DC vs GT : Shubhman Gill चा टी-२० क्रिकेटमध्ये धुमाकूळ! विराट कोहलीच्या भीम पराक्रमालाही लावला सुरंग; वाचा सविस्तर.. 

 आयपीएल २०२५ च्या ६० वा सामना दिल्ली कॅपिटल्स आणि गुजरात टायटन्स यांच्यात खेळवण्यात आला. या सामन्यात गुजरातने विजय मिळवला आहे. तसेच कर्णधार शुभमन गिलने या सामन्यात विराट कोहलीचा विक्रम मागे टाकला आहे.

DC vs GT :  आयपीएल २०२५ च्या ६० वा सामना दिल्ली कॅपिटल्स आणि गुजरात टायटन्स यांच्यात खेळला गेला. या सामन्यात दिल्लीने दिलेले २०० धावांचे टार्गेट गुजरात टायटन्सने साई सुदर्शन आणि कर्णधार शुभमन गिल यांच्या शानदार खेळाच्या जोरावर सहज पूर्ण करून दिल्लीवर १० गडी राखून विजय मिळवला. या सामन्यात शुभमन गिलने ५३ चेंडूत नाबाद ९३ धावांची खेळी केली. या खेळीसह त्याने एक विक्रम रचला आहे.

शुभमन गिलला विराट कोहलीचा उत्तराधिकारी मानले जात आहे.  ते त्याने सिद्ध करून दाखवले आहे. त्याने आयपीएल २०२५ च्या ६० व्या सामन्यात दिल्लीविरुद्ध दिसून आले, जेव्हा गिलने दिल्ली कॅपिटल्सविरुद्धच्या सामन्यात ५३ चेंडूत नाबाद ९३ धावांची खेळी केली. आपल्या अर्धशतकी खेळीत गिलने विराट कोहलीचा एक मोठा विक्रम मोडीत काढला.

हेही वाचा : IND Vs END : इंग्लंड क्रिकेट बोर्डाकडून डेटा विश्लेषकाची गच्छती! भारताविरुद्धच्या कसोटी मालिकेपूर्वी घेतला मोठा निर्णय

टी-२० क्रिकेटमध्ये सर्वात जलद ५००० धावा करण्याच्या बाबतीत शुभमन गिलने आता दिग्गज कोहलीला देखील मागे सोडले आहे. गिलने १५४ डावांमध्ये टी-२० क्रिकेटमध्ये ५००० धावांचा टप्पा पूर्ण केला आहे. कोहलीने १६७ डावांमध्ये टी-२० मध्ये ५००० धावा पूर्ण केल्या होत्या. भारताकडून टी-२० मध्ये सर्वात जलद ५००० धावा करण्याचा विक्रम केएल राहुलच्या नावावर आहे. राहुलने केवळ १४३ डावांमध्ये ५००० टी-२० धावा पूर्ण करण्याचा भीम पराक्रम केला होता.

सर्वात जलद ५,००० टी-२० धावा करणारे भारतीय खेळाडू

1. १४३ डाव – केएल राहुल
2. १५४ डाव – शुभमन गिल*
3. १६७ डाव – विराट कोहली
4. १७३ डाव – सुरेश रैना

त्याच वेळी, एकूण टी-२० मध्ये सर्वात जलद ५००० धावा करण्याचा विश्वविक्रम ख्रिस गेलच्या नावावर जमा आहे. गेलने टी-२० मध्ये १३२ डावांमध्ये ही कामगिरी करून दाखवली आहे. गिल टी-२० क्रिकेटमध्ये सर्वात जलद ५००० धावा करणारा जगातील सहावा फलंदाज ठरला आहे.See more

Discipline in the details 💙 pic.twitter.com/hTOQLaP5RG — Shubman Gill (@ShubmanGill) May 18, 2025

टी-२० मध्ये ५,००० धावा करणारा सर्वात जलद फलंदाज (५,००० टी-२० धावा करणारा सर्वात जलद)

1. १३२ डाव – ख्रिस गेल
2. १४३ डाव – केएल राहुल
3. १४४ डाव – शॉन मार्श
4. १४४ डाव – डेव्हॉन कॉनवे
5. १४५ डाव – बाबर आझम
6. १५४ डाव – शुभमन गिल*

हेही वाचा : IPL 2025 : Vaibhav Suryavanshi च्या वयाची पुन्हा चर्चा! दाढी आणि मिश्या असलेल्या फोटोने उठला गदारोळ, ‘हा’ आहे खरा आकडा…

या सामन्यात दिल्लीने प्रथम फलंदाजी करताना केएल राहुलच्या शतकाच्या जोरावर दिल्ली कॅपिटल्सचा संघ २० षटकांत तीन गडी गमावून १९९ धावा केल्या. प्रत्युत्तरात साई सुदर्शनच्या नाबाद १०८ धावांच्या खेळी आणि गिलच्या नाबाद ९३ धावांच्या खेळीमुळे गुजरात टायटन्सने १० विकेट्सने हा सामना सहज जिंकला. या विजयासह, गुजरात संघ प्लेऑफसाठी पात्र ठरला आहे.