photo- social media
प्रथम फलंदाजी करताना, यजमान न्यूझीलंड संघ २० षटकांत केवळ १८० धावांपर्यंतच पोहोचू शकला, ज्यामध्ये टीम इंडियाच्या बाजूने अर्शदीप सिंगची अप्रतिम गोलंदाजी पाहायला मिळाली. अर्शदिपने २ विकेट्स घेत एक मोठा विक्रम रचला. अर्शदीप सिंग आता टी२० आंतरराष्ट्रीय सामन्यांमध्ये एका वर्षात सर्वाधिक विकेट्स घेणारा भारतीय गोलंदाज ठरला आहे. यासोबतच त्याने अनुभवी वेगवान गोलंदाज भुवनेश्वर कुमारला मागे टाकले. (Arshdeep Singh)
टीम इंडियाचा स्टार वेगवान गोलंदाज अर्शदीप सिंगने दुसऱ्या टी२० सामन्यात पूर्ण चार षटके गोलंदाजी केली. त्याने आपल्या चार षटकांत केवळ ३३ धावा दिल्या आणि दोन महत्त्वपूर्ण विकेट्स घेतले. यासह, अर्शदीपने भुवनेश्वर कुमारचा चार वर्षांपूर्वीचा विक्रम मोडला. यासह, तो टी२० आंतरराष्ट्रीय सामन्यांमध्ये एका वर्षात सर्वाधिक विकेट्स घेणारा भारतीय गोलंदाज बनण्याचा मान मिळवला. भुवनेश्वरने २०२२ मध्ये टी२० आंतरराष्ट्रीय सामन्यांमध्ये एकूण ३७ विकेट्स घेतले होते, तर आता अव्वल स्थानी असलेल्या अर्शदीप सिंगच्या नावावर ३८ विकेट्स आहेत.
स्टार वेगवान गोलंदाज अर्शदीप सिंगकडेही इतिहास रचण्याची सुवर्णसंधी आहे. टी-२० क्रिकेटमध्ये एका वर्षात सर्वाधिक विकेट्स घेण्याचा वर्ल्ड रेकॉर्ड सध्या आयर्लंडच्या जोश लिटलच्या नावावर आहे. त्याने एकट्या २०२२ मध्ये ३९ विकेट्स घेतले होते. त्यामुळे, न्यूझीलंडविरुद्धच्या पुढील तीन सामन्यांमध्ये अर्शदीप सिंगने जरी दोन विकेट्स घेतले, तरी तो इतिहास घडवेल. त्याच्या सध्याच्या फॉर्मनुसार, अर्शदीप सिंग तिसऱ्या टी-२० सामन्यात हा विक्रम साधू शकतो.
.png "Videos"){kind=small}
