IPL 2026 मध्ये नवा ‘ट्विस्ट’! आता 10 ओव्हरनंतर चेंडू बदलला जाणार; ‘या’ नव्या नियमामुळे फलंदाज की गोलंदाज, कोणाला होणार फायदा?

आयपीएलच्या (IPL 2026) नवीन हंगामाला 28 मार्चपासून सुरुवात होत आहे. मैदानात दोन संघ आमनेसामने येण्यापूर्वीच बीसीसीआयने (BCCI) खेळाच्या नियमांमध्ये एक मोठा आणि अत्यंत रोचक बदल केला आहे.

• IPL 2026 मध्ये नवा ‘ट्विस्ट’!
• आता 10 ओव्हरनंतर चेंडू बदलला जाणार
• ‘या’ नव्या नियमामुळे फलंदाज की गोलंदाज, कोणाला होणार फायदा?

IPL New Rules 2026: जगातील सर्वात श्रीमंत क्रिकेट लीग असलेल्या आयपीएलच्या (IPL 2026) नवीन हंगामाला 28 मार्चपासून सुरुवात होत आहे. मैदानात दोन संघ आमनेसामने येण्यापूर्वीच बीसीसीआयने (BCCI) खेळाच्या नियमांमध्ये एक मोठा आणि अत्यंत रोचक बदल केला आहे. विशेषतः सामन्याच्या दुसऱ्या डावात 10 षटकांनंतर चेंडू बदलण्याबाबतचा हा नियम सामन्याचा निकाल बदलणारा ठरू शकतो. हा नवीन नियम नेमका काय आहे आणि त्याचा खेळावर काय परिणाम होईल, हे सविस्तर समजून घेऊया.

काय आहे नियम?

सामन्यादरम्यान फलंदाजाचा फटका इतका जोरात असतो की चेंडू स्टेडियमबाहेर जातो किंवा अशा ठिकाणी अडकतो जिथून तो परत आणणे शक्य नसते. अशा परिस्थितीत चेंडू बदलण्याबाबत बीसीसीआयने स्पष्ट मार्गदर्शक सूचना दिल्या आहेत.

• पंच घेणार अंतिम निर्णय: जर चेंडू हरवला किंवा खेळण्यायोग्य नसेल, तर पंच तो बदलण्याचा निर्णय घेतील.
• समान झीज असलेला चेंडू: नियमानुसार, जो चेंडू बदलला जाईल, तो आधीच्या चेंडू इतकाच जुना किंवा झीज झालेला असावा लागतो.
• पारदर्शकता: चेंडू बदलल्यानंतर पंच त्याबाबत फलंदाज, गोलंदाजी करणाऱ्या संघाचा कर्णधार आणि क्षेत्ररक्षकांना पूर्ण माहिती देतील.

ईडनच्या मैदानात रहाणेच ‘अजिंक्य’! 20 चेंडूत दिसला ‘रुद्रावतार’; ठोकले वादळी अर्धशतक, पहा Video

दुसऱ्या डावातील 10 षटकांचा ‘मास्टर प्लॅन’

यावेळच्या आयपीएलमध्ये सर्वात जास्त चर्चा होत आहे ती म्हणजे ‘दुसऱ्या डावातील चेंडू बदलाच्या’ नियमाची. हा नियम सामन्यात नवीन थरार निर्माण करेल अशी शक्यता वर्तवली जात आहे.

• केवळ दुसऱ्या डावासाठी: हा नियम केवळ सामन्याच्या दुसऱ्या डावात (Second Innings) गोलंदाजी करणाऱ्या संघासाठी लागू असेल.
• 10 षटकांची मर्यादा: गोलंदाजी करणारा संघ 10 षटके पूर्ण झाल्यानंतर कधीही चेंडू बदलण्याची मागणी पंचांकडे करू शकतो. मात्र, ही संधी संपूर्ण डावात केवळ एकदाच मिळेल.
• वेळेचे बंधन: हा नियम केवळ रात्रीच्या सामन्यांसाठी (संध्याकाळी 07.30वाजता सुरू होणारे) लागू असेल. दुपारी 03.30 वाजता सुरू होणाऱ्या सामन्यात चेंडू बदलता येणार नाही.
• ओव्हरच्या मध्यात बदल नाही: चेंडू केवळ ओव्हर संपल्यानंतरच बदलला जाईल. चालू ओव्हरमध्ये चेंडू बदलण्याची परवानगी नसेल.

गेल्या वर्षाच्या तुलनेत यंदा काय बदलले?

गेल्या हंगामातही दव (Dew) असल्यामुळे चेंडू ओला झाल्यास तो बदलण्याची तरतूद होती. पण यंदा बीसीसीआयने यात एक ‘पेच’ टाकला आहे जो गोलंदाजांसाठी फायद्याचा ठरू शकतो. यंदाच्या नियमानुसार, जर गोलंदाजी करणाऱ्या संघाने 10 षटकांनंतर चेंडू बदलण्याची मागणी केली, तर मैदानावर दव असो वा नसो, चेंडू अनिवार्यपणे बदलावाच लागेल. रात्रीच्या सामन्यात दव पडल्यामुळे चेंडू ओला आणि मऊ होतो, ज्यामुळे गोलंदाजांची पकड सुटते आणि फलंदाजी सोपी होते. हा अन्याय टाळण्यासाठी बीसीसीआयने 10 षटकांनंतर सुका आणि समान झीज झालेला चेंडू उपलब्ध करून देण्याचा निर्णय घेतला आहे.

कोणाला होणार फायदा?

हा नियम लागू झाल्यामुळे फिरकीपटू (Spinners) आणि डेथ ओव्हरमधील वेगवान गोलंदाजांना अधिक मदत मिळण्याची शक्यता आहे. कारण 10 षटकांनंतर नवीन किंवा सुका चेंडू मिळाल्यास त्यांना अधिक चांगली ग्रीप मिळेल आणि रिव्हर्स स्विंग किंवा टर्न मिळवणे सोपे जाईल.

IPL 2026 : KKR आणि SRH ने दुखापतग्रस्त खेळाडूंच्या जागी या दोन दमदार गोलंदाजांना दिली संधी, या खेळाडूंचं उजळणार नशीब