ICC T20 रँकिंगमध्ये मोठा उलटफेर! Abhishek Sharma ने ईशान किशनला पछाडलं; बनला जगातील नंबर 1 फलंदाज

AbhiShek Sharma Topples Ishan kishan in icc T20 ranking: आयसीसी टी-२० रँकिंगमध्ये मोठी उलथापालथ पाहायला मिळाली. अभिषेक शर्माने ईशान किशनला मागे टाकून अव्वल स्थान पटकावले आहे.

• ICC च्या ताज्या रँकिंगमध्ये खळबळ
• T20 चा नंबर १ फलंदाज बनला अभिषेक शर्मा
• ईशान किशनला टाकलं मागे

Abhishek Sharma : आयसीसीच्या ताज्या टी-२० रँकिंगमध्ये मोठा उलटफेर पाहायला मिळाला आहे. अभिषेक शर्माने आपल्या फलंदाजीने न्यूझीलंडविरुद्धच्या टी-२० आंतरराष्ट्रीय मालिकेत धुमाकूळ घातला आहे. आता अभिषेकने आयसीसी टी-२० क्रमवारीत ईशान किशनकडून अव्वल स्थान हिसकावून घेतले आहे. अभिषेकने न्यूझीलंडविरुद्ध तिसऱ्या सामन्यात, अवघ्या ३५ चेंडूंमध्ये ताबडतोब खेळी करत शतक झळकावले. शतक झळकावल्याचा फायदा त्याला आयसीसी क्रमवारीत झाला आहे. त्याने ईशानला मागे टाकून पहिल्या क्रमांकावर कब्जा केला. यावर्षी जुलैमध्ये ईशानने अभिषेकला मागे टाकून अव्वल स्थान मिळवले होते, पण आता भारतीय फलंदाजांमधील अव्वल स्थानाच्या लढतीत पुन्हा एकदा बाजी पलटली आहे.

ICC चा Haris rauf ला मोठा दणका! विल जॅक्सशी भिडणं पडलं महागात; मैदानात नेमकं काय घडलं?

अभिषेक शर्माची शानदार कामगिरी

वेलिंग्टन येथे न्यूझीलंडविरुद्धच्या तिसऱ्या टी-२० आंतरराष्ट्रीय सामन्यात अभिषेक शर्माने धडाकेबाज खेळी केली. त्याने अवघ्या ३५ चेंडूंमध्ये आपले दमदार शतक पूर्ण केले आणि ३८ चेंडूंमध्ये ११३ धावांची वादळी खेळी केली. त्याच्या या खेळीमुळे भारताला ६ विकेट्सने विजय मिळवून मालिका जिंकली.

या प्रभावी कामगिरीचा परिणाम आता ताज्या आयसीसी क्रमवारीत दिसून आला आहे. अभिषेकने आयसीसी टी२० आंतरराष्ट्रीय फलंदाजांच्या क्रमवारीत पुन्हा अव्वल स्थानावर कब्जा केला आहे. यापूर्वी, जुलै २०२५ मध्ये त्याने ऑस्ट्रेलियाच्या ट्रॅव्हिस हेडला मागे टाकून पहिल्यांदा अव्वल स्थान मिळवले होते. मात्र, या वर्षी जुलैमध्ये आयर्लंडविरुद्धच्या दमदार कामगिरीनंतर ईशान किशनने त्याला मागे टाकले होते. आता न्यूझीलंडविरुद्ध शतक झळकावून अभिषेकने पुन्हा एकदा अव्वल स्थान पटकावले आहे.

ईशान किशन दोन स्थानांनी घसरला

दुखापतीमुळे दोन टी-२० सामने खेळू न शकल्याने ईशान किशन दोन स्थानांनी घसरून तिसऱ्या स्थानी पोहोचला आहे. तर, पाकिस्तानचा साहिबजादा फरहान एका स्थानाने पुढे जात दुसऱ्या स्थानावर पोहोचला आहे. आयसीसी टी२० आंतरराष्ट्रीय फलंदाजांच्या अव्वल १० क्रमवारीत चार भारतीय फलंदाजांचा समावेश आहे. मात्र, कर्णधार श्रेयस अय्यर ५ स्थानांनी घसरून ९व्या स्थानावर आला आहे. तिलक वर्मा १०व्या स्थानावर कायम आहे. आयसीसी टी२० आंतरराष्ट्रीय फलंदाजांच्या अव्वल १० क्रमवारीत इंग्लंडच्या हॅरी ब्रूक, जोस बटलर आणि फिल सॉल्ट या तीन फलंदाजांचा समावेश आहे. कर्णधार ब्रूक चौथ्या स्थानावर, बटलर पाचव्या तर सॉल्ट सातव्या स्थानावर आहे.

Breaking Neeraj Yadav Death: क्रीडाविश्वात खळबळ! एशियन पॅरा गेम्समध्ये भारताला 3 गोल्ड जिंकून देणाऱ्या ‘या’ दिग्गज खेळाडूचा मृत्यू