IND vs NZ ODI Series: वेलिंग्टनमधील दुसऱ्या एकदिवसीय सामन्यावर पावसाचे सावट, कशी आहे स्थिती

IND vs NZ ODI Series: ७ नोव्हेंबर रोजी दुसरा एकदिवसीय सामना भारत आणि न्यूझीलंड दरम्यान ऑकलंडमध्ये होणार आहे. मात्र या सामन्यावरही पावसाचे सावट असल्याचे दिसून येत आहे.

दुसऱ्या सामन्यावर पावसाचे सावट (फोटो सौजन्य - IANS)

Follow Us:

Follow Us:

• भारत विरूद्ध न्यूझीलंड दुसरा एकदिवसीय सामना ऑकलंडमध्ये 

• वेलिंग्टनवर खेळवण्यात येणाऱ्या या सामन्यावर पावसाचे सावट 

• काय सांगते न्यूझीलंडचे हवामान 

शुक्रवारी सामन्याच्या पहिल्या सत्रात वेलिंग्टनमध्ये पाऊस पडल्याने दोन्ही संघांना त्यांच्या सराव सत्रांचे वेळापत्रक बदलावे लागले. सामन्याचे ठिकाण असलेल्या हेन्री स्टेडियमऐवजी दोन्ही संघ बेसिन रिझर्व्ह येथे सराव करणार होते. न्यूझीलंडने आपले सराव सत्र वेलिंग्टन कॉलेजमधील इनडोअर ठिकाणी हलवले, तर भारताने आपले सराव सत्र रद्द केले.

भाई इस बार करना पडेगा! NZ च्या भूमीत Rohit Sharma च्या बॅटचा रेकॉर्ड थंडगार; या सिरीजमध्ये…

कसे असणार हवामान 

हवामान विभागाच्या अंदाजानुसार, शनिवारच्या सामन्याच्या पहिल्या सत्रात पावसाची ६० टक्के आणि दुसऱ्या सत्रात ५५ टक्के शक्यता आहे. पाऊस पडल्यास सामन्यावर गंभीर परिणाम होईल. पावसामुळे पहिल्या एकदिवसीय सामन्याचा निकालही डकवर्थ-लुईस-सेल्फ (DLS) पद्धतीने ठरवण्यात आला होता. 

प्रथम फलंदाजी करताना न्यूझीलंडचा संघ ४०.२ षटकांत १८५ धावांवर बाद झाला. भारताच्या फलंदाजीच्या डावादरम्यान पावसामुळे दोनदा खेळ थांबवावा लागला. दुसऱ्यांदा खेळ थांबल्यानंतर, भारताला ३२ षटकांत विजयासाठी १४३ धावांचे सुधारित लक्ष्य देण्यात आले. 

विराटने केला नैसर्गिक खेळ 

विराट कोहलीच्या ५१ चेंडूंतील ७४ धावांच्या जोरावर भारताने २२.४ षटकांत ५ गडी गमावून १४३ धावा करत ५ गडी राखून सामना जिंकला. भारतीय वेगवान गोलंदाज अंशुल कंबोजने १० षटकांत २२ धावा देत २ बळी घेतले, ज्यात २ निर्धाव षटकांचा समावेश होता. त्याच्या उत्कृष्ट गोलंदाजीसाठी त्याला सामनावीर म्हणून गौरविण्यात आले. विराटने नुकताच वाढदिवस साजरा केला असून तो ३८ व्या वर्षीदेखील कमालीचा फिट असल्याचे या सिरीजमधून दिसून येत आहे. 

IND vs NZ 2nd ODI: कधी खेळला जाणार न्यूझीलंडविरुद्ध दुसरा सामना, वेळ आणि तारीख आताच नोंद करून घ्या

कशी असणार सिरीज 

शनिवारी वेलिंग्टन येथे दुसऱ्या एकदिवसीय सामन्यानंतर, मालिकेतील तिसरा सामना १० नोव्हेंबर रोजी हॅमिल्टन येथे खेळला जाईल. चौथा आणि पाचवा एकदिवसीय सामना अनुक्रमे १३ आणि १५ नोव्हेंबर रोजी माउंट मौंगानुई येथे खेळला जाईल. दरम्यान चाहते पाऊस येऊ नये याचीच प्रार्थना करत आहेत. कारण रोहित शर्मा आणि विराट कोहली यांना खेळताना पाहण्याची संधी जाऊ नये असं अनेकांना वाटत आहे. 

Web Title: Ind vs nz odi series rain clouds loom over the second odi in wellington dn

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com