Ravindra Jadeja: रविंद्र जडेजाचे एकदिवसीय करिअर धोक्यात? जुन्या सहकाऱ्याच्या आशाही संपुष्टात, अक्षर पहिली पसंती

Ravindra Jadeja: रविंद्र जडेजाने वेस्ट इंडिजविरुद्ध शेवटचा एकदिवसीय सामना खेळला, पण त्यात काही चांगली कामगिरी करू शकला नाही. यानंतर न्यूझीलंडविरूद्ध सिरीजमध्ये त्याची निवड झाली नाही

• रविंद्र जडेजाचे एकदिवसीय करिअर संपल्यात जमा?

• न्यूझीलंडविरूद्ध सिरीजमध्ये झाली नाही निवड

• नक्की काय घडले आहे?

Ravindra Jadeja: भारतीय क्रिकेटचा दिग्गज अष्टपैलू खेळाडू रवींद्र जडेजाचे एकदिवसीय सामन्यातील करिअर संपुष्टात आल्याच्या वावड्या उठल्या आहेत. न्यूझीलंडविरूद्ध ५ सामन्यांच्या वनडे सिरीजमध्येही भारतीय संघाचा रविंद्र जडेजा भाग नाही. आता जडेजाचा जुना सहकारी चेतेश्वर पुजारानेदेखील याबाबत आपले मत मांडत रवींंद्रचे करिअर संपुष्टात आल्याचे म्हटलं आहे.  2027 मध्ये खेळणाऱ्या जाणाऱ्या वर्ल्ड कपच्या भारतीय संघात रविंद्रला जागा मिळणे कठीण असल्याचं त्याचं म्हणणं आहे. तर अभिषेक नायरच्या म्हणण्यानुसार, रविंद्र जडेजाला बॅकअप खेळाडू म्हणून संघात नक्कीच जागा मिळू शकते. 

‘JioStar’ वर मुलाखतीदरम्यान चेतेश्वर पुजाराने आपले मत व्यक्त करत म्हटले की, व्यवस्थापनाला जर रवींद्रला संघात स्थान द्यायचे असते तर त्यांनी न्यूझीलंडच्या दौऱ्यात त्याला नक्की स्थान दिले असते. पुजारानुसार, संघ व्यवस्थापनाचे प्राधान्य आता अक्षर पटेल आहे. त्याला नियमितपणे संधी देण्यात येत आहे आणि अष्टपैलू स्पिनर स्वरूपात व्यवस्थापनाच्या दृष्टीने अक्षर हा आता पहिली पसंती होताना दिसून येत आहे. 

पुजाराने केली भविष्यवाणी 

पुजाराने मुलाखतीदरम्यान असेही सुचवले की, संघ व्यवस्थापनाने जडेजाला सांगितले असेल की त्याने आता कसोटी क्रिकेटवर लक्ष केंद्रित करावे आणि संघ त्याच्याकडे व्हाईट-बॉल क्रिकेटसाठी पाहत नाही. जडेजा आधीच टी-२० आंतरराष्ट्रीय क्रिकेटमधून निवृत्त झाला आहे.

न्यूझीलंड मालिकेआधी रवींद्र जडेजाची गर्जना! रणजीत शतक ठोकत गोलंदाजीतही दाखवला दम, टीम इंडियाची चिंता मिटणार?

जडेजा अक्षरचा बॅकअप असू शकतो

अभिषेक नायरने जडेजाच्या भविष्याबद्दल थोडे वेगळे मत मांडले. तो म्हणाला की, ‘जडेजाचे संघात पुनरागमन कठीण असले तरी, अक्षर पटेल जखमी झाल्यास किंवा अनुपलब्ध असल्यास, संघात परत बोलावला जाणारा तो पहिला खेळाडू असेल.’ नायरने जडेजाचे वर्णन संघासाठी ‘विमा पॉलिसी’ असे केले. तो म्हणाला की, संघाकडे अक्षरच्या रूपात एक अनुभवी पर्याय आहे. विश्वचषकापूर्वी अक्षरला दुखापत झाल्यास, जडेजा संघात परत येऊ शकतो.

२०२३ विश्वचषकानंतर कामगिरीत घसरण

जडेजाची अलीकडील एकदिवसीय आकडेवारी संघातील त्याच्या स्थानाबद्दलही प्रश्न निर्माण करते. २०२३ विश्वचषकापासून, तो भारताच्या ३२ एकदिवसीय सामन्यांपैकी केवळ १५ सामने खेळला आहे. या काळात त्याने १४ बळी घेतले असून त्याची गोलंदाजीची सरासरी ४७.९२ आहे. फलंदाजीमध्ये, त्याने विश्वचषकानंतर १० डावांमध्ये १४९ धावा केल्या आहेत. गेल्या सहा वर्षांत त्याने एकदिवसीय सामन्यांमध्ये एकही अर्धशतक झळकावलेले नाही.

Ravindra Jadeja Century: जड्डूची बॅट तळपली! रणजी ट्रॉफीत ठोकलं खणखणीत शतक, न्यूझीलंड दौऱ्याआधी दाखवला दम

एकदिवसीय सामन्यात रविंद्र जडेजाचा रेकॉर्ड