
sushma-andhare-eknath-shinde-controversy
सुषमा अंधारे म्हणाल्या की, “शिंदेंच्या लोकांनी पत्रकार परिषदेच्या नावाखाली काही माकडचाळे केले आणि ते करत असताना नेमका हिंदुहृदयसम्राट बाळासाहेब ठाकरे यांचा फोटो फाडला. बाळासाहेबांचा अवमान या महाराष्ट्रातला कुठलाही शिवसैनिक, ज्याच्या काळजात बाळासाहेब जिवंत आहे, तो मान्य करणार नाही, सहन करणार नाही. पुढे म्हणाल्या, या घटनेमुळे तीव्र संतापाची लाट उसळली आणि यावर शिंदे काय नेमकी भूमिका घेतात, याकडे महाराष्ट्राचं लक्ष होतं, पण शिंदे काय स्डँण्ड घेणार?”
पावलो-पावली बाळासाहेबांचा अवमान करता – अंधारे
पुढे त्या म्हणाल्या, “दरवेळेला शिंदेंचे प्रवक्ते उल्लेख करताना उबाठा असा उल्लेख करतात. तुमचा स्वार्थ साध्य झाला नाही म्हणून तुमचा उद्धव ठाकरेंबद्दल राग आहे. पण तुम्ही जो उबाठा म्हणताना जो बाठा बाठा म्हणता, त्यात तुम्ही पावलो-पावली बाळासाहेबांचा अवमान करता. तुमचे प्रवक्तेही अवमान करतात आणि त्यावर तुम्ही मुग गिळून गप्प असता किंवा ती तुमची छुपी संमती असते, हे आम्हाला कालच कळाले आहे. कारण काल तुम्ही शायना एन.सी यांच्या झालेल्या कृतीबद्दल तिला समज देण्याऐवजी, तिच्यावर कारवाई करण्याऐवजी आणि या घटनेवर दिलगिरी व्यक्त करण्याऐवजी, असं काही घडलंच नाही, असं होऊच शकत नाही आणि असं झालंच नाहीये, असं म्हणाले.”
सुषमा अंधारे पुढे म्हणाल्या, “तुम्ही त्या बाईला सरळ सरळ पाठीशी घातलं आणि त्या बाईने आज माफी मागितली. ज्या अर्थी तिने माफी मागितली, त्या अर्थी त्या बाईलाही हे मान्य आहे की, आपल्या हातून अत्यंत विपरित आणि आकरित असा प्रकार घडलेला आहे. पण हे घडलेलं असताना सुद्धा एकनाथ शिंदे यांनी मात्र यावर जाणीवपूर्वक अतिशय सोयीस्कर मौन बाळगलं, याचा स्पष्ट अर्थ असा की, एकनाथ शिंदे, तुमच्यासाठी बाळासाहेब ठाकरे हा आदराचा, आपुलकीचा, श्रद्धेचा आणि अस्मितेचा विषय अजिबात नाही.”
भाजपसाठी जसे स्वातंत्र्यवीर सावरकर हे पॉलिटिकल कार्ड आहे अगदी तसेच एकनाथ शिंदे यांच्यासाठी हिंदुहृदय सम्राट बाळासाहेब ठाकरे फक्त आणि फक्त सत्ता स्वार्थाला झाकणारे पॉलिटिकल कार्ड आहे.
@mieknathshinde @OfficeofUT
#डुप्लिकेट https://t.co/GYEto2iGsU — SushmaTai Andhare (@andharesushama) November 19, 2026
पुढे त्या म्हणाल्या, “हिंदुहृदय सम्राट बाळासाहेब ठाकरे फक्त आणि फक्त एक पॉलिटिकल कार्ड आहे, जे तुम्ही वारंवार इनकॅश करण्याचा प्रयत्न करता. ज्या पद्धतीने भाजपासाठी स्वातंत्र्यवीर सावरकर हे पॉलिटिकल कार्ड आहेत, तसंच तुमच्यासाठी बाळासाहेब ठाकरे हे तुमच्यासाठी पॉलिटिकल कार्ड आहे. कालच्या घटनेने तुमचा बुर्खा फाटलेला आहे. तुमचा खरा चेहरा काय आहे ते कळालं आहे.”
Ans: सोनिया गांधी यांच्या पुस्तकाच्या विरोधातील पत्रकार परिषदेदरम्यान शायना एन.सी. यांनी अनावधानाने बाळासाहेब ठाकरे यांचा फोटो फाडल्याने वाद निर्माण झाला.
Ans: बाळासाहेब ठाकरे यांचा वापर शिंदे गटाकडून केवळ ‘पॉलिटिकल कार्ड’ म्हणून केला जात असल्याचा आरोप अंधारे यांनी केला.
Ans: या घटनेवरून उद्धव ठाकरे यांच्या नेतृत्वाखालील ठाकरे गट आणि एकनाथ शिंदे यांच्या नेतृत्वाखालील शिंदे गटामध्ये आरोप-प्रत्यारोप तीव्र झाले आहेत.