९ वर्षांनंतर जुळून आला ऐतिहासिक योगायोग
गोलंदाज अन् फलंदाजांची झाली अदलाबदल
आज आरसीबी आणि हैदराबाद भिडणार
Tata IPL 2026 RCB vs SRH 2026: आज बंगलोरच्या एम. चिन्नास्वामी स्टेडियमवर गतविजेते रॉयल चॅलेंजर्स बंगलोर अन् सनरायजर्स हैदराबाद यांच्यात सामना होणार आहे. 9 वर्षांनी असा योग जुळून आला आहे की, ज्यामध्ये बंगलोर आणि हैदराबाद यांच्यात सामना होणार आहे. दरम्यान यामध्ये काही खेळाडूंची अदलाबदली झाली असल्याने या सामन्याला विशेष महत्व प्राप्त झाले आहे. आज आयपीएलचा पहिला सामना असल्याने चाहत्यांमध्ये उत्साह आहे. हे नेमके खेळाडू कोण आहेत, त्याबाबत जाणून घेऊयात.
यंदाचे आयपीएल खास असणार आहे कारण आरसीबीचा संघ गतविजेता म्हणून मैदानात उतरणार आहे. समोर देखील एकदा आयपीएल ट्रॉफी जिंकलेला संघ असणार आहे. तब्बल 9 वर्षांची या आयपीएलची सुरुवात बंगलोर विरुद्ध हैदराबाद अशी होणार आहे. 2017 मध्ये आयपीएलची सुरुवात हैदराबाद विरुद्ध बंगलोर अशी झाली होती.
कोणत्या खेळाडूंची झाली अदलाबदली?
2017 मध्ये हैदराबादच्या संघाने बंगलोरला फायनलमध्ये हरवले होते. तर यंदा बंगलोरचा संघ गतविजेता म्हणून मैदानात उतरेल. 9 वर्षांमध्ये दोन्ही संघात अनेक बदल झाले आहेत. काही खेळाडू देखील बदलले गेले आहेत. 2017 मध्ये वेळेस बंगलोरच्या संघात ट्रेविस हेड देखील सामील होता. तर भुवनेश्वर कुमार हैदराबादच्या संघात सामील झाला होता.
मात्र 2026 च्या आयपीएलमध्ये हेच वेगळेपण पाहायला मिळणार आहे. कारण यंदा 2017 मध्ये हैद्राबादच्या संघात असलेला भुवनेश्वर कुमार बंगलोरच्या संघाकडून खेळणार आहे. तर बंगलोरच्या संघात असलेला ट्रेविस हेड आता हैदराबादच्या संघाकडून खेळणार आहे. त्या सामन्यात विराट कोहली खेळला नव्हता. शेन वॅाटसनने बंगलोरच्या संघाची धुरा सांभाळली होती.
2017 मध्ये काय घडले होते?
2017 मध्ये झालेल्या सामन्यात हैदराबादच्या संघाने बंगलोरच्या संघाला सहज पराभूत केले होते. सनरायजर्स हैद्राबादच्या संघाने 207 धावा केल्या होत्या. तेव्हा युवराज सिंगने 62 धावा केल्या होत्या. तर रॉयल चॅलेंजर्स बंगलोरचा संघ केवळ 172 धावा करू शकला होता. विराट कोहली त्या सामन्यात खेळला नव्हता. तर भुवनेश्वर कुमारने 2 विकेट घेतल्या होत्या.
.png "Videos"){kind=small}
