फोटो सौजन्य - सोशल मिडिया
Hockey World Cup 2026 Schedule : भारतामध्ये नुकताच क्रिकेट विश्वचषक पार पडला यामध्ये भारताच्या संघाने बाजी मारली. महिल विश्वचषक देखील होणार आहे त्याआधी हाॅकी विश्वचषकाची तयारी सघ्या सुरू आहे. एफआयएच हॉकी विश्वचषक २०२६ चे आयोजन बेल्जियम आणि नेदरलँड्स करणार आहेत. १५ ते ३० ऑगस्ट २०२६ दरम्यान खेळल्या जाणाऱ्या या स्पर्धेसाठीचे गट नुकतेच जाहीर करण्यात आले आहेत. भारताच्या पुरूष संघाने मागील काही वर्षामध्ये कमालीची कामगिरी केली आहे.
हॉकी विश्वचषक २०२६ चे वेळापत्रकही प्रसिद्ध करण्यात आले आहे. विशेष म्हणजे, या स्पर्धेत भारत आणि पाकिस्तान यांच्यात सामना होणार आहे. २०२४ च्या आशियाई चॅम्पियन्स ट्रॉफीनंतर हे दोन संघ प्रथमच एकमेकांसमोर उभे ठाकतील. भारतीय पुरुष हॉकी संघ १५ ऑगस्ट रोजी वेल्सविरुद्ध स्पर्धेतील आपल्या मोहिमेला सुरुवात करेल. त्यानंतर १७ ऑगस्ट रोजी इंग्लंडविरुद्ध आणि १९ ऑगस्ट रोजी पाकिस्तानविरुद्ध एक महत्त्वपूर्ण सामना होईल. भारतीय संघ आपले सर्व सामने नेदरलँड्समधील अॅमस्टेलवीन येथे खेळेल.
पुरुष आणि महिला दोन्ही एफआयएच हॉकी विश्वचषक १५ ते ३० ऑगस्ट दरम्यान नेदरलँड्स आणि बेल्जियममध्ये एकाच वेळी आयोजित केले जातील. प्रत्येक स्पर्धेत सोळा संघ सहभागी होतील. सर्व सामने अॅमस्टेलवीनमधील वागेनर स्टेडियम आणि बेल्जियममधील वावर येथील नवीन बेल्फियस हॉकी एरिना येथे खेळले जातील.
१५ ऑगस्ट: भारत विरुद्ध वेल्स
१७ ऑगस्ट: भारत विरुद्ध इंग्लंड
१९ ऑगस्ट: भारत विरुद्ध पाकिस्तान
२०२६ च्या हॉकी विश्वचषकासाठी भारतीय महिला संघाला ‘ड’ गटात स्थान देण्यात आले आहे, ज्यात चीन, इंग्लंड आणि दक्षिण आफ्रिका यांचा समावेश आहे. त्यांचा पहिला सामना १६ ऑगस्ट रोजी अॅमस्टेलवीन येथे चीनविरुद्ध होईल. त्यानंतर १८ ऑगस्ट रोजी दक्षिण आफ्रिकेविरुद्ध आणि २० ऑगस्ट रोजी इंग्लंडविरुद्ध सामने होतील. भारतीय महिला संघ गेल्या काही वर्षांपासून चांगल्या फॉर्ममध्ये आहे आणि विश्वचषकासाठी एक प्रबळ दावेदार ठरू शकतो. भारतीय महिला संघ आपल्या गट फेरीतील सर्व सामने नेदरलँड्समध्ये खेळणार आहे.
१६ ऑगस्ट: चीन विरुद्ध भारत
१८ ऑगस्ट: भारत विरुद्ध दक्षिण आफ्रिका
२० ऑगस्ट: भारत विरुद्ध इंग्लंड
.png "Videos"){kind=small}
