IND vs SA 2nd T20 : अरे रे! अर्शदीप हे काय करून बसला! एका T20 सामन्यात टाकली 13 चेंडूंची ओव्हर; लज्जास्पद विक्रम केला नावे 

अर्शदीपच्या नावे नलज्जास्पद विक्रम

अर्शदीपने एका ओव्हरमध्ये  ७ चेंडू वाईड टाकले. या कामगिरीसह, तो टी-२० आंतरराष्ट्रीय सामन्यात १३ चेंडूंचे षटक टाकणारा पहिला भारतीय गोलंदाज ठरला आहे. टी-२० क्रिकेटमध्ये हा विक्रम अत्यंत दुर्मिळ असून एका गोलंदाजासाठी तो अत्यंत लज्जास्पद मानला जातो. अर्शदीपच्या या षटकाने चाहते आणि तज्ञ दोघांना देखील आश्चर्यचकित केले आहे.

जागतिक विक्रमाशी साधली  बरोबरी

अर्शदीप सिंग आता टी-२० आंतरराष्ट्रीय सामन्यात १३ चेंडूंचे षटक टाकणारा जगातील दुसरा गोलंदाज ठरला आहे. ज्यामध्ये ६ कायदेशीर चेंडू आणि ७ वाईडचा समावेश होता. यापूर्वी, हा विक्रम अफगाणिस्तानच्या नवीन उल हकच्या नवे जमा होता.  ज्याने गेल्या वर्षी झिम्बाब्वेविरुद्ध १३ चेंडूंचे षटक टाकले होते, ज्यामध्ये ६ वाईड आणि १ नो-बॉल होता.

पूर्ण सदस्य संघातील इतर कोणत्याही गोलंदाजाने टी-२० आंतरराष्ट्रीय सामन्यात इतका लांब ओव्हर टाकली नाही. दक्षिण आफ्रिकेच्या सिसंदा मगालाने २०२१ मध्ये जोहान्सबर्गमध्ये पाकिस्तानविरुद्ध १२ चेंडूंची ओव्हर टाकली होती.. तथापि, अर्शदीप सिंगने मगालाला मागे टाकत नवीन उल हकच्या विक्रमाशी बरोबरी साधली आहे. अर्शदीप सिंगची ही ओव्हर त्याच्या कारकिर्दीतील सर्वात वाईट कामगिरी जरी ठरली असली तरी  चाहते आणि विश्लेषक टी-२० क्रिकेटमध्ये ही एक दुर्मिळ घटना असल्याचे मानत आहेत.

हेही वाचा : फुटबॉल मैदानाला दंगलीचे रूप! बघता बघता पाकिस्तानी खेळाडूंमध्ये तूफान हाणामारी; पहा Video

भारताचा वेगवान गोलंदाज अर्शदीप सिंगने त्याच्या पहिल्या दोन षटकांमध्ये २० धावा मोजल्या. ड्रिंक्स ब्रेकनंतर कर्णधार सूर्यकुमार यादवने त्याला गोलंदाजीसाठी पुन्हा पाचारण केले. अर्शदीपने ११ व्या षटकात १८ धावा दिल्या, ज्यात त्याने सात वाईड टाकले होते. यात एक षटकार, तीन एकेरी आणि एक दुहेरी धावांचा समावेश होता.

दक्षिण आफ्रिकेच्या २१३ धावा

भारत आणि दक्षिण आफ्रिका यांच्यातील पाच सामन्यांच्या  T20 मालिकेतील दुसऱ्या सामन्यात  नाणेफक गमावणाऱ्या दक्षिण आफ्रिकेने प्रथम फलंदाजी करत क्विंटन डी कॉकच्या स्फोटक अर्धशतकाच्या जोरावर ४ बाद २१३ धावा केल्या आहेत. क्विंटन डी कॉकने ४६ चेंडूचा सामना करत ९० धावांची खेळी केली. त्याने या खेळीत ५ चौकार आणि ७ षटकार ठोकले. भारताला विजयासाठी २१४ धावा कराव्या लागणार आहेत.

संबंधित बातम्या