World Pharmacist Day २०२५ : जाणून घ्या 'या' खास दिनानिमित्त दुर्मिळ आजारांपासून मुक्त होण्यासाठी काय आहेत सोपे उपाय? ( फोटो सौजन्य : सोशल मीडिया)
World Pharmacist Day 2025 : दरवर्षी २५ सप्टेंबर हा दिवस संपूर्ण जगभरात “जागतिक फार्मासिस्ट दिन” म्हणून साजरा केला जातो. औषधनिर्मितीपासून ते रुग्णाला योग्य औषध मिळावे यासाठी धडपडणाऱ्या फार्मासिस्ट या आरोग्यसेवेच्या खऱ्या कण्याचा सन्मान करण्याचा हा दिवस आहे. २००९ साली तुर्कीतील इस्तंबूल येथे झालेल्या इंटरनॅशनल फार्मास्युटिकल फेडरेशनच्या (FIP) बैठकीत याची अधिकृत सुरुवात झाली.
कारण २५ सप्टेंबर १९१२ रोजीच FIP (International Pharmaceutical Federation) ची स्थापना झाली होती. त्यामुळे या दिवशी फार्मसी क्षेत्रातील योगदान अधोरेखित करून कृतज्ञता व्यक्त करण्याचा निर्णय घेतला गेला. २००९ पासून हा दिवस प्रत्येक वर्षी जागतिक पातळीवर साजरा केला जातो.
हे देखील वाचा : Navarashtra Navdurga : लैंगिक शोषण, सत्ताधाऱ्यांचा विरोध ते आंतराष्ट्रीय पुरस्काराची मानकरी, प्रियांका कांबळेच्या संघर्षाची कहाणी
आज आपण डॉक्टर आणि रुग्ण यांच्यामधील दुवा म्हणतो तो म्हणजे फार्मासिस्ट. ते फक्त औषध देणारे नसून –
कोविड-१९ साथीच्या काळात जगभरातील फार्मासिस्टांनी खऱ्या अर्थाने फ्रंटलाईन वॉरियर्स म्हणून भूमिका बजावली. अनेकांनी स्वतःच्या जीवाची पर्वा न करता रुग्णांचे प्राण वाचवले. त्यामुळेच त्यांना आज समाजात अत्यंत मानाचा दर्जा प्राप्त झाला आहे.
यंदाच्या वर्षीची अधिकृत थीम आहे
“आरोग्य विचार करा, फार्मासिस्ट विचार करा” (Think Health, Think Pharmacist).
ही थीम फार्मासिस्ट केवळ औषधे विकणारे नसून आरोग्य व्यवस्थेतील महत्त्वाचे मार्गदर्शक आहेत, हे अधोरेखित करते. रुग्णांच्या आरोग्य प्रवासातील प्रत्येक टप्प्यावर फार्मासिस्ट आवश्यक भूमिका बजावतात.
भारतामध्ये फार्मसी शिक्षणाचा पाया घालणारे नाव म्हणजे महादेव लाल श्रॉफ. त्यांना भारताचे फार्मसीचे जनक म्हटले जाते. त्यांनी बनारस हिंदू विद्यापीठात सर्वप्रथम तीन वर्षांचा फार्मसी अभ्यासक्रम सुरू केला. आज भारतात हजारो विद्यार्थी बी.फार्मा (Bachelor of Pharmacy), डी.फार्मा (Diploma in Pharmacy) आणि पुढे संशोधनासाठी पीएचडी करून आरोग्य क्षेत्रात योगदान देत आहेत.
शहरी भागात डॉक्टर सहज उपलब्ध असले तरी ग्रामीण भागात फार्मासिस्टच अनेकदा पहिला उपचारकर्ता ठरतो. गंभीर रुग्णांना योग्य औषधे देऊन प्राथमिक उपचार करणं, त्यांना वेळेवर रुग्णालयात पोचवणं ही जबाबदारी ते काटेकोरपणे पार पाडतात.
हे देखील वाचा : आंतरराष्ट्रीय सागरी किनारा स्वच्छता दिन 2025 निमित्त HCL फाउंडेशनने देशव्यापी सागरी किनारा स्वच्छता मोहिमेचे केले नेतृत्व
आजच्या डिजिटल युगात सोशल मीडिया हे सर्वात प्रभावी माध्यम आहे. त्यामुळे
फार्मासिस्ट आजारी व्यक्तीला औषध देऊन आजारातून बाहेर काढतो, तर आध्यात्मिक गुरू खऱ्या अर्थाने अशा जीवनपद्धतीची दिशा दाखवतात की ज्यामुळे मुळात आजार होणारच नाहीत. या दोन्ही मार्गांचा उद्देश एकच आहे मानवकल्याण. जागतिक फार्मासिस्ट दिन केवळ एक औपचारिक साजरा करण्याचा दिवस नसून समाजाला हे जाणवून देणारा दिवस आहे की फार्मासिस्टशिवाय आरोग्य व्यवस्था अपूर्ण आहे. त्यांचा सन्मान करणे म्हणजे आपल्या आरोग्य व्यवस्थेचा सन्मान करणे होय.
