India vs New Zealand tour Schedule
भारताचा न्यूझीलंड दौरा २२ ऑक्टोबर ते १ नोव्हेंबर २०२६ दरम्यान खेळला जाणार आहे. या दौऱ्याची सुरुवात पाच टी२० आंतरराष्ट्रीय सामन्यांच्या मालिकेने सुरू होईल. टी२० आंतरराष्ट्रीय मालिकेतील पहिले दोन सामने क्राइस्टचर्च येथे खेळले जातील. यानंतर, दोन्ही संघ वेलिंग्टन, ऑकलंड आणि हॅमिल्टन येथे एकमेकांविरुद्ध खेळतील. टी२० आंतरराष्ट्रीय मालिकेतील सर्व सामने भारतीय प्रमाणवेळेनुसार दुपारी १२.३० वाजता सुरू होतील. श्रेयस अय्यरच्या नेतृत्वाखालील या मालिकेसाठी युवा खेळाडू वैभव सूर्यवंशीचीही निवड झाली आहे. वैभव आता न्यूझीलंडमध्ये आपल्या स्फोटक फलंदाजीने धुमाकूळ घालताना दिसेल.
टी-२० मालिकेनंतर भारत आणि न्यूझीलंड यांच्यात पाच एकदिवसीय सामन्यांची मालिका खेळवली जाईल. ही मालिका ४ नोव्हेंबर ते १५ नोव्हेंबर या कालावधीत खेळवली जाईल. एकदिवसीय मालिकेतील पहिले तीन सामने ऑकलंड, वेलिंग्टन आणि हॅमिल्टन येथे खेळले जातील. मालिकेतील शेवटचे दोन सामने माउंट माउंगानुई येथील बे ओव्हलवर खेळले जातील. एकदिवसीय मालिकेतील सर्व सामने भारतीय प्रमाणवेळेनुसार सकाळी ७.३० वाजता सुरू होतील. यामध्ये रोहित शर्मा आणि विराट कोहलीसारखे अनुभवी खेळाडू खेळताना दिसतील.
या दौऱ्याचा अंतिम टप्पा सर्वात रोमांचक ठरणार आहे. कारण भारत आणि न्यूझीलंड यांच्यात दोन सामन्यांची कसोटी मालिका खेळली जाणार आहे. ही कसोटी मालिका १९ नोव्हेंबर ते १ डिसेंबर २०२६ दरम्यान खेळवली जाईल. आयसीसी जागतिक कसोटी चॅम्पियनशिप (WTC) २०२५-२७ च्या अंतिम सामन्याच्या पार्श्वभूमीवर ही मालिका भारतासाठी अत्यंत महत्त्वाची आहे. ही मालिका जिंकून गुणतालिकेतील आपले स्थान सुधारण्यासाठी भारताकडे संधी असेल.
पहिला कसोटी सामना १९ ते २३ नोव्हेंबर दरम्यान वेलिंग्टनमधील बेसिन रिझर्व्ह येथे खेळला जाईल. दुसरा कसोटी सामना २७ नोव्हेंबर ते १ डिसेंबर दरम्यान क्राइस्टचर्चमधील हॅगली ओव्हल येथे खेळला जाईल. कसोटी सामना भारतीय प्रमाणवेळेनुसार दुपारी ३.३० वाजता सुरू होईल.
.png "Videos"){kind=small}
