रोनाल्डोचे ३० दिवसांसाठी निलंबन (फोटो सौजन्य - X.com)
संघातील त्याच्या भूमिकेवरून पोर्तुगालचे मुख्य प्रशिक्षक जॉर्ज जीझस आणि रोनाल्डो यांच्यात झालेल्या मतभेदानंतर हा संपूर्ण वाद सुरू झाला. नॉर्वेविरुद्धच्या नेशन्स लीग सामन्यात रोनाल्डोला संपूर्ण वेळ बेंचवर बसवण्यात आले होते. वृत्तानुसार, प्रशिक्षक जॉर्ज जीझस यांनी दोनदा आपला शब्द फिरवला, असा आरोप रोनाल्डोने केला होता. यानंतर, डेन्मार्कविरुद्धच्या सामन्याच्या अगदी आधी रोनाल्डोने कोणालाही न कळवता कोपनहेगनमधील पोर्तुगीज राष्ट्रीय संघाचे शिबिर सोडले. ९ ऑक्टोबर रोजी सुरू झालेल्या तपासानंतर, एफपीएफने (पोर्तुगीज फुटबॉल फेडरेशन) रोनाल्डोला शिस्तपालन संहितेच्या कलम १६०(१) अंतर्गत हेतुपुरस्सर उल्लंघन केल्याबद्दल दोषी ठरवले आणि सोमवारी त्याच्यावर बंदीची घोषणा केली.
कॅम्पमधून निघून जाण्याच्या संपूर्ण घटनेनंतर, ख्रिस्तियानो रोनाल्डोने आपल्या वर्तनाबद्दल जाहीरपणे माफी मागितली आहे. नॉर्वे सामन्यांनंतर चाहत्यांनी दिलेल्या शुभेच्छांना प्रतिसाद न देणे आणि आपल्या सहकाऱ्यांना मध्येच सोडून जाणे ही चूक होती, असे रोनाल्डोने कबूल केले. त्याने स्पष्ट केले की तो पोर्तुगालसाठी खेळण्यास पूर्णपणे तयार आहे आणि आपली शिक्षा भोगल्यानंतर त्याला संघात परतायचे आहे. त्यामुळे, रोनाल्डो आपली कारकीर्द पुन्हा सुरू करणार आहे, ही चाहत्यांसाठी एक चांगली बातमी आहे.
या निलंबनामुळे रोनाल्डो आगामी कोणते सामने खेळू शकणार नाही हे स्पष्ट होत नसले तरी, पोर्तुगीज फुटबॉल फेडरेशनचे अध्यक्ष पेड्रो प्रोएंसा यांनी संकेत दिले आहेत की, एकदा या प्रकरणाचा निपटारा झाल्यावर रोनाल्डोच्या राष्ट्रीय संघात परतण्याचे दरवाजे खुले आहेत. २-१ च्या विजयानंतर प्रशिक्षक जॉर्ज जीझस यांनीही रोनाल्डोच्या पुनरागमनाचे संकेत दिले आहेत. रोनाल्डोची कारकीर्द संपली आहे असे म्हणणे घाईचे ठरेल, कारण त्याची निलंबनाची शिक्षा पूर्ण झाल्यावर तो मैदानात परत येऊ शकतो.
Ans: फुटबॉलपटू क्रिस्टियानो रोनाल्डोची एकूण संपत्ती अंदाजे १.२ अब्ज ते १.४ अब्ज डॉलर्स (भारतीय चलनात अंदाजे १०,००० कोटी ते ११,६०० कोटी रुपये) आहे. फोर्ब्सच्या मते, तो जगातील सर्वाधिक मानधन घेणाऱ्या खेळाडूंपैकी एक आहे
Ans: लिओनेल मेस्सी आणि क्रिस्टियानो रोनाल्डो सध्या फुटबॉल जगतातील सर्वश्रेष्ठ आणि क्रमांक १ खेळाडूंमध्ये गणले जातात
Ans: क्रिस्टियानो रोनाल्डो एका महिन्यात सुमारे १८५ कोटी ते २०० कोटी रुपये कमावतो
.png "Videos"){kind=small}
