रविवार, 25 ऑक्टोबर 2026
Chess Tournament : बुद्धिबळ स्पर्धेत रिहान कुळकर्णी, अर्हा वाघमारे गटविजेते
रिहानची निर्णायक फेरीत बाजी
अर्हाने पाचही सामने जिंकत पटकावले विजेतेपद
आयडियल स्पोर्ट्स अकॅडमी आणि आनंदराव अडसूळ चॅरिटेबल ट्रस्ट यांच्या वतीने, लाइफ इन्शुरन्स कॉर्पोरेशन ऑफ इंडिया (एलआयसी) सहपुरस्कृत एलआयसी-मुंबई महापौर चषक शालेय बुद्धिबळ स्पर्धेत (Chess Tournament) 9 वर्षांखालील गटात आंतरराष्ट्रीय फिडे गुणांकित रिहान कुळकर्णी, तर १३ वर्षांखालील गटात अर्हा वाघमारे यांनी गटविजेतेपद पटकावले.
परेल येथील आरएमएमएस वातानुकूलित सभागृहात झालेल्या स्पर्धेच्या निर्णायक पाचव्या फेरीत नऊ वर्षांखालील गटातील पहिल्या पटावर रिहान कुळकर्णी आणि अपराजित सोहिला कौर यांच्यात विजेतेपदासाठी चुरशीची लढत झाली. आक्रमक चालींच्या जोरावर रिहानने 25व्या चालीत सोहिलाच्या राजाला शह देत विजय मिळवला आणि गटविजेतेपदावर नाव कोरले. विजेत्या रिहानला नगरसेवक रोहिदास लोखंडे यांच्या हस्ते आकर्षक चषक आणि भेटवस्तू देऊन गौरविण्यात आले.
१३ वर्षांखालील गटात अर्हा वाघमारेने स्विस साखळी पद्धतीने झालेल्या स्पर्धेतील पाचही सामने जिंकत पाच गुणांसह निर्विवाद वर्चस्व गाजवले. फिडे गुणांकित मयुरेश पाटीलने साडेतीन गुणांसह द्वितीय, अर्णव जगतापने साडेतीन गुणांसह तृतीय, प्रणव जैनने तीन गुणांसह चौथा, तर दीप फुणगेने तीन गुणांसह पाचवा क्रमांक मिळवला.
नऊ वर्षांखालील गटात रिहान कुळकर्णीने पाच गुणांसह प्रथम क्रमांक पटकावला. अंश शर्माने चार गुणांसह द्वितीय, सोहिला कौरने चार गुणांसह तृतीय, रिहान दुबेने चार गुणांसह चौथा, तर ओनीर वर्तकने साडेतीन गुणांसह पाचवा क्रमांक मिळवला.
पारितोषिक वितरण समारंभाला क्रीडाप्रेमी विष्णू तांडेल, जनार्दन मोरे, अशोक नवले, बुद्धिबळ संघटनेचे सचिव राजाबाबू गजेंगी आणि शिवछत्रपती पुरस्कार विजेते लीलाधर चव्हाण आदी मान्यवर उपस्थित होते.
Asia Cup : भारत-पाक पुन्हा भिडणार, Cricket Fans महासंग्रामाची ‘ही’ तारीख नोट करून ठेवा
Ans: नऊ वर्षांखालील गटात रिहान कुळकर्णी, तर १३ वर्षांखालील गटात अर्हा वाघमारे विजेते ठरले.
Ans: रिहानने नऊ वर्षांखालील गटात पाच गुण मिळवत प्रथम क्रमांक पटकावला.
Ans: अर्हाने १३ वर्षांखालील गटातील पाचही सामने जिंकून पाच गुणांसह निर्विवाद विजेतेपद मिळवले.
