा घेऊन ठाकरेंना बदनाम करण्याचे कारस्थान करत आहेत.”

Admit Card: MPEST ने ग्रुप 2 उपगट 4 अंतर्गत पटवारी आणि इतर परीक्षांसाठी जारी केले प्रवेशपत्र