फुटबॉल विश्वातील ‘बलॉन डी’ ओर पुरस्कारासाठी नामांकन जाहीर, “हे” खेळाडू आहेत शर्यतीत

जगात सर्वाधिक प्रसिद्ध असलेल्या फुटबॉल (Football) या खेळामधील सर्वात मानाच्या समजल्याजाणाऱ्या ‘बलॉन डी’ओर (Ballon d’Or Award) या पुरस्कराकरीता नामांकने जाहीर करण्यात आलेली आहेत. वर्षभरात सर्वोत्तम खेळ करणाऱ्या फुटबॉलपटूला हा पुरस्कार दिला जात असून यंदाच्या वर्षासाठी ३० खेळाडूंना पुरस्कारासाठी नॉमिनेशन देण्यात आले आहे.

हे आहेत ‘बलॉन डी’ओर पुरस्काराचे ३० नॉमिनीज :

करीम बेन्जीमा, ख्रिस्तियानो रोनाल्डो, मोहम्मद सालाह, ट्रेन्ट अलेक्झेंडर-अर्नाल्ड, जौ कांसेलो, कासेमिरो, थीबॉट कर्टियस, केविन डी ब्रायने, लुईस डियाज, फेबिन्हो, फिल फोडेन, अर्लिंग हॉलंड, सिबेस्टियन हालर, हॅरी केन, जोशुआ किमिच, राफेल लियो, रॉबर्ट लेवानडॉस्की, रियाद मारेज, माइक मेगन, सादियो माने, कायलिन एम्बापे, लुका मोड्रिच, क्रिस्टोफर कुनकु, डार्विन ननेज, एंटोटिनो रूड्रिगर, बर्नाडो सिल्वा, सॉन ह्यूंग मिन, वर्जिल वॉन डाइक, विंसी जूनियर, दूसान व्लाहोविच.

लिओनल मेस्सीला यंदा नामांकन नाही :
सर्वाधिक वेळा हा पुरस्कार जिंकणारा आणि मागील १७ वर्षे सलग नामांकन मिळवणारा लिओनल मेस्सीचे (Lionel Messi) नाव या यंदाच्या नामांकन यादीत आलेले नाही. विशेष म्हणजे मेस्सीने १-२ नाही तर तब्बल ७ वेळा हा पुरस्कार जिंकला आहे. तसंच २०१८ वगळता २००७ पासून ते २०२१ पर्यंत मेस्सी १४ वेळा मेस्सी टॉप-३ मध्ये देखील राहिला आहे. मागील वर्षी म्हणजेच २०२१ मध्ये मेस्सीनेच हा पुरस्कार मिळवला होता. पण यंदा १७ वर्षे एकाच क्लबकडून खेळलेल्या मेस्सीने बार्सिलोना सोडून फ्रेंच क्लब पॅरिस सेंट जर्मनसोबत (PSG) जॉईन झाला असून नव्या संघात तो हवा तसा खेळ करु शकला नसल्याचे दिसून आले आहे. तो संघाला चॅम्पियन्स लीग क्वार्टर फायनलपर्यंतही पोहचू शकलेला नाही.