मिचेल स्टार्कने बांग्लादेशींचे कंबरडे मोडले (फोटो सौजन्य - इन्स्टाग्राम)
नव्या चेंडूने धुमाकूळ घालण्यात पटाईत असलेल्या स्टार्कने पहिल्याच चेंडूवर बळी घेतला आणि बांगलादेशच्या अर्ध्या संघाला झटपट बाद केले. स्टार्कच्या ५ बळींमुळे बांगलादेशने केवळ १२ धावांत पाच गडी गमावले. कर्णधार पॅट कमिन्सनेही ऑस्ट्रेलियाच्या स्फोटक सुरुवातीचा फायदा उचलत तीन बळी घेतले आणि बांगलादेशला केवळ ६४ धावांवर गुंडाळले. जोश हेझलवूडने एक बळी घेतला. स्टार्कचे एकूण सहा बळी होते.
THE AUSTRALIAN BOWLERS IN FIRST INNINGS: – 6/12 in 10 overs from Starc.
– 3/25 in 10 overs from Cummins.
– 1/18 in 11 overs from Hazlewood. The terrific bowling performance from Australia vs Bangladesh 🇦🇺 pic.twitter.com/dBCn6fT0wL — Maina Singh (@Maina_Singhx77) August 22, 2026
AUS Vs BAN: महाखळबळ! ऑस्ट्रेलियाविरुद्ध बांगलादेश अडचणीत? ‘या’ खेळाडूंच्या खेळण्यावर टांगती तलवार
ही बांगलादेशची चौथी सर्वात कमी कसोटी धावसंख्या आहे. यापूर्वी, २००७ मध्ये श्रीलंकेविरुद्ध बांगलादेशचा संघ ६२ धावांवर सर्वबाद झाला होता. ५३ धावा ही बांगलादेशची दुसरी सर्वात कमी धावसंख्या आहे, जी २०२२ मध्ये दक्षिण आफ्रिकेविरुद्ध नोंदवली गेली होती. दरम्यान, २०१८ मध्ये वेस्ट इंडिजने बांगलादेशला त्यांच्या सर्वात कमी धावसंख्येवर गुंडाळले होते. बांगलादेशचा संघ केवळ ४३ धावांवर सर्वबाद झाला होता.
साउथ मॅके येथील ग्रेट बॅरियर रीफ एरिनामध्ये सुरू झालेल्या सामन्यात ऑस्ट्रेलियाने नाणेफेक जिंकून प्रथम गोलंदाजी करण्याचा निर्णय घेतला. ऑस्ट्रेलियन गोलंदाज मिचेल स्टार्कने पहिल्या काही षटकांमध्येच कर्णधार पॅट कमिन्सचा निर्णय योग्य ठरवला. स्टार्क आणि इतर ऑस्ट्रेलियन गोलंदाजांच्या गोलंदाजीने डार्विन कसोटीतील पराभवाचा बदला घेतल्याचे दिसत होते. स्टार्कच्या वेग, उसळी आणि स्विंगसमोर बांगलादेशची आघाडीची फळी हतबल दिसत होती. स्टार्कच्या स्फोटक गोलंदाजीने बांगलादेशच्या आघाडीच्या फळीला उद्ध्वस्त केले.
बांगलादेशने १५ धावांत आपले पहिले पाच बळी गमावले, ज्यात स्टार्कने सर्व बळी घेतले. मिराज (११), हसन महमूद (१०), तैजुल इस्लाम (११) आणि शोरिफुल इस्लाम (१४) यांच्यामुळे बांगलादेशने कसाबसा ५० धावांचा टप्पा ओलांडून ६४ धावा केल्या. चार फलंदाज शून्यावर बाद झाले आणि सात फलंदाज दुहेरी आकडा गाठू शकले नाहीत. शेवटचा फलंदाज शोरिफुल इस्लाम हा डावातील सर्वाधिक धावा करणारा खेळाडू होता. बांगलादेशचा डाव ३४ षटकांपर्यंतच मर्यादित राहिला. ऑस्ट्रेलियाकडून, मिचेल स्टार्कने १० षटकांत १२ धावा देऊन ६ बळी घेतले. कर्णधार पॅट कमिन्सने १० षटकांत २५ धावा देऊन ३ बळी घेतले आणि जोश हेझलवूडने १ बळी घेतला.
.png "Videos"){kind=small}
