DSP Trophy Pune: ढोले पाटील अकादमीचा उपांत्य फेरीत प्रवेश; सार्थक हाबळेची शानदार खेळी

दुसऱ्या लढतीत आरव जाधव (२५ व १-९) याने केलेल्या अष्टपैलू खेळीच्या जोरावर ढोले पाटील क्रिकेट अकादमी संघाने इकोल स्पोर्ट्स फाउंडेशन संघाचा ७७ धावांनी पराभव करत उपांत्य फेरी गाठली. 

• ढोले पाटील अकादमीचा उपांत्य फेरीत प्रवेश 
• डीएसपी करंडक १२ वर्षाखालील क्रिकेट स्पर्धा
• डीएसपी स्पोर्ट्स अँड इव्हेंटस आयोजित स्पर्धा 

पुणे: डीएसपी स्पोर्ट्स अँड इव्हेंटस यांच्या वतीने आयोजित तिसऱ्या डीएसपी करंडक १२ वर्षाखालील क्रिकेट स्पर्धेच्या साखळी फेरीत ढोले पाटील क्रिकेट अकादमी संघाने सलग तिसऱ्या विजयासह उपांत्य फेरीत प्रवेश केला.  वाघोली येथील पुणे क्रिकेट क्लब मैदानावर सुरू असलेल्या या स्पर्धेत पहिल्या लढतीत सार्थक हाबळे (नाबाद ६८) याने केलेल्या अर्धशतकी खेळीच्या जोरावर पीसीसी ब्लू संघाने पुणे यंग गन्स संघाचा ९ गडी राखून पराभव केला. दुसऱ्या लढतीत आरव जाधव (२५ व १-९) याने केलेल्या अष्टपैलू खेळीच्या जोरावर ढोले पाटील क्रिकेट अकादमी संघाने इकोल स्पोर्ट्स फाउंडेशन संघाचा ७७ धावांनी पराभव करत उपांत्य फेरी गाठली.

पुणे यंग गन्स : २५ षटकात सर्वबाद १५९ धावा (अहान फडणीस १७, संकल्प कोरचगाव २-९, नभ्या पटेल २-१८, अन्वित जाधव २-२०, संजोग पोतदार १-६) पराभूत वि. पीसीसी ब्लू : २०.१ षटकात १ बाद १६१ धावा (सार्थक हाबळे नाबाद ६८ (५७, ९×४), सोहम सोळसकर नाबाद ३२ (३८, २×४), अक्षद नंदन १-१६); सामनावीर – सार्थक हाबळे;

ढोले पाटील क्रिकेट अकादमी : २५ षटकात ६ बाद १५६ धावा (आर्या व्यास नाबाद ५४ (५८, ६×४), आरव जाधव २५, आर्यन खेडकर १३, कृष्णा चिमटे १३, समर भोगे ३-२८) वि. वि. इकोल स्पोर्ट्स फाउंडेशन : २३.४ षटकात सर्वबाद ७९ धावा (लावण्या देशमुख १९, समर भोगे २२, कृष्णा चिमटे ३-१३, आरव जाधव १-९, पार्थ निकम १-७); सामनावीर – आरव जाधव.

स्नुकरचा थरार! स्कायलाईन स्ट्रायकर्सचा तिसरा, तर बदामीकर स्टार्सचा दुसरा शानदार विजय

डीएसपी स्पोर्ट्स अँड इव्हेंट्सच्या वतीने आयोजित डीएसपी करंडक मान्सून लीग मिश्र कॉर्पोरेट क्रिकेट स्पर्धेत बीकेसी इलेव्हन संघाने विजयी आगेकूच कायम ठेवली. साखळी फेरीतील सामन्यात दिव्यांशु त्रिपाठीच्या अर्धशतकी खेळीच्या जोरावर बीकेसी इलेव्हनने पुणेरी स्ट्रायकर्स क्लबचा २३ धावांनी पराभव केला. त्रिपाठीला सामनावीराचा पुरस्कार देण्यात आला.

वाघोली येथील पुणे क्रिकेट क्लबच्या मैदानावर सुरू असलेल्या या स्पर्धेत बीकेसी इलेव्हनने प्रथम फलंदाजी करताना २० षटकांत सात गडी गमावून १४९ धावा केल्या. दिव्यांशु त्रिपाठीने ५३ चेंडूंत चार चौकार आणि एका षटकाराच्या मदतीने ५९ धावांची संयमी खेळी केली. सुमेध चौहान आणि अमृत कुमार यांनी प्रत्येकी १७ धावांचे योगदान दिले. पुणेरी स्ट्रायकर्स क्लबकडून सुयश खेडकरने तीन, तर ऋतुराज तावरेने एक गडी बाद केला.

DSP Trophy Cricket: पुणेरी स्ट्रायकर्स आणि फिअरलेस फायटर्सची विजयी घौडदौड

विजयासाठी १५० धावांचे आव्हान घेऊन मैदानात उतरलेल्या पुणेरी स्ट्रायकर्स क्लबला २० षटकांत सात बाद १२६ धावांपर्यंतच मजल मारता आली. सुयश खेडकरने ३४ चेंडूंत सहा चौकारांच्या मदतीने ४३ धावा केल्या. रोहन जाधवने नाबाद ३९ धावांची झुंज दिली. आदेश उपाध्यायने ११ धावा केल्या.