CSK vs KKR Live Score: संजू सॅमसनची बॅट तळपली! चेन्नईचे कोलकातासमोर 193 धावांचे आव्हान; गायकवाड-दुबे अपयशी

कोलकाता नाइट रायडर्सचा कर्णधार अजिंक्य रहाणेने नाणेफेक जिंकली आणि प्रथम गोलंदाजी करण्याचा निर्णय घेतला. प्रथम फलंदाजी करताना चेन्नईने कोलाकाता समोर 193 धावांचे लक्ष्य ठेवले आहे. 

 

• संजू सॅमसनची बॅट तळपली!
• चेन्नईचे कोलकातासमोर 193 धावांचे आव्हान
• गायकवाड-दुबे अपयशी

IPL 2026 CSK vs KKR: IPL 2026 मध्ये एक अत्यंत महत्त्वपूर्ण सामना सुरू आहे, ज्यामध्ये चेन्नई सुपर किंग्स आणि कोलकाता नाइट रायडर्स (CSK vs KKR) हे संघ चेन्नईच्या एम.ए. चिदंबरम स्टेडियमवर आमनेसामने आले आहेत. कोलकाता नाइट रायडर्सचा कर्णधार अजिंक्य रहाणेने नाणेफेक जिंकली आणि प्रथम गोलंदाजी करण्याचा निर्णय घेतला. कोलकाताच्या संघात केवळ एकच बदल करण्यात आला आहे: नवदीप सैनीच्या जागी वरुण चक्रवर्ती आजचा सामना खेळत आहे. चेन्नई सुपर किंग्सच्या संघात मात्र कोणताही बदल करण्यात आलेला नाही. याचा अर्थ असा की, महेंद्रसिंग धोनी आजच्या सामन्यातही खेळत नाहीये. दरम्यान, प्रथम फलंदाजी करताना चेन्नईने कोलाकाता समोर 193 धावांचे लक्ष्य ठेवले आहे.See more

Innings Break! Strong start by #CSK in the powerplay, but #KKR pull it towards the end with the ball 👊 Who’s walking away with 2️⃣ points? Updates ▶️ https://t.co/jWkXVCPxj5#TATAIPL | #KhelBindaas | #CSKvKKR pic.twitter.com/ShbjlLYxzn — IndianPremierLeague (@IPL) April 14, 2026

प्रथम फलंदाजी करताना, चेन्नई सुपर किंग्सने आपल्या निर्धारित 20 षटकांत 5 गडी गमावून एकूण 192 धावा उभारल्या. संघासाठी संजू सॅमसनने एक उत्कृष्ट खेळी साकारली; त्याने 32 चेंडूंत 4 चौकार आणि 3 षटकारांच्या मदतीने 48 धावा केल्या. दुसरीकडे, कोलकातासाठी कार्तिक त्यागी हा सर्वात यशस्वी गोलंदाज ठरला, ज्याने 2 बळी मिळवले. एक विशेष नोंद घेण्यासारखी बाब म्हणजे, चेन्नईला आपल्या धडाकेबाज सुरुवातीला साजेसी अशी मोठी धावसंख्या उभारता आली नाही.

कॅप्टन्सी की नौटंकी? Hardik Pandya पुन्हा टार्गेटवर; माजी खेळाडूने थेट ‘इज्जत’च काढली

संघाने पॉवरप्लेमध्ये म्हणजेच सुरुवातीच्या सहा षटकांत बोर्डवर 72 धावा आधीच जमा केल्या होत्या. त्यानंतर, संघाला 230धावांचा टप्पा सहज गाठता येईल, असे वाटत होते. मात्र, पॉवरप्लेनंतर कोलकाताच्या गोलंदाजांनी आपली पकड मजबूत केली आणि चेन्नईला खरोखरच एक प्रचंड मोठी धावसंख्या उभारण्यापासून रोखले. अखेरीस, संघाला 200 धावांचा टप्पाही ओलांडता आला नाही. कोलकातासाठी कार्तिक त्यागीने शेवटचे षटक टाकले आणि त्यात त्याने एकही चौकार किंवा षटकार जाऊ दिला नाही. शेवटच्या तीन षटकांत, केकेआरच्या गोलंदाजांनी केवळ 23 धावा दिल्या आणि चेन्नईवर आपली पकड अधिकच घट्ट केली.

दोन्ही संघांची प्लेइंग इलेव्हन

कोलकाता नाइट रायडर्स प्लेइंग इलेव्हन: अजिंक्य रहाणे (कर्णधार), आंग्रिश रघुवंशी (यष्टीरक्षक), कॅमेरॉन ग्रीन, रिंकू सिंग, रोवमन पॉवेल, रमणदीप सिंग, सुनील नरेन, अनुकुल रॉय, वरुण चक्रवर्ती, कार्तिक त्यागी, वैभव अरोरा.

चेन्नई सुपर किंग्ज प्लेइंग इलेव्हन: संजू सॅमसन (यष्टीरक्षक), ऋतुराज गायकवाड (कर्णधार), आयुष म्हात्रे, देवाल्ड ब्रेविस, शिवम दुबे, सरफराज खान, जेमी ओव्हरटन, अंशुल कंबोज, नूर अहमद, खलील अहमद, गुरजपनीत सिंग.

वडील मजूर, खाण्याचीही वानवा; आईचे दागिने विकून खरेदी केले स्पोर्ट्स शूज, IPL मध्ये चमकला मुलगा Sakib Hussain