फोटो सौजन्य- istock
हस्तरेखाशास्त्रानुसार, तळहातावर असणारे चिन्ह किंवा रेषा व्यक्तीच्या भूतकाळ, भविष्यकाळ, वर्तमान काळाबद्दल सांगितले जाते. जर कोणत्याही व्यक्तीच्या तळहातावर M हे अक्षर तयार होत असेल तर ते हस्तरेषाशास्त्रात शुभ मानले जाते. असे म्हटले जाते की, अशा लोकांमध्ये चांगली नेतृत्व क्षमता असते आणि ते चांगले नेते सिद्ध होतात आणि त्यांच्या आयुष्यात पैशांची कमतरता असते. तळहातावर M अक्षराशी संबंधित खास गोष्टी जाणून घेऊया.
समुद्रशास्त्रानुसार, माणसाच्या हातावर साधारणपणे हृदय रेषा, भाग्य रेषा, जीवन रेषा यांच्यापासून ‘M’ या इंग्रजी अक्षराप्रमाणे खूण तयार होते. हे एक प्रकारचे चिन्ह असते. आपल्या हातावरील रेषांवर अशा प्रकारचे अक्षर उमटलेले असल्यास आपण आनंदी व्हायला हवे. या व्यक्तींना त्यांचे नशीब उत्तम साथ देते. ज्या व्यक्तींच्या हातावर अशा प्रकारचे चिन्ह तयार झालेले असते, त्या व्यक्ती भाग्यवान समजल्या जातात. शून्यातून विश्व निर्माण करण्याची क्षमता त्यांच्यात असते, असे सांगितले जाते.
हेदेखील वाचा- पितृ दोष कसा होतो, पितृदोषापासून मुक्ती मिळवण्याचे उपाय कोणते?
तळहातावर M चिन्ह असण्याचा अर्थ काय?
ज्या लोकांच्या तळहातावर M रेषा असते, ते लोक कधीही त्यांच्या पार्टनरशी खोटं बोलत नाहीत. जोडीदार, कुटुंब आणि नातेवाईकांशी तो व्यक्ती नेहमीच प्रामाणिक असतो. हातावर M रेषा असणारे लोक नेहमीच नात्यांमध्ये गोडवा निर्माण करण्याचा प्रयत्न करत असतात. याशिवाय M रेषा असणारे लोक ज्या क्षेत्रात जातात, तिथं ते यशाचा झेंडा रोवतात. त्यांना कधीही अपयश पाहायची सवय नसते. सेल्फ मोटिव्हेशन आणि आत्मविश्वासामुळे M रेषा असणारे लोक जगभरात वेगळी ओळख निर्माण करण्यात यशस्वी होत असतात.
हस्तरेखाशास्त्रानुसार, ज्या व्यक्तीच्या तळहातावर M चिन्ह असते ती व्यक्ती आपल्या भविष्याबद्दल खूप जागरूक असते. असे म्हटले जाते की त्याला त्याच्या कामात यश मिळण्याची शक्यता जास्त आहे.
हेदेखील वाचा- लक्ष्मी नारायणाच्या कृपेमुळे मूलांक 4 असणाऱ्या लोकांना लाभ होण्याची शक्यता
असा माणूस चांगला नेता बनतो. हस्तरेखाशास्त्रानुसार, ज्या व्यक्तीच्या तळहातावर M चिन्ह असते, त्यांच्याकडे अधिक नेतृत्व क्षमता आहे. या प्रकारच्या व्यक्तीमध्ये उच्च विचार करण्याची क्षमता असते आणि ती बुद्धीने तीक्ष्ण मानली जाते.
हस्तरेखाशास्त्रानुसार, असे लोक प्रसिद्ध चित्रकार, लेखक, साहित्यकार बनतात. असे लोक विपरित परिस्थितीला घाबरत नाही आणि जीवनातील प्रत्येक अडचणीला अतिशय चांगल्या पद्धतीने सामोरे जाते.
असे म्हटले जाते की, अशा लोकांचे प्रेम विवाह होण्याची शक्यता जास्त असते. या लोकांचे त्यांच्या जोडीदारासोबत चांगले जमते.
M चिन्ह एखाद्या व्यक्तीच्या उजव्या किंवा डाव्या तळहातावर असू शकते. तळहातावर तीन रेषा जोडून इंग्रजी अक्षर M सारखे दिसते. यामुळे M चे चिन्ह म्हटले जाते. हस्तरेखाशास्त्रात असे लोक खूप भाग्यशाली मानले जाते.
