Abhishek Sharma Record: अभिषेक शर्माचा मैदानात ‘रुद्रावतार’! T20I मध्ये सर्वात जलद २ हजार धावा; सूर्यकुमारचा विक्रम धुळीस

Abhishek Sharma Completed 2000 runs T20I Ind vs wi Live: भारताचा स्टार फलंदाज अभिषेक शर्माने वेस्टइंडिजविरुद्धच्या सामन्यात ऐतिहासिक कामगिरी केली आहे.

• अभिषेक शर्माचा ‘धमाका’
• सूर्यकुमारचा विक्रम मोडला
• T20 मध्ये रचला ऐतिहासिक रेकॉर्ड

IND vs WI 3rd T20 Live: भारत आणि वेस्टइंडिज यांच्यात पाच सामन्यांच्या टी-२० मालिकेतील तिसरा सामना सध्या सुरु आहे. हा सामना इंदौर येथील होळकर स्टेडियमवर खेळला जात आहे. या महत्वाच्या सामन्यात वेस्ट इंडीजचा कर्णधार शे होपने नाणेफेक जिंकून प्रथम गोलंदाजी करण्याचा निर्णय घेतला.भारताचे सलामीवीर फलंदाज अभिषेक शर्मा आणि संजू सॅमसन यांनी डावाची सुरुवात केली. यावेळी, अभिषेक आपल्या नावावर आणखी एक विश्वविक्रम केला आहे. (Abhishek Sharma Completed 2000 runs T20I )

SA vs AUS: जे आजवर कुणालाच जमलं नाही, ते Nathan Lyon ने करून दाखवलं! 10व्या क्रमांकावर फलंदाजी करत रचला ‘हा’ विश्वविक्रम

अभिषेक शर्माने रचला विश्वविक्रम

स्फोटक फलंदाज अभिषेक शर्माने तुफान फटकेबाजी करत १८ चेंडूमध्ये अर्धशतक ठोकले आहे. तो ३० चेंडूमध्ये ६९ धावा करुन बाद झाला. शमार स्प्रिंगरने त्याला पव्हेलियनचा रस्ता दाखवला. मात्र, अभिषेक ने टी-२० आंतरराष्ट्रीय क्रिकेटमध्ये इतिहास रचला आहे. तो टी-२० आंतरराष्ट्रीय सामन्यांमध्ये सर्वात जलद २,००० धावा करणारा फलंदाज ठरला आहे. अभिषेकने आपली ३३ वी धाव पूर्ण करताच हा विश्वविक्रम साधला. त्याने १,०२४ चेंडूंमध्ये २,००० धावा पूर्ण केल्या. सर्वात कमी चेंडूंमध्ये २,००० धावांचा टप्पा गाठणारा तो जगातील पहिला फलंदाज ठरला आहे. यासह, त्याने सूर्यकुमार यादवचा विश्वविक्रम देखील मोडला.

अभिषेकने सूर्यकुमार यादवचा रेकॉर्ड मोडला

यापूर्वी हा विक्रम सूर्यकुमार यादवच्या नावावर होता. सूर्यकुमारने टी२० आंतरराष्ट्रीय क्रिकेटमध्ये १,१६४ चेंडूंमध्ये २,००० धावा पूर्ण केल्या. ऑस्ट्रेलियाचा माजी कर्णधार ॲरॉन फिंचने हा टप्पा १,२८३ चेंडूंमध्ये गाठला, तर ग्लेन मॅक्सवेलने १,३०४ चेंडूंमध्ये २००० धावा पूर्ण केल्या. अष्टपैलू हार्दिक पांड्याने आपल्या २,००० टी२० आंतरराष्ट्रीय धावा १,३९० चेंडूंमध्ये पूर्ण केल्या, तर न्यूझीलंडच्या टिम सायफर्टने हा टप्पा १,३९५ चेंडूंमध्ये गाठला.

दोन्ही संघांची प्लेइंग ११

भारत: अभिषेक शर्मा, संजू सॅमसन (विकेटकीपर), ईशान किशन, श्रेयस अय्यर (क), तिलक वर्मा, नितीश कुमार रेड्डी, नमन धीर, अक्षर पटेल, मयंक यादव, अर्शदीप सिंग, प्रिन्स यादव.

वेस्ट इंडिज: शाई होप (विकेटकीपर), कामिल पूरन, शिमरॉन हेटमायर, रोव्हमन पॉवेल, शेरफेन रदरफोर्ड, क्वेंटिन सॅम्पसन, कीमो पॉल, रोस्टन चेस, शामर स्प्रिंगर, शामर जोसेफ, गुडाकेश मोती.

W W W तीन चेंडूंवर तीन विकेट्स! Hasan Mahmud ची ऐतिहासिक हॅट्ट्रिक; अशी कामगिरी करणारा बांग्लादेशचा पहिला वेगवान गोलंदाज