IND Vs WI: टीम इंडियाने काढला वेस्ट इंडिजचा ‘धूर’; Shubhman Gill ने ठोकले खणखणीत द्विशतक 

IND Vs WI: वेस्ट इंडिजने दिलेला 406 रन्सचा पाठलाग करताना भारताकडून कर्णधार शुभमन गिल आणि रोहित शर्मा यांनी डावाची सुरुवात केली. दोघांनी 200 पेक्षा जास्त रन्सची भागीदारी रचली.

• वेस्ट इंडिजने भारताला दिलेले 406 रन्सचे टार्गेट 
• रोहित आणि शुभमन गिलची शानदार खेळी 
• शुभमन गिलने पूर्ण केले द्विशतक 

IND Vs WI : आज गुवाहाटी येथे भारत विरुद्ध वेस्ट इंडिज यांच्यात दुसरा वनडे सामना पार पडला. या सामन्यात कर्णधार शुभमन गिलने प्रथम गोलंदाजी करण्याचा निर्णय घेतला होता. वेस्ट इंडिजने प्रथम फलंदाजी करत 405 धावांचा डोंगर उभा केला. भारताला विजयासाठी 406 रन्सची गरज होती. भारताने देखील शानदार सुरुवात केली. रोहित शर्मा आणि शुभमन गिल यांनी आक्रमक खेळी केली. शुभमन गिलने शानदार द्विशतक ठोकले. अखेर या सामन्यात भारताने वेस्ट इंडिजवर 8 विकेट्सने दणदणीत विजय प्राप्त केला आहे. तसेच या सिरिजमध्ये 2-0 ने आघाडी घेत सिरिज देखील जिंकली आहे.

भारतीय संघाची फलंदाजी
वेस्ट इंडिजने दिलेला 406 रन्सचा पाठलाग करताना भारताकडून कर्णधार शुभमन गिल आणि रोहित शर्मा यांनी डावाची सुरुवात केली. दोघांनी 200 पेक्षा जास्त रन्सची भागीदारी रचली. शुभमन गिलने शानदार शतकी खेळी केली. रोहित शर्माने देखील आक्रमक खेळी करत इंटरनॅशनल क्रिकेटमध्ये 12000 रन्स पूर्ण केल्या आहेत. रोहित शर्मा 101 रन्स करून आउट झाला. त्याने शानदार शतक पूर्ण केले. त्यानंतर विराट कोहली खेळण्यासाठी आला. विराट 29 रन्स करून आउट झाला. ऋतुराज गायकवाडने देखील गिलला चांगली साथ दिली.

Rohit Sharma: हिटमॅनच्या वादळी खेळीत West Indies बुडालं; रोहित शर्माने केला 12 हजार रन्सचा रेकॉर्ड

वेस्ट इंडिजची फलंदाजी
वेस्ट इंडिजकडून जॉन कॅम्पबेल आणि कीसी कार्टीने डावाची सुरुवात केली होती. कीसी कार्टी केवळ 9 रन्सची खेळी करून आउट झाला. मात्र त्यानंतर कर्णधार जॉन कॅम्पबेल, शाई होप यांनी शानदार शतकी खेळी केली. या दोघांनी केलेल्या आक्रमक आणि शानदार फलंदाजीसमोर भारताचे गोलंदाज सपशेल अपयशी ठरल्याचे दिसून आले.

जॉन कॅम्पबेल 101 रन्स तर शाई होप 104 रन्स करून आउट झाला. अमीर जांगूने देखील शतकी खेळी केली. शेरफेन रदरफोर्ड शून्यावर आउट झाला. जॉन कॅम्पबेलने आणि कीसी कार्टीने वेस्ट इंडिजच्या डावाची  सुरुवात केली. कीसी कार्टी  केवळ 9 रन्स  करून आउट झाला. तर जॉन कॅम्पबेलने भारतीय गोलंदाजांची धुलाई केली. त्याने खणखणीत शतक ठोकले.

भारतीय संघाची गोलंदाजी

भारतीय गोलंदाजांना वेस्ट इंडिजच्या फलंदाजांनी सुरुवातीचे 30 ओव्हर्स जास्त विकेट्स मिळू दिल्या नाहीत. तीन फलंदाजांनी शानदार शतकी खेळी केली. दरम्यान प्रसिद्ध कृष्णाने 1 विकेट पटकावली आणि भारताला यश मिळवून दिले.गूरनूर ब्रारने देखील 2 विकेट्स घेतल्या आणि वेस्ट इंडिजच्या धावसंख्येला थोडासा यावर घालण्याचा प्रयत्न केला. स्पिनर्सने देखील चांगली गोलंदाजी करत कुलदीप यादव आणि रवींद्र जाडेजाने प्रत्येकी 2-2 विकेट घेतल्या.

📸💯 A sublime run of form continues for our Captain 🔝 Updates ▶️ https://t.co/6XCYRtZLAi#TeamIndia | #INDvWI | @mflone_ | @ShubmanGill pic.twitter.com/8CnSOdrQEV — BCCI (@BCCI) September 30, 2026

दोन्ही संघांची प्लेइंग 11

भारत: रोहित शर्मा, शुभमन गिल (कर्णधार), विराट कोहली, ऋतुराज गायकवाड, केएल राहुल (विकेटकीपर), नमन धीर, रवींद्र जडेजा, नितीश कुमार रेड्डी, गुरनूर ब्रार, कुलदीप यादव, प्रसिद्ध कृष्णा.

IND Vs WI: अबब! विंडीजच्या गड्यांनी लयं बेक्कार धुतलं; Team India 400 पार करणार? गिल-कोहली…

वेस्ट इंडिज: जॉन कॅम्पबेल, जस्टिन ग्रीव्ह्स, केसी कार्टी, शाई होप (कर्णधार आणि विकेटकीपर), अमीर जांगू, ज्वेल अँड्र्यू, रॉस्टन चेस, मॅथ्यू फोर्ड, गुडाकेश मोती, अल्झारी जोसेफ, जेडन सील्स.