Carrom Championship : ग्रीष्मा, तनयाची उपांत्यपूर्व फेरीत धडक

Carrom Championship : महापौर चषकात कॅरमपटू ग्रीष्मा धामणकर, तनया दळवी यांनी उपांत्यपूर्व फेरीत धडक मारली आहे. मुलांमध्ये कोल्हापूरचा यश पाटीलची आगेकूच कायम आहे.

• शालेय कॅरमपटूंची उत्तुंग कामगिरी
• कोल्हापूरच्या यश पाटीलची आगेकूच
• विविध जिल्ह्यातील खेळाडूंचा सहभाग

आनंदराव अडसूळ चॅरिटेबल ट्रस्ट व आयडियल स्पोर्ट्स अकॅडमीतर्फे एमएससी बँक प्रायोजित मुंबई महापौर चषक शालेय कॅरम स्पर्धेत (Carrom Championship) आयईएस सुळे गुरुजी शाळेची ग्रीष्मा धामणकर, महात्मा गांधी विद्यालयची तनया दळवी, विश्ववारणा पब्लिक स्कूल-कोल्हापूरचा अतुल पाटील, श्री नारायण गुरु हायस्कूलचा उमैर पठाण, शारदाश्रम विद्या मंदिरचा सोहम जाधव आदींनी विजयीदौड कायम राखत उपांत्यपूर्व फेरीत प्रवेश केला.
दमदार प्रारंभ करणाऱ्या गौरी सावंतचे आव्हान निर्णायक क्षणी अचूक खेळ करीत ग्रीष्मा धामणकरने 14 – 4 असे संपुष्टात आणले.

कोल्हापूरच्या यश पाटीलची आगेकूच

प्रारंभापासून मोठी आघाडी घेत विश्ववारणा स्कूल-कोल्हापूरच्या अतुल पाटीलने यश घाडीला 25-0 असे सहज नमविले. सुरुवातीचे बोर्ड हातून निसटल्यामुळे दबावाखाली खेळणाऱ्या सारा देवनला राष्ट्रीय ख्यातीची सबज्युनियर कॅरमपटू तनया दळवीने ७-४ असे चकविले.

Virat Kohli : ‘किंग’ने ‘मास्टर’चा Record मोडला, वनडेत गाठला 15 हजार धावांचा टप्पा

विविध जिल्ह्यातील खेळाडूंचा सहभाग

इतर सामन्यात सोहम जाधवने मोइनुद्दिन शेखचा 23-0असा, उमैर पठाणने मोहमद हुसेनचा 21-0 असा, तर वेदांत मांढरेने आर्यन घाडीचा 25-0 असा पराभव करून उपउपांत्यपूर्व फेरी जिंकली.
स्पर्धेनिमित्त विविध जिल्ह्यातील शालेय 200 खेळाडूंना कॅरमचे विशेष मार्गदर्शन विनाशुल्क लाभल्यामुळे शिक्षक व पालकवर्ग संयोजकांचे कौतुक करीत आहेत.

Maharashtra Badminton Association च्या अध्यक्षपदी अरुण लखानी, तर सिद्धार्थ पाटील यांची मानद सरचिटणीसपदी बिनविरोध निवड