क्रिकेट नेक्स्ट ॲकॅडमी संघाचे सलग दोन विजय
सातारा रोड येथील टेंभेकर फार्मस्‌ क्रिकेट मैदानावर सुरू असलेल्या या स्पर्धेत अद्वैत अमोंडकर याने केलेल्या अर्धशतकी खेळीच्या जोरावर क्रिकेट नेक्स्ट ॲकॅडमीने मिलेनीयम नॅशनल स्कूलचा ६९ धावांनी पराभव केला. पहिल्यांदा फलंदाजी करताना क्रिकेट नेक्स्ट ॲकॅडमीने १७४ धावांचे लक्ष्य उभे केले.
Sportsfield Monsoon League: विजय ॲकॅडमीची हॅटट्रिक, तर इकोल स्पोर्ट्सची विजयी घोडदौड कायम
अव्देत अमोंडकर याने २७ चेंडूत १ चौकार आणि ६ षटकारांसह ५७ धावांची खेळी केली. याला उत्तर देताना मिलेनीयम नॅशनल स्कूलचा डाव १०५ धावांवर मर्यादित राहीला. आर्यन एस. याने ३५ धावांची खेळी केली. सीएनए संघाकडून रोहन यादव याने २० धावांत तीन गडी टिपले.
दुसऱ्या सामन्यात विवान देशमुख याने केलेल्या अचूक गोलंदाजीच्या जोरावर क्रकेट नेक्स्ट ॲकॅडमीने विजय क्रिकेट ॲकॅडमीचा ७ गडी राखून सहज पराभव केला. पहिल्यांदा खेळताना विजय क्रिकेट ॲकॅडमीने ३० षटकात १६५ धावा धावफलकावर लावल्या. तुशार बांगर याने नाबाद ५८ धावा केल्या. दुसऱ्या बाजुने सचिन बोरा (२९ धावा) आणि सिध्दांत पाटील (२३ धावा) यांनी धावा करून संघाचा डाव उभा केला. हे लक्ष्य क्रिकेट नेक्स्ट ॲकॅडमीने २४ षटकात पूर्ण केले. रचित पाटील (नाबाद ४७ धावा), कार्तिक बेराड (३८ धावा) यांनी प्रामुख्याने धावा करून संघाला सलग दुसरा विजय मिळवून दिला.
स्पोर्ट्सफिल्ड मॅनेजमेंटतर्फे आयोजित पाचव्या ‘स्पोर्ट्सफिल्ड मान्सून लीग’ अजिंक्यपद १४ वर्षांखालील ३० षटकांच्या क्रिकेट स्पर्धेत विजय क्रिकेट ॲकॅडमी आणि इकोल स्पोर्ट्स फाऊंडेशनने दमदार कामगिरी करत आपापल्या प्रतिस्पर्ध्यांवर मात केली. विजय क्रिकेट ॲकॅडमीने फॅन्टम क्रिकेट क्लबचा आठ गडी राखून पराभव करत सलग तिसरा विजय नोंदविला. इकोल स्पोर्ट्स फाऊंडेशनने अष्टपैलू स्पोर्ट्स संघावर तीन धावांनी मात करत सलग पाचवा विजय मिळविला.
.png "Videos"){kind=small}
