Asian Games 2026 : क्रिकेट चाहत्यांनो ‘नागीण डान्स’साठी सज्ज व्हा! सेमिफायनलमध्ये भारताचा बांगलादेशसमोरील राहिलाय असा रेकॉर्ड

Asian Games 2026 : भारताला सेमिफायनलमध्ये एखाद्यावेळेस बांगलादेशचा सामना करावा लागू शकतो. बांगलादेश म्हटलं की, नागीण डान्स आलाच. बांगलादेशच्या प्रत्येक अपयशानंतर क्रिकेट चाहत्यांना नागीण डान्स करण्याची संधी मिळते.

• भारताची सेमिफायनलमध्ये धडक
• सेमिफायनलमध्ये श्रीलंका किंवा बांगलादेशचं आव्हान
• सामन्यात भारताचं पारडं जडं

श्रेयस अय्यरच्या नेतृत्त्वात भारतीय संघ एशियन गेम्स 2026 (Asian Games 2026) मध्ये सेमिफायनलमध्ये दाखल झाला आहे. भारत आणि अफगाणिस्तान यांच्यातील सोमवारी होणारा क्वॉर्टर फायनलचा सामना पावसामुळे रद्द झाला. सर्वोत्तम टी-२० इंटरनॅशनल रँकिंग असल्याने भारतीय संघ सेमिफायनलमध्ये पोहचण्यास यशस्वी राहिले.

दरम्यान, भारत आता ऑक्टोबरमध्ये दुसरा सेमिफायनल सामना खेळण्यास मैदानात उतरेल. येथे भारताला कोणाचा सामना करायचा आहे, याची माहिती मंगळवारी होणाऱ्या तिसऱ्या आणि चौथ्या क्वॉर्टर फायनलच्या सामन्यातून कळेल. बहुदा भारताला सेमिफायनलमध्ये बांगलादेशचा करावा लागू शकतो.
क्रिकेटला एशियन गेम्समध्ये चौथ्यांदा समाविष्ट करण्यात आले आहे. दरम्यान, भारतीय क्रिकेट नियामक मंडळाने (BCCI) फक्त दुसऱ्यांदा या स्पर्धेसाठी आपला भारतीय संघ पाठवला आहे.

 

पहिल्या स्पर्धेत भारताला सुयश

एशियन गेम्स 2023 मध्ये भारतीय संघाने पहिल्यांदा भाग घेतला होता. तिथे सेमिफायनलमध्ये भारताचा सामना बांगलादेशशी झाला होता. ऋतुराज गायकवाडच्या नेतृत्त्वात भारतीय संघाने सर्वोत्तम कामगिरी करताना बांगलादेशला 9 विकेटने धुळ चारली होती.

प्रथम फलंदाजी करताना बांगलादेशने 20 षटकात 9 बाद 96 धावाच केलेल्या. गोलंदाजीत भारताच्या वतीने साई किशोरने 4 षटकात 12 धावा खर्च करत 3 विकेट घेतल्या होत्या, तर वॉशिंग्टन सुंदरने 15 धावांवर 2 विकेट घेतलेल्या.
भारतानं फक्त एक विकेट गमावत 9.2 षटकांत या धावांचा यशस्वीरित्या पाठलाग केलेला.

Virat Kohli: विराटचा ‘किंग’ अंदाज पण गौतमचा ‘गंभीर’ चेहरा! डगआउटमधील ‘तो’ फोटो झाला व्हायरल; चाहत्यांनी केलं जोरदार ट्रोल

चाहत्यांना नागीण डान्स करण्याची संधी

‘नागीण डान्स’ आणि बांगलादेश हे समीकरण काही जुने नाही. प्रतिस्पर्धी संघातील फलंदाजांच्या विकेटनंतर त्यांना डिवचण्यासाठी नागीण डान्सची प्रथा ही बांगलादेशच्या खेळाडूंनीच सुरू केली होती. कालांतराने त्यांच्या कामगिरीत आलेली घसरण पाहता, ही प्रथा त्यांचाच अंगाशी आली.
आता बांगलादेशविरोधात कोणताही प्रतिस्पर्धी संघ असो, जेव्हा ते बांगलादेशला धुळ चारत असतात, तेव्हा त्यांचे चाहते सर्रास नागीण डान्स करताना टीव्हीच्या स्क्रीनवर दिसतात.
त्यामुळे जर सेमिफायनलमध्ये बांगलादेश भारतासमोर येतो, तर नक्कीच भारतीय चाहत्यांना नागीण डान्स करण्याची संधी मिळेल.

Rohit Sharma: सामना जिंकून परतलेल्या रोहित शर्मासोबत हॉटेलबाहेर घडला धक्कादायक प्रसंग, Video व्हायरल!