Carrom Tournament : राज्य मानांकन स्पर्धेत श्रुती-अभिजीतला प्रथम मानांकन

Carrom Tournament : राज्य मानांकन कॅरम स्पर्धेला शुक्रवारी चर्नी रोड येथे सुरुवात होत असून अभिजीत त्रिपनरकर व श्रुती सोनावणे यांना प्रथम मानांकन देण्यात आले आहे.

• चर्नी रोडमध्ये पार पडणार स्पर्धा
• महाराष्ट्र कॅरम असोसिएशनची मान्यता
• स्पर्धेत सिस्का बुलेट कॅरमचा वापर

सारस्वत ब्राम्हण समाज, मुंबई यांच्यावतीने शुक्रवारी 2 ऑक्टोबर 2026 रोजी पहिली राज्य मानांकन कॅरम स्पर्धेला (Carrom Tournament) सुरुवात होत आहे. महाराष्ट्र कॅरम असोसिएशन व मुंबई डिस्ट्रिक्ट कॅरम असोसिएशन यांच्या मान्यतेने शांती निवास वातानुकूलित हॉल, चर्नी रोड ( पूर्व ), मुंबई येथे ही स्पर्धा रंगणार आहे.

शुक्रवारी सकाळी 8.30 वाजता स्पर्धेचे उद्घाटन झाल्यानंतर पुरुष एकेरी गटाच्या सामान्यांनी स्पर्धेला सुरुवात होणार आहे. तर महिला एकेरीचे सामने 3 ऑक्टोबर 2026 रोजी दुपारी 1 वाजल्यापासून खेळवण्यात येतील.

सिस्का बुलेट कॅरमचा वापर

सिस्का बुलेट शॉट कॅरम व सोंगट्यांचा वापर या स्पर्धेत करण्यात येणार आहे. पुरुष एकेरी गटात पुण्याच्या अभिजीत त्रिपनकर तर महिला एकेरी गटात पालघरच्या श्रुती सोनावणेला प्रथम मानांकन देण्यात आले आहे. महाराष्ट्र कॅरम असोसिएशनच्या युट्युब चॅनलवर या स्पर्धेच्या सामन्यांचे थेट प्रक्षेपण करण्यात येणार आहे.

IND Vs WI: खळबळजनक! टीम इंडियाला मोठा धक्का; वेस्ट इंडिजविरुद्ध ‘हा’ महत्वाचा खेळाडू अचानक संघाबाहेर

स्पर्धेतील मानांकन पुढील प्रमाणे…

पुरुष एकेरी : १) अभिजीत त्रिपनकर ( पुणे ), २) प्रशांत मोरे ( मुंबई ), ३) संदीप दिवे ( जळगाव ), ४) महम्मद घुफ्रान ( मुंबई ), ५) रहिम खान ( पुणे ), ६) सागर वाघमारे ( पुणे ), ७) सौरभ मते ( मुंबई ), ८) निलांश चिपळूणकर ( मुंबई )

महिला एकेरी : १) श्रुती सोनावणे ( पालघर ), २) प्राजक्ता नारायणकर ( मुंबई ), ३) आकांक्षा कदम ( रत्नागिरी ), ४) ऐशा साजिद खान ( मुंबई ), ५) केशर निर्गुण ( सिंधुदुर्ग ), ६) निलम घोडके ( मुंबई ), ७) मैत्रेयी गोगटे ( मुंबई ), ८) मिताली पाठक ( मुंबई )

Asian Games 2026 : पाकिस्तानला धुळ चारत भारताची फायनल वारी, कर्णधार हरमनप्रीतच 2 गोल