IND vs THA Live: थायलंडने टॉस जिंकला! भारताविरुद्ध प्रथम गोलंदाजीचा निर्णय; प्रतिका रावलला डेब्यू कॅप

IND vs Tha Asia Cup Match Toss Updates: आशिया कप स्पर्धेत आज भारत आणि थायलंडमध्ये थोड्याच वेळात सामना खेळला जाणार आहे. त्याआधी दोन्ही कर्णधार हरमनप्रीत कौर आणि थिपाचा पुत्थावोंग टॉससाठी मैदानात उतरले आहेत.

• थायलंडचा टॉस जिंकून मोठा डाव
• भारताविरुद्ध प्रथम गोलंदाजी
• प्रतिका रावलचं पदार्पण

महिला आशिया कप २०२६ स्पर्धेत आज भारत आणि थायलंड आमनेसामने येणार आहेत.हा सामना दुबई आंतरराष्ट्रीय क्रिकेट स्टेडियमवर खेळला जाणार आहे. आज भारत या स्पर्धेतील आपला पहिला सामना खेळणार आहे तर, थायलंड आपला पहिला सामना जिंकून येथे दाखल झाला आहे. थोड्याच वेळात सामन्याला सुरुवात होणार आहे. त्याआधी दोन्ही संघाचे कर्णधार थिपाचा पुत्थावोंग आणि हरमनप्रीत कौर नाणेफेकीसाठी मैदानात उतरले आहेत. थायलंडने नाणेफेक जिंकून प्रथम गोलंदाजी करण्याचा निर्णय घेतला आहे. या सामन्यात टीम इंडियामध्ये जेमिमाच्या जागी प्रतिका रावला पदार्पणाची संधी देण्यात आली आहे.

श्रीलंका क्रिकेटमध्ये पुन्हा भूकंप! ICC ने महिला चॅम्पियन्स ट्रॉफी 2027 चं यजमानपद काढून घेतलं; आता स्पर्धेत खेळणंही कठीण

थायलंडची नन्नपत कोन्चारोएनकाई सध्या दुकापतग्रस्त आहे. तिच्या जागी थिपाचा पुत्थावोंगला थायलंडचा स्टॅंड इन कर्णधार बनवण्यात आले आहे. थिपाचाने नाणेफेक जिंकून गोलंदाजी करण्याचा निर्णय घेतला. थिपाचा पुट्टावाँगच्या मते, त्यांना भारताला १२०-१३० धावांवर रोखावे लागेल.

नाणेफेकीदरम्यान हरमन काय म्हणाली?

नाणेफेक गमावल्यानंतर हरमनप्रीत कौर म्हणाली की, ‘आम्ही प्रथम गोलंदाजी करण्याचाही विचार केला होता, पण प्रथम फलंदाजी करण्यातही काही अडचण नाही. जेमी संघात नसल्यामुळे प्रतिका आज पदार्पण करत आहे. आम्हाला चांगला क्रिकेट खेळायचा आहे. आम्ही आक्रमकपणे खेळण्याबद्दल बोललो आहोत आणि ही स्पर्धा आमच्यासाठी खूप महत्त्वाची आहे.’

प्रतिका रावलचा आंतरराष्ट्रीय डेब्यू

थायलंडविरुद्धच्या सामन्यात प्रतीका रावलने टी२० आंतरराष्ट्रीय सामन्यांमध्ये पदार्पण केले. नाणेफेकीपूर्वी कर्णधार हरमनप्रीत कौरच्या हस्ते प्रतीकाला कॅप देण्यात आली. प्रतीकाच्या निवडीबद्दल सतत चर्चा सुरू होती, पण अखेरीस आज तिने भारतासाठी टी२० आंतरराष्ट्रीय पदार्पण केले. दुखापतग्रस्त जेमिमाच्या जागी प्रतिका रावलला पदार्पणाची संधी देण्यात आली आहे.

हेड टू हेड

कागदावर भारतीय संघ वरचढ दिसत असला तरी, या फॉरमॅटमध्ये कोणताही संघ कधीही कोणत्याही संघाला हरवू शकतो. आतापर्यंत खेळल्या गेलेल्या तीन सामन्यांमध्ये भारताचा  सर्विव सामने जिंकले आहेत. भारताने २०१८ आणि २०२२ च्या सामन्यांमध्ये थायलंडला पराभूत केले होते.

दोन्ही संघाची प्लेइंग ११

भारत: स्मृती मानधना, शफाली वर्मा, प्रतिका रावल, हरमनप्रीत कौर (कर्णधार), भारती फुलमाली, ऋचा घोष (यष्टीरक्षक), दीप्ती शर्मा, प्रेमा रावत, श्री चरणी, क्रांति गौड, नंदिनी शर्मा

थायलंड: नन्नापत कोन्चारोएनकाई, नत्थाकन चन्थम, नरुएमोल चायवाई, फन्निता माया, चनिडा सुत्थिरुआंग, सुत्थिरुआंग लाओमी, ओन्निचा कामचोम्फू, थिपाचा पुथावोंग, सुनिदा चतुरोंगरत्तना, अपिसरा सुवान्चोनराथेच यानिसा फेंगपैन.

श्रीलंका दौरा संपताच BCCI ॲक्शनमध्ये! टीम इंडियाच्या स्टार्सची फिटनेस परीक्षा; ‘हे’ खेळाडू गैरहजर?