Karjat, Bhimashankar, Torrent Power, Devendra Fadnavis, Satej Patil,
विरोधकांकडून फेक नरेटिव्ह- देवेंद्र फडणवीस
दरम्यान, भीमाशंकर चा प्रकल्प आणि कर्जत पंप स्टोरेज प्रकल्प हा संपूर्णपणे पर्यावरणाला पूरक आहेत, तरीही या प्रकल्पांबाबत विरोधकांकडून फेक नरेटिव्ह पसरवला जात असल्याची टिका मुख्यमंत्री देवेंद्र फडणवीस यांनी केली आहे. खोटा नरेटिव्ह तयार करणे हे महाराष्ट्रविरोधी कृत्य आहे. या प्रकल्पामुळे कोणाच्याही उपजिविकेवर परिणाम होणा नाही. जर तशी परिस्थिती निर्माण झाली तर राज्य सरकारकडून त्यांचे योग्य पुर्नवसन केल जाईल, असही फडणवीस यांनी म्हटले आहे.
Manoj Jarange Patil: 500 कोटी ऑडिओ क्लिपमधील ती महिला कोण? जरांगे पाटील यांनी स्पष्टच सांगितले…
पर्यावरणाचे सगळे नियम धाब्यावर बसवून असे प्रकल्प- सतेज पाटील
फडणवीस यांच्या याच मुद्द्यावरून सतेज पाटील यांनी निशाणा साधला आहे. “एकीकडे तुम्ही अल निनोचा परिणाम तुम्ही सांगता , पाऊस कमी असल्याचे सांगता. दुसरीकडे पर्यावरणाचे सगळे नियम धाब्यावर बसवून असे प्रकल्प आणता. दुर्दैवाने महाराष्ट्रात निसर्ग उद्ध्वस्त करणारे प्रकल्प यायला लागलेत. आमचा प्रकल्पांना विरोध नाही, पण तुम्ही जिथे निसर्गाची हानी होणार नाही, असे प्रकल्प यायला हवेत. डेटा सेंटरबद्दल जी आकडेवारी पुढे आली आहे, या प्रकल्पासाठी लागणाऱ्या पाण्याच्या वापरावरूनही चर्चा सुरू आहे. म्हणून राज्यात असे उद्योग-व्यवसाय आणि ज्यातून रोजगार उपलब्ध होतील आणि निसर्गाची हानीही होणार नाही,”असा सल्ला सतेज पाटील यांनी दिला आहे.
खरंतर, गुजरातमधील टोरंट पॉवर कंपनीच्या प्रस्तावित जलविद्युत ऊर्जा साठवण प्रकल्पासाठी कर्जत-भीमाशंकर जंगल परिसरात जंगलतोड केली जात आहे. या वक्षतोडील स्थानिकांसह राज्यातील विरोधी पक्षांनीही कडाडून विरोध केला आहे. या प्रकल्पासाठी जंगलातील अंदाजे तीन लाख झाडे तोडण्यात येणार अससल्याची भीती स्थानिकांनी व्यक्त केली आहे. या मुद्द्यावरून महायुती सरकारवर पक्षपातीपणाचा आरोपही केला जात आहे.
InsurTech And Life Insurance : पॉलिसी काढणं आता झटपट! इन्शुरटेक आणि तंत्रज्ञानामुळे विमा खऱ्या
प्रकल्पासाठी केली जाणारी जंगतोड आणि पर्यावरणाच्या होणाऱ्या नुकसानीविरोधात स्थानिक नागरिकांनी आक्रमक भूमिका घेतली आहे. या प्रकल्पाच्या विरोधासाठी स्थानिकांनी २५ ऑक्टोबरला महाराष्ट्र नवनिर्माण सेनेचे अध्यक्ष राज ठाकरे यांची भेट घेत त्यांना याची सर्व माहिती दिली त्यानंतर राज ठाकरेंनीदेखील कर्जत-भीमाशंकर परिसराचा दौरा करून प्रकल्पाची पाहणी दौरा करणार असल्याचे सांगत तिथे सभाही घेणार असल्याचे म्हटले आहे.
या प्रकल्पामुळे पर्यावरणाचे मोठे नुकसान होण्याची शक्यता असल्याने स्थानिक नागरिक आणि पर्यावरणप्रेमींनी विरोध दर्शवला आहे. जमीनमालकांच्या चिंता आणि पर्यावरण संरक्षणाच्या मागण्यांकडे दुर्लक्ष करून प्रकल्प पुढे नेला जात असल्याचा आरोपही केला जात आहे. यामुळे भीमाशंकर परिसरातील स्थानिकांमध्ये नाराजी वाढत आहे.
दरम्यान, विकासाच्या नावाखाली कर्जत-भीमाशंकर परिसरातील नैसर्गिक संसाधनांचे नुकसान केले जात असल्याचा आरोप करत स्थानिक नागरिकांनी या प्रकल्पाला विरोध दर्शवला आहे. भीमाशंकर येथील साई डोंगर परिसरात गुजरातमधील टोरंट पॉवर कंपनीचा प्रस्तावित जलविद्युत ऊर्जा साठवण प्रकल्प उभारण्यात येणार आहे. या प्रकल्पासाठी अंदाजे १३ हजार ५०० कोटी रुपये खर्च ही केला जाणार आहे. या प्रकल्पाची क्षमता तीन हजार मेगावॅट असल्याची माहिती समोर आली आहे.
या प्रकल्पासाठी तीन लाखांहून अधिक झाडे तोडली जाणार असल्यामुळे परिसरातील जैवविविधतेवर गंभीर परिणाम होऊ शकतो. पक्षी आणि वन्यजीवांचा नैसर्गिक अधिवास नष्ट होण्याची तसेच डोंगरउतारावरील मृदासंवर्धन, नैसर्गिक जलप्रवाह, पारंपरिक शेती आणि पर्यटनावर परिणाम होण्याची शक्यताही पर्यावरणप्रेमींनी व्यक्त केली आहे.
Ans: गुजरातमधील टोरंट पॉवर (Torrent Power) कंपनीच्या प्रस्तावित जलविद्युत साठवण प्रकल्पासाठी या जंगल परिसरात वृक्षतोड केली जात असल्याचा आरोप आहे.
Ans: मुख्यमंत्र्यांनी स्पष्ट केले की हा प्रकल्प पूर्णपणे पर्यावरणपूरक असून विरोधक यावर फेक नरेटिव्ह पसरवत आहेत. खोटा प्रचार करणे हे महाराष्ट्रविरोधी कृत्य असल्याचे त्यांनी म्हटले.
Ans: सरकार एकीकडे 'अल निनो'चे कारण सांगते आणि दुसरीकडे ३ लाख झाडे तोडून निसर्ग उद्ध्वस्त करणारे प्रकल्प आणते. निसर्गाची हानी न करता स्थानिकांना रोजगार देणारे उद्योग आणावेत, असा सल्ला त्यांनी दिला.
.png "Videos"){kind=small}
