सोमवार, 21 सप्टेंबर 2026
Himanshu Dhillon Rudraksh Won Silver
Shafali Verma चा ‘धुमाकूळ’, ४९ चेंडूत तुफानी शतक अन् मोडले ७ रेकॉर्ड्स, मंधानाचाही विक्रम केला धुळीस
अंतिम फेरीत रुद्रांक्ष पाटीलने पदकाच्या शर्यतीत बराच काळ आघाडी कायम ठेवली होती. तो सातत्याने सुवर्णपदकाच्या शर्यतीत टिकून होता, पण नंतरच्या फेऱ्यांमध्ये चीनच्या शेन लिहाओने दमदार पुनरागमन केले.
रुद्रांक्षने दमदार सुरुवात करत पहिल्या सिरीजमध्ये ५२.८ गुण मिळवून सुरुवातीलाच आघाडी घेतली. दुसऱ्या सिरीजमध्ये ५३.२ गुणांची उत्कृष्ट कामगिरी करत त्याने आपली आघाडी आणखी वाढवली आणि १.१ गुणांसह अव्वल स्थान पटकावले. हिमांशू देखील पदकाच्या शर्यतीत टिकून होता. परंतु, नंतर तो दुसऱ्या स्थानावर घसरला. १२ शॉट्सनंतर, रुद्रांक्ष १२७.४ गुणांसह आघाडीवर होता, त्याच्या पाठोपाठ हिमांशू १२६.६ आणि शेंग १२६.३ गुणांसह शर्यतीत होते. मधल्या टप्प्यातही स्पर्धा अत्यंत चुरशीची राहिली, अखेरीस १६ शॉट्सनंतर शेंगने १६८.८ गुणांसह आघाडी घेतली, तर रुद्रांक्ष आणि हिमांशू १६८.६ गुणांवर बरोबरीत होते. हिमांशूने शानदार १०.९ गुण मिळवून रुद्रांक्षवरील अंतर केवळ ०.१ गुणांनी कमी केले, परंतु पुढच्याच शॉटमध्ये ९.८ गुण मिळाल्याने तो तिसऱ्या स्थानावर घसरला. त्याने १०.६ गुणांसह पुनरागमन केले आणि पदकाच्या शर्यतीत आपले स्थान टिकवून ठेवले.
अंतिम टप्प्यात भारतीय जोडीसाठी एक रोमांचक शेवट पाहायला मिळाला. रुद्रांक्ष २२ शॉट्सनंतर स्पर्धेतून बाहेर पडला. त्याने २३०.९ गुण मिळवले, जे हिमांशूच्या २३१.० गुणांपेक्षा केवळ ०.१ गुणांनी कमी होते. शेवटच्या शॉटमधील त्याचे ९.७ गुण त्याला महागात पडले आणि त्याला कांस्य पदकावर समाधान मानावे लागले.
त्यानंतर सुवर्णपदकासाठी हिमांशूचा सामना शेंगशी झाला. दोन्ही नेमबाजांनी त्यांच्या अंतिम शॉट्समध्ये १०.६ गुण मिळवले, परंतु शेंगने २३३.० गुणांसह सुवर्णपदक जिंकले, तर हिमांशूने २३१.० गुणांसह रौप्यपदक पटकावले. या निकालामुळे पुरुषांच्या १० मीटर एअर रायफल वैयक्तिक स्पर्धेत भारताला रौप्य आणि कांस्य पदक मिळाले, ज्यात हिमांशू आणि रुद्रांक्ष या दोघांनीही पदक पटकावले
रुद्राक्ष आणि हिमांशू यांनी यापूर्वी पुरुषांच्या १० मीटर एअर रायफल सांघिक स्पर्धेत रौप्यपदक पटकावले होते. त्यावेळी पार्थ माने त्यांच्यासोबत भारतीय संघाचा भाग होता. या स्पर्धेत चीनने सुवर्णपदक आणि दक्षिण कोरियाने कांस्यपदक जिंकले. अशाप्रकारे, २०२६ च्या आशियाई क्रीडा स्पर्धेत रुद्राक्ष आणि हिमांशू या दोघांच्या नावावर आता प्रत्येकी दोन पदके आहेत.
आशियाई क्रीडा स्पर्धेतील पदकतालिकेनुसार, भारत सध्या सहा पदकांसह दहाव्या क्रमांकावर आहे. चीन पहिल्या क्रमांकावर कायम आहे. चीनने १४ सुवर्ण, सहा रौप्य आणि दोन कांस्य पदके जिंकून एकूण २३ पदके पटकावली आहेत. एकूण २१ पदके जिंकून जपान दुसऱ्या क्रमांकावर आहे.
