IND vs AUS : ऑस्ट्रेलियाचा सामना करण्यासाठी रोहित आणि विराटची आकडेवारीच पुरेशी, कांगारुच्या अडचणी वाढणार

आता भारताचा संघ एकदिवसीय मालिका खेळताना दिसणार आहे यावेळी रोहित शर्मा आणि विराट कोहली या दोघांचाही संघात समावेश आहे. पण रोहित शर्मा हा भारतीय संघाचा कर्णधार नसणार आहे.

भारत विरुद्ध ऑस्ट्रेलिया यांच्यामध्ये एकदिवसीय मालिकेला ऑक्टोबर पासून सुरुवात होणार आहे. बऱ्याच महिन्यानंतर क्रिकेटच्या त्यांना रोहित शर्मा आणि विराट कोहली एकत्र खेळताना दिसणार आहे. कसोटी क्रिकेट मधून आणि t20 क्रिकेट मधून निवृत्ती घेतल्यानंतर आता भारताचा संघ एकदिवसीय मालिका खेळताना दिसणार आहे यावेळी रोहित शर्मा आणि विराट कोहली या दोघांचाही संघात समावेश आहे. पण रोहित शर्मा हा भारतीय संघाचा कर्णधार नसणार आहे तो एक सीनियर प्लेयर म्हणून टीम इंडियामध्ये खेळताना दिसेल.

तीन सामन्यांच्या एकदिवसीय मालिकेव्यतिरिक्त, भारत आणि ऑस्ट्रेलिया पाच सामन्यांची टी-२० मालिका खेळतील. रोहित शर्मा आणि विराट कोहली यांचाही एकदिवसीय मालिकेसाठी टीम इंडियामध्ये समावेश करण्यात आला आहे. हे दोन्ही खेळाडू जवळजवळ सात महिन्यांनंतर भारताकडून क्रिकेट खेळणार आहेत. बऱ्याच काळानंतर, दोन भारतीय दिग्गज एकत्र दिसणार आहेत, ज्यामुळे चाहत्यांमध्ये मोठा उत्साह निर्माण झाला आहे. रोहित आणि विराटचे ऑस्ट्रेलियन भूमीवर प्रभावी एकदिवसीय रेकॉर्ड आहेत. हे दोन्ही खेळाडू कांगारूंना तोंड देण्यास सक्षम आहेत. हे फक्त आपणच म्हणत नाही आहोत, तर आकडेवारी हे सिद्ध करत आहे.

IND vs WI : फॉलो-ऑन मिळाल्यानंतर भारताने कधी केली होती फलंदाजी? रवींद्र जडेजाचे देखील पदार्पण झाले नव्हते

रोहित शर्मा आणि विराट कोहली यांचे प्रभावी आकडे

रोहित आणि विराटने ऑस्ट्रेलियन भूमीवर एकदिवसीय कारकिर्द उत्तम केली आहे. रोहितने आतापर्यंत ऑस्ट्रेलियन भूमीवर १९ एकदिवसीय सामने खेळले आहेत. या काळात, हिटमॅनने ५८.२३ च्या सरासरीने ९९० धावा केल्या आहेत. रोहितने ९०.९९ च्या स्ट्राईक रेटसह चार शतके आणि दोन अर्धशतके देखील केली आहेत.

कोहलीच्या आकडेवारीवरून असे दिसून येते की त्याने आतापर्यंत १८ सामने खेळले आहेत, ज्यामध्ये त्याने ४७.१७ च्या सरासरीने ८०२ धावा केल्या आहेत. त्याने तीन शतके आणि चार अर्धशतके झळकावली आहेत. त्याने ८८.७१ च्या स्ट्राईक रेटने फलंदाजी केली आहे. त्यांची आकडेवारी पाहून ऑस्ट्रेलियन संघात नक्कीच खळबळ उडाली असेल. हे दोन्ही खेळाडू ऑस्ट्रेलियाला हाताळण्यास सक्षम आहेत.

Vaibhav Suryavanshi नव्या भूमिकेत! या संघाचे सांभाळणार उपकर्णधारपद, रणजी ट्रॉफीचे खेळणार सामने

रोहित शर्माने ६७ कसोटी सामन्यांमध्ये ४०.५७ च्या सरासरीने ४३०१ धावा केल्या आहेत. त्याने २७३ एकदिवसीय सामन्यांमध्ये ४८.७६ च्या सरासरीने १११६८ धावा केल्या आहेत. शिवाय, त्याने १५९ टी-२० सामन्यांमध्ये ३२.०५ च्या सरासरीने ४२३१ धावा केल्या आहेत. दरम्यान, विराटने १२३ कसोटी सामन्यांमध्ये ४६.८५ च्या सरासरीने ९,२३० धावा केल्या आहेत. तसेच त्याने ३०२ एकदिवसीय सामन्यांमध्ये ५७.८८ च्या सरासरीने १४,१८१ धावा केल्या आहेत. तसेच त्याने १२५ टी-२० सामन्यांमध्ये ४८.६९ च्या सरासरीने ४,१८८ धावा केल्या आहेत.