Deulgaon Table Tennis Tournament
यावेळी नगर परिषदेचे बांधकाम सभापती विष्णू झोरे, बालाजी संस्थानचे वंशपरंपरागत विश्वस्त तथा महाविद्यालयाचे अध्यक्ष राजे विजयसिंह जाधव, व्यवस्थापन प्रतिनिधी राणीसाहेब छायाराजे विजयसिंह जाधव उपस्थित होते. कार्यक्रमाच्या अध्यक्षस्थानी प्रा. डॉ. ज्ञानेश्वर गोरे होते. विद्यापीठाच्या बी झोनअंतर्गत आंतरमहाविद्यालयीन टेबल टेनिस स्पधेचे आयोजन करण्याचा मान श्र व्यंकटेश महाविद्यालयाला मिळाला. स्पर्धेसाठी विविध महाविद्यालयांतील तब्बल २२ संघांनी सहभाग नोंदविला. विजेत्या संघाला सुवर्णपदक व चषक, तर उपविजेत्या संघाला रौप्यपदक व चषक देऊन गौरविण्यात आले. स्पर्धेचे रेफरी म्हणून शहजाद खान व अँधनों फ्रान्सिस यांनी काम पाहिले. पारितोषिक वितरण समारंभास उपविभागीय पोलिस अधिकारी अर्जुन ठोसरे व पोलिस निरीक्षक ब्रह्म गिरी उपस्थित होते.
स्पर्धेदरम्यान खेळाडूंनी उत्कृष्ट कौशल्याचे प्रदर्शन करत सामन्यात चुरशीच्या लढती दिल्या. तसेच, विविध महाविद्यालयांमधून आलेल्या संघांनी दर्जेदार खेळाचे प्रदर्शन करून उपस्थितांची दाद मिळवली. स्पर्धेच्या यशस्वी आयोजनासाठी महाविद्यालयाचे प्राचार्य, प्राध्यापक, कर्मचारी आणि विद्यार्थ्यांनी विशेष परिश्रम घेतले होते. विजेत्या व उपविजेत्या खेळाडूंचे मान्यवरांच्या हस्ते कौतुक करून पुढील वाटचालीसाठी शुभेच्छा देण्यात आल्या.
.png "Videos"){kind=small}
