DP World India Golf Championship
या अनुभवाचा फायदा दिल्ली गोल्फ क्लबमध्ये १५ ते १८ ऑक्टोबर दरम्यान होणाऱ्या डीपी वर्ल्ड इंडिया गोल्फ चॅम्पियनशिपमध्ये भारतीय खेळाडूंना नक्कीच होऊ शकतो. या स्पर्धेची तिकिटे सध्या विक्रीसाठी उपलब्ध असून, ती ‘District’वरून खरेदी करता येणार आहेत. डीपी वर्ल्ड टूर आणि डीपी वर्ल्ड पीजीआयटी यांच्या संयुक्त विद्यमाने होणाऱ्या या स्पर्धेची एकूण बक्षीस रक्कम ४० लाख अमेरिकी डॉलर आहे.
भारतीय योगासन पाहून चीनही भारावला! BRICSच्या पारंपरिक क्रीडा महोत्सवात भारताची छाप
भारतीय खेळाडूंसाठी या स्पर्धेचे महत्त्व आणखी मोठे आहे; कारण त्यांना रॉरी मॅकलरॉय, गतविजेता टॉमी फ्लीटवूड, द ओपन चॅम्पियन रायन फॉक्स, जस्टिन रोज, शेन लोरी, पॅट्रिक रीड, ल्यूक डोनाल्ड आणि पीजीए चॅम्पियनशिप विजेता अॅरॉन राय यांच्यासारख्या दिग्गजांविरुद्ध खेळण्याची संधी त्यांना मिळणार आहे. सप्तक तलवारची प्रगती विशेष उल्लेखनीय आहे. २७ वर्षीय तलवार यंदाच्या डीपी वर्ल्ड पीजीटीआय मोसमातील सर्वाधिक सातत्यपूर्ण कामगिरी करणारा भारतीय खेळाडू ठरला असून, तो ऑर्डर ऑफ मेरिटमध्ये आघाडीवर आहे. याशिवाय जम्मू-काश्मीर ओपन, कोलार आणि चेन्नई येथे त्याने टॉप-१०मध्ये स्थान मिळवले, तर अनेक स्पर्धांमध्ये टॉप-१५मध्ये राहण्याची कामगिरी केली.
आशियाई क्रीडा स्पर्धेत तलवारने चार-अंडर ६६च्या शानदार फेरीने मोहिमेला सुरुवात केली आणि तो तिसऱ्या स्थानावर पोहोचला. त्यानंतर त्याने ६८ गुणांची फेरी खेळली आणि अखेरीस अंतिम फेरीत पुन्हा ६६ गुणांची नोंद करून संयुक्त सहावे स्थान मिळवले. हा केवळ चांगला निकाल नव्हता, तर भारतासाठी खेळताना अपेक्षांचे ओझे कसे सांभाळायचे, याचे चार फेऱ्यांमधून मिळालेले महत्त्वपूर्ण शिक्षणही होते. आता तो त्याच आत्मविश्वासासह दिल्लीच्या स्पर्धेत उतरणार आहे.
वीर अहलावतची वाटचालही तितकीच प्रेरणादायी आहे. २०२४चा पीजीटीआय ऑर्डर ऑफ मेरिट विजेता असलेल्या अहलावतने यंदाच्या देशांतर्गत मोसमात सातत्यपूर्ण कामगिरी केली आहे. त्याला विजेतेपद मिळवता आले नसले, तरी १२ स्पर्धांमध्ये त्याने नऊ वेळा टॉप-१०मध्ये स्थान मिळवले. त्यापैकी सात वेळा तो टॉप-५मध्ये राहिला. तेलंगणा ओपन, तेलंगणा मास्टर्स, चेन्नई ओपन आणि रायपूर ओपनमध्ये त्याने अनुक्रमे तिसरे स्थान मिळवले. त्यानंतर बेंगळुरू ओपनमध्ये त्याने तलवारसोबत संयुक्त तिसरे स्थान पटकावले.
युवराज संधूला मात्र आंतरराष्ट्रीय गोल्फचा वेगळा आणि अधिक व्यापक अनुभव मिळाला आहे. २०२५चा पीजीटीआय ऑर्डर ऑफ मेरिट विजेता म्हणून त्याने डीपी वर्ल्ड टूरमध्ये प्रवेश मिळवला आणि यंदाचा बहुतांश मोसम युरोपमध्ये पूर्णवेळ गोल्फच्या आव्हानांना सामोरे जात घालवला. त्याचा मोसम कठीण गेला असला, तरी आशियाई क्रीडा स्पर्धेपूर्वी त्याला महत्त्वाचे यश मिळाले. खराब हवामानामुळे त्याला सरावासाठी पुरेसा वेळ मिळाला नाही. तरीही त्याने परिस्थितीशी जुळवून घेत स्पर्धेत झुंज दिली.
स्पर्धेला सहकार्य
डीपी वर्ल्ड इंडिया गोल्फ चॅम्पियनशिपचे टायटल स्पॉन्सर डीपी वर्ल्ड, प्लॅटिनम स्पॉन्सर्स हिरो फिनक्रॉप, एएम ग्रीन आणि ब्लूमबेर्ग, प्रीमियम पार्टनर्स एडब्ल्यूएस, जीएमआर ऐरो आणि एचएसबीसी, अधिकृत पार्टनर्स अल्दार, एचसीएल टेक, ओमेगा, कोहलेर आणि एमिरेट्स; तसेच अधिकृत पुरवठादार बिस्लेरी, मेदांता, निकोबार, द ओबोराई, हाऊस ऑफ ग्लेनफिडिच, टेलरमेड इंडिया आणि पोकारी स्वीट यांचे या स्पर्धेला सहकार्य लाभले आहे.
.png "Videos"){kind=small}
