फोटो सौजन्य- istock
जन्माष्टमीचा सण सर्वत्र मोठ्या उत्साहात साजरा केला जातो. द्वापर युगात कृष्ण पक्षाच्या अष्टमी तिथीला रोहिणी नक्षत्रात मध्यरात्री भगवान श्रीकृष्णाचा जन्म झाला होता असे मानले जाते. दरवर्षी जन्माष्टमीच्या दिवशी श्रीकृष्णांची पूजा करणे, भजन गाणे इत्यादींना विशेष महत्त्व आहे. तसेच जन्माष्टमीच्या दिवशी काही विशेष उपाय केल्याने व्यक्तीच्या जीवनातील दुःखांपासून सुटका होते आणि श्रीकृष्णाचे त्या कुटुंबावर आशीर्वाद राहतात, असे म्हटले जाते. त्याचसोबत या दिवशी बासरीचे काही उपाय केल्याने तुमच्या जीवनामधील दुर्दैव दूर होते. जन्माष्टमीच्या दिवशी बासरीचे कोणते उपाय करायचे, जाणून घ्या
जन्माष्टमीच्या दिवशी तुम्ही घरामध्ये बासरी आणून ती घरातील प्रवेशद्वारावर टांगू शकता. तसेच घराच्या छतावर देखील ती टांगू शकता. असे केल्याने घरामध्ये सकारात्मक वातावरण राहते आणि व्यक्तीची होणाऱ्या त्रासापासून सुटका होते. हा उपाय केल्यामुळे घरातील वातावरण नेहमी आनंदी राहते आणि घरामधील नकारात्मकता दूर होते.
जन्माष्टमीच्या दिवशी तुमच्या घरात बासरी वाजवणारे विंड चाइम लावू शकता. जे एकमेंकावर आढळून त्यांचा गोड असा आवाज येतो. ज्यामुळे घरामधील वातावरण आल्हाददायक बनते. हा उपाय केल्याने घरामध्ये सुख समृद्धी आणि कुटुंबातील सदस्यांमध्ये परस्पर प्रेम टिकून राहते. त्याचप्रमाणे घरामध्ये बासरी वाजवणारा विंड चाइम लावल्याने घरातील समस्यांपासून सुटका होते.
जन्माष्टमीच्या दिवशी एक उपाय केल्याने व्यक्तीच्या जीवनात प्रगती होते आणि श्रीकृष्णाचे आशीर्वाद मिळतात, अशी मान्यता आहे. जन्माष्टमीच्या पूजेवेळी चांदीची बनलेली एक छोटी बासरी शक्यतो अर्पण करावी. हा उपाय केल्याने करिअर आणि व्यवसायातील समस्या दूर होण्यास मदत होते. त्याचसोबत जीवनात प्रगती होऊ शकते आणि व्यवसायातील अडथळे दूर होण्यास मदत होतात.
जर तुम्हाला वारंवार समस्या येत असतील तर बासरीत गूळ, साखर, नारळ पावडर इत्यादी भरा आणि श्रीकृष्णाच्या पूजेवेळी ते अर्पण करा. त्यानंतर पूजा करुन घ्या.
जन्माष्टमीला श्रीकृष्णांच्या पूजेसोबत बासरीची देखील पूजा करावी. त्यानंतर लहान मुलांना ती बासरी भेट म्हणून द्यावी. हा उपाय केल्याने व्यक्तीची आर्थिक संकटातून सुटका होते आणि संपत्तीमध्ये वाढ होऊ लागते. या उपायामुळे व्यक्तीला जीवनामध्ये यश मिळते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
