
sachin sawant on shivsena
मुंबई : काँग्रेस नेत्या सोनिया गांधी यांच्या ‘Belonging: A Journey of Love’ या पुस्तकावरून महाराष्ट्रातील राजकीय वातावरण तापले आहे. या पुस्तकात स्वातंत्र्यवीर सावरकर यांच्याबाबत आक्षेपार्ह उल्लेख असल्याचा आरोप करत एकनाथ शिंदे यांच्या शिवसेनेच्या प्रवक्त्यांनी पुस्तकाची पाने फाडून निषेध नोंदवला होता. आता काँग्रेसचे राष्ट्रीय सचिव सचिन सावंत यांनी याच मुद्द्यावरून शिंदेसेनेला थेट सवाल केला आहे. (Sonia Gandhi Book Controversy)
मुंबईतील टिळक भवन येथे झालेल्या पत्रकार परिषदेत सचिन सावंत यांनी राष्ट्रीय स्वयंसेवक संघाचे दुसरे सरसंघचालक एम. एस. गोलवलकर यांच्या ‘Bunch of Thoughts’ पुस्तकाचा उल्लेख केला. या पुस्तकात सावरकरांच्या विचारसरणीवर टीका करण्यात आल्याचा दावा त्यांनी केला.
सावरकरांचा अपमान झाल्याचे सांगून सोनिया गांधी यांच्या पुस्तकाची पाने फाडणारी शिंदेसेना गोलवलकरांचे पुस्तकही फाडणार का? तसेच संघाच्या विचारसरणीशी संबंधित पक्षासोबत सत्तेत राहणार की बाहेर पडणार, असा सवाल सावंत यांनी उपस्थित केला.
सावंत यांनी भाजपचे माजी नेते अरुण शौरी यांच्या ‘The New Icon – Savarkar and the Facts’ या पुस्तकाचाही उल्लेख केला. सावरकरांबाबत वेगवेगळ्या विचारधारांच्या लोकांनी केलेल्या लिखाणाकडे लक्ष वेधत त्यांनी शिंदेसेनेच्या निषेधाच्या भूमिकेवर प्रश्न उपस्थित केले.
त्यांच्या मते, एखाद्या पुस्तकातील विचारांना विरोध असेल तर त्याला उत्तर विचारांच्या माध्यमातून दिले पाहिजे. पुस्तक फाडणे हा योग्य मार्ग नाही, अशी टीकाही त्यांनी केली.
राहुल गांधी आणि सात्यकी सावरकर यांच्यातील पुणे न्यायालयातील खटल्याचाही सचिन सावंत यांनी संदर्भ दिला. ‘पुणे न्यायालयात राहुल गांधी विरुद्ध सात्यकी सावरकर यांच्यातील सावरकर बदनामी खटल्यात, सावरकरांनी दहा वेळा माफीनामे दिले होते हे सात्यकी सावरकरांनी मान्य केले आहे. या साक्षित सात्यकी यांनी वीर उपाधीपासून माफीनामे, पेंशन, मुस्लीम लीग बरोबरच सरकार स्थापन करणे, गांधी हत्येच्या संदर्भातील संबंध यावरही भाष्य केलेले आहे,’ असेही सावंत म्हणाले.
सावरकरांच्या विचारांचा आणि वारशाचा मुद्दा महाराष्ट्राच्या राजकारणात पुन्हा चर्चेत आला आहे. एका बाजूला शिंदेसेनेचा सोनिया गांधी यांच्या पुस्तकाला विरोध आहे, तर दुसरीकडे काँग्रेसकडून संघ आणि भाजपच्या विचारधारेवर प्रश्न उपस्थित केले जात आहेत. त्यामुळे या पुस्तक वादाचे राजकीय पडसाद आगामी काळातही उमटण्याची शक्यता आहे.
Ans: सोनिया गांधी यांच्या पुस्तकातील सावरकरांच्या उल्लेखावरून पुस्तक फाडणारी शिंदेसेना गोलवलकरांचे ‘Bunch of Thoughts’ पुस्तकही फाडणार का, असा सवाल सचिन सावंत यांनी केला.
Ans: सोनिया गांधी यांच्या पुस्तकाचे नाव ‘Belonging: A Journey of Love’ असे आहे. त्यातील सावरकर आणि हिंदुत्वासंबंधीच्या उल्लेखांवरून शिंदेसेनेने निषेध नोंदवला आहे.
Ans: सात्यकी सावरकर यांनी पुणे न्यायालयात सावरकरांनी ब्रिटिशांकडे दहा दयायाचिका दाखल केल्याचे मान्य केले. मात्र, त्या याचिकांची भाषा शरणागती किंवा ब्रिटिशांप्रती निष्ठा व्यक्त करणारी होती, असा अर्थ लावण्यास त्यांनी आक्षेप घेतला.