सोमवार, 21 सप्टेंबर 2026
Asian Games : आता महिला हॉकी संघाने इंडोनेशियाचा केला गेम! 17-1 ने दणदणीत विजय, सौजन्य : आयएएनएस
एशियन गेम्स (Asian Games) २०२६ मध्ये भारतीय महिला हॉकी संघाची दमदार कामगिरी कायम राहिली. पहिल्या सामन्यात उज्बेकिस्तानला 19-0 असे नमवल्यानंतर संघाने दुसऱ्या सामन्यात इंडोनेशियाचा 17-1 अशा फरकाने गेम केला.
या सामन्यात भारतीय संघातील फॉरवर्ड खेळाडूंनी इंडोनेशियाच्या डिफेन्स फळीचा धुव्वा उडवला. भारतीय संघ सामन्यात सुरुवातीपासूनच वरचढ राहिली. संघाने इंडोनेशियाच्या डिफेन्सवर सलग दबाव निर्माण केला आणि एका पाठोपाठ एक गोल केले. भारताच्या वतीने दीपिका, ऋतुजा पिसाळ आणि नवनीत कौरने शानदार कामगिरी करताना गोल करण्याची आपली हॅटट्रिक पूर्ण केली. तसेच सुनिता टोप्पो, लालरेमसियामी आणि साक्षी राणानेदेखील प्रत्येकी दोन गोल करत भारताच्या विजयात महत्त्वाची भूमिका बजावली. कर्णधाल सलीमा टेटे आणि इशिकाने देखील प्रत्येकी एक गोल केले.
सुरुवाती दोन क्वार्टरमध्ये भारताचा दबदबा पाहण्यास मिळाला. पहिल्या हाफमध्येच भारताने 9-0 अशी आघाडी मिळवली होती. इंडोनेशियाच्या वतीने एकमेव गोल तिसऱ्या क्वार्टरमध्ये इन्नेस आदित्यने केला. या एकमेव गोलशिवाय इंडोनेशिया एकवेळही भारताच्या डिफेन्सला भेदू शकली नाही. पहिल्या क्वार्टरमध्ये भारताने एकूण 4 गोल केले. त्यानंतर दुसऱ्या क्वार्टरमध्ये संघाने आपल्या या कामगिरीदरम्यान आणखीन 5 गोल करत यश प्राप्त केले.
सामन्याच्या तिसऱ्या क्वार्टरमध्ये इंडोनेशियाच्या वतीने करण्यात आलेल्या गोलला प्रत्युत्तर देताना भारताने तब्बल 5 गोल केले. तसेच चौथ्या क्वार्टरमध्ये भारतीय संघाने आणखीन 3 गोल करत सामना 17-1 असा आपल्या नावे केला. या सामन्यात तीन गोल करणाऱ्या दीपिकाची कामगिरी उज्बेकिस्तानमधील सामन्याप्रमाणेच राहिली. तिने पहिल्या सामन्यात चक्क 8 गोल केले होते. तिने दोन्ही सामन्यात एकूण 11 गोल केले आहेत. या विजयासह भारतीय संघ बी गटात अव्वल स्थानी आहे. भारतीय संघ येणाऱ्या सामन्यात आपली हिच लय कायम राखण्याचा प्रयत्न करेल.
Asian Games: वय वर्ष अवघे 13, गोल्ड मेडल जिंकून बनवला ऐतिहासिक रेकॉर्ड; जगाला केलं अचंबित
