राष्ट्रकुल क्रीडा स्पर्धेत भारतीय महिला क्रिकेट संघाने रौप्य पदक जिंकून दमदार कामगिरी केल्यानंतर आता महिला संघ इंग्लंड दौऱ्यासाठी रवाना होणार आहे. भारतीय महिला क्रिकेट संघाच्या (Indian women’s cricket team) इंग्लंड दौऱ्यासाठी (England tour) एकदिवसीय आणि टी २० संघांची घोषणा करण्यात आली. या दौऱ्यात सोलापुर जिल्ह्यातील माळशिरस तालुक्यातील मिरे येथील किरण नवगिरेची (K.P. Navgire) भारतीय संघात निवड झाली आहे.
किरण नवगिरेचे शिक्षण श्रीपुरच्या चंद्रशेखर विद्यालयात झाले असून दरम्यान, विविध क्रिडा स्पर्धेत सहभाग घेऊन तिने यशाचा पाया रचण्यास सुरुवात केली. किरणने भालाफेक, बेसबॉल, सॉफ्टबॉल अथेलिटिक्स इत्यादी खेळात पदकं जिंकून महाविद्यालय व पुणे विद्यापिठाला अनेक पदकं आणि पुरस्कार मिळवून दिली. त्यानंतर पुणे विद्यापिठाच्या महिला क्रिकेट संघात तिची निवड झाली. तिने नागालँड आणि अरुणाचल प्रदेश संघाचंही प्रतिनिधित्व केल आहे. आपल्या खेळात सातत्य ठेवत तिनं भारतीय महिला क्रिकेट संघात स्थान मिळवलं आहे. अखेर इंग्लंडविरुद्ध आगामी टी-२० मालिकेत तिची भारतीय महिला संघात निवड झाली. अनघा देशपांडेनंतर भारतीय संघात स्थान मिळवणारी किरण सोलापूरची दुसरी खेळाडू आहे. किरणची भारतीय महिला क्रिकेट संघात निवड झाल्यानंतर सोलापूर जिल्हा क्रिकेट असोसिएशनच्यावतीनं तिचे अभिनंदन करण्यात आल आहे.
इंग्लंड दौऱ्यात भारताचा टी-२० संघ:
हरमनप्रीत कौर (कर्णधार), स्मृती मानधना (उपकर्णधार), शेफाली वर्मा, दीप्ती शर्मा, पूजा वस्त्राकर, जेमिमा रॉड्रिग्ज, स्नेह राणा, रेणुका ठाकूर, मेघना सिंह, राधा यादव, शबिनेनी मेघना, तानिया भाटिया (विकेटकिपर), रिचा घोष, राजेश्वरी गायकवाड, डी हेमलता, सिमरन दिल बहादूर, किरण नवगिरे.
इंग्लंड दौऱ्यात भारताचा एकदिवसीय संघ:
हरमनप्रीत कौर (कर्णधार), स्मृती मानधना (उपकर्णधार), शेफाली वर्मा, दीप्ती शर्मा, पूजा वस्त्राकर, जेमिमा रॉड्रिग्ज, स्नेह राणा, रेणुका ठाकूर, मेघना सिंह, शब्बिनेनी मेघना, तानिया भाटिया (विकेटकिपर), यस्तिका भाटिया (विकेटकिपर), राजेश्वरी गायकवाड, डी हेमलता, सिमरन दिल बहादूर, झुलन गोस्वामी, हरलीन देओल.
