Satara News : महाबळेश्वर नगरपालिकेत होणार तिरंगी लढत; मेढ्यात भाजपाला सेना, शरद पवार गटाचे आव्हान

नगरपालिकेत शिवसेना शिंदे गट, शिवसेना ठाकरे गट आणि राष्ट्रवादी अजित पवार गट यांचे राजकीय प्राबल्य असल्याने गिरीस्थान नगरपालिकेमध्ये भाजपाने चार जागांवर आपले उमेदवार उभे केले आहेत.

 

• महाबळेश्वर नगरपालिकेत होणार तिरंगी लढत
• मेढ्यात भाजपाला सेना, शरद पवार गटाचे आव्हान

सातारा : नगरपालिकेत शिवसेना शिंदे गट, शिवसेना ठाकरे गट आणि राष्ट्रवादी अजित पवार गट यांचे राजकीय प्राबल्य असल्याने गिरीस्थान नगरपालिकेमध्ये भाजपाने चार जागांवर आपले उमेदवार उभे केले आहेत. स्थानिक आघाड्यांची समीकरणे म्हणून भारतीय जनता पार्टीने येथे फारशी ताकद लावली नाही. जिल्ह्याचे निवडणूक प्रमुख शिवेंद्रसिंहराजे भोसले यांचे येथील हालचालींवर बारकाईने लक्ष आहे. या नगरपालिकेत शिवसेना ठाकरे, शिवसेना शिंदे गट आणि राष्ट्रवादी यांच्या तिहेरी लढत होणार आहे. राष्ट्रवादीने सुनील शिंदे, शिवसेनेने कुमार शिंदे यांना संधी दिली आहे. उद्धव ठाकरे गटाकडून डी. एम. बावळेकर व राजेश कुंभादरे यांनी स्वतंत्र अर्ज भरले आहे.

लक्ष्मी कऱ्हाडकर गटांचे बारा जागांवर उमेदवार

पाचगणी नगरपालिका ही आधी अपक्षांचा विजय नंतर पालिकेत आघाडी अशा समीकरणाची नगरपालिका आहे. येथील लक्ष्मीताई कन्हाडकर यांना बरोबर घेऊन भारतीय जनता पार्टीने शिवसेना थाना सोबत घेऊन राष्ट्रवादी अजित पवार गटाला आव्हान देण्याचा जोरदार प्रयत्न केला आहे. भाजपाने चार जागांवर तर बारा जागांवर कन्हाडकर गटांने उमेदवारी अर्ज भरले आहेत. नगराध्यक्ष .पदासाठी क-हाड़कर गटाचा अजेंडा अद्याप गुलदस्त्यात आहे.

मेढ्यात भाजपाला सेना, शरद पवार गटाचे आव्हान

मेडा नगरपंचायतीच्या निवडणुकीत मंत्री शिवेंद्रसिंहराजे भोसले यांनी भाजपाचे स्वतंत्रपणे उमेदवार उभे केले आहेत. त्यांच्या विरोधात शिवसेना व शरद पवार गटाचे एकत्रित आव्हान उभे करण्यात आले आहे. भाजपाने रूपाली वारागडे याना नगराध्यक्ष पदाचे उमेदवार म्हणून संधी दिली आहे, तर शिवसेनेच्या वतीने रेश्मा करंजेकर व शरद पवार गटाच्या सुनीता पार्ट यांनी नगराध्यक्ष पदासाठी स्वतंत्र अर्ज भरले आहेत. एका उमेदवाराचा अर्ज माघारी घेतला जाण्याची शक्यता आहे.

Kolhapur News : कुठे आघाडी तर कुठे बिघाडी; जिल्ह्यातील नगरपालिका निवडणुकीत नव्या समीकरणांची मांडणी

सुनील माने यांच्या साम्राज्याला आव्हान

रहिमतपूरमध्ये राष्ट्रवादी शरद पवार गटाचे जिल्हाध्यक्ष सुनील माने यांनी राष्ट्रवादी अजित पवार गटात प्रवेश केला. येथे राष्ट्रवादी विरुद्ध भाजपा अशी लढत होणार होती, मात्र अर्ज भरण्याच्या दिवशी राष्ट्रवादीला शिवसेनेचे वासुदेव माने यांनी पाठिबा दिला. त्यामुळे येथील लढत राष्ट्रवादी शिवसेना विरुद्ध भाजपाशी होणार आहे. राष्ट्रवादीकडून सुनील माने यांच्या पत्नी नंदना माने यांना तर भाजपाने निलेश माने यांच्या पत्नी वैशाली माने यांना उमेदवारी दिली आहे.

Maharashtra Politics : शरद पवारांच्या राष्ट्रवादीला धक्का; शेकडो कार्यकर्त्यांचा भाजपमध्ये प्रवेश