IND vs AUS 5th Test : सिडनी टेस्टपूर्वी भारतीय संघाचे ऑस्ट्रेलिया पंतप्रधानांकडून जोरदार स्वागत, BCCI कडून व्हिडीओ पोस्ट
IND vs AUS 5th Test : बॉर्डर-गावस्कर ट्रॉफीमध्ये भारत विरुद्ध ऑस्ट्रेलिया मालिकेतील शेवटची आणि पाचवी कसोटी 3 जानेवारीपासून सिडनी येथे खेळवली जाणार आहे. या शेवटच्या लढतीपूर्वी भारतीय संघाने ऑस्ट्रेलियाचे पंतप्रधान अँथनी अल्बानीज यांची भेट घेतली. पंतप्रधानांनी बुधवारी सिडनीतील किरिबिली हाऊसमध्ये टीम इंडियाचे स्वागत केले. BCCI ने या संदर्भात एक व्हिडिओदेखील शेअर केला आहे, ज्यामध्ये भारतीय आणि ऑस्ट्रेलियन खेळाडू एकमेकांशी बोलताना दिसत होते.
ऑस्ट्रेलिया पंतप्रधानांकडून जसप्रीत बुमराहचे कौतुक
ऑस्ट्रेलियन पंतप्रधानांनी जसप्रीत बुमराहचेही कौतुक केले, ज्याने सध्याच्या मालिकेत आतापर्यंत 30 बळी घेतले आहेत. पीएम अल्बानीज गमतीने म्हणाले की, “बुमराह डाव्या हाताने किंवा एका पायाने धावताना गोलंदाजी करेल, असा कायदा आपण येथे केला पाहिजे.” आम्ही तुम्हाला सांगतो की, पंतप्रधानांनी भारत आणि ऑस्ट्रेलियाच्या संघांशी सुमारे 90 मिनिटे चर्चा केली.
सॅम कॉन्स्टास मानतो विराटला आपला आदर्श
दरम्यान, सॅम कॉन्स्टास पुन्हा एकदा प्रकाशझोतात आला. कॉन्स्टन्स कोहलीला आपला आदर्श मानतो आणि त्याच्यासोबत एक फोटोही क्लिक केला होता. तर मेलबर्न कसोटीत हे दोन क्रिकेटपटू एकमेकांना भिडल्याने वाद झाला होता. त्या घटनेसाठी भारताचा माजी कर्णधार कोहलीला त्याच्या मॅच फीच्या 20 टक्के दंड आणि एक डिमेरिट पॉइंट देखील मिळाला आहे.
गौतम गंभीरकडून ऑस्ट्रेलियाचे कौतुक
BCCI ने शेअर केलेल्या व्हिडीओमध्ये भारताचे मुख्य प्रशिक्षक गौतम गंभीर याने ऑस्ट्रेलिया हा एक अतिशय सुंदर देश आहे, परंतु येथे क्रिकेट खेळणे खूप कठीण आहे. येथे दौरा करणे हे कोणत्याही देशासाठी खूप कठीण काम असेल आणि येथे गर्दी तुडुंब भरलेली आहे. येथे भरपूर ऊर्जा आहे, जी तुम्हाला खेळताना जाणवते. हा दौरा खूप छान झाला. अजून एक कसोटी सामना बाकी आहे आणि मी सर्वांचे आभार मानू इच्छितो आणि सर्वांना नवीन वर्षाच्या खूप खूप शुभेच्छा.
हेही वाचा : IND vs AUS : कशी असेल भारताची प्लेइंग ११, टीम इंडियाचा वेगवान गोलंदाज दुखापतीमुळे बाहेर
.png "Videos"){kind=small}
